Mofia Suicide Case : മൊഫിയ കേസ് : പ്രതിഷേധവുമായി എത്തിയ കോൺഗ്രസ് നേതാക്കള്‍ക്ക് തീവ്രവാദ ബന്ധമുണ്ടെന്ന് സംശയം

Kochi : മൊഫിയ പ്രവീൺ (Mofia  Praveen) ആത്മഹത്യ (Suicide)ചെയ്ത സംഭവത്തിൽ  പ്രതിഷേധവുമായി (Protest) പോലീസ് സ്റ്റേഷനിലേക്ക് എത്തിയ പ്രാദേശിക കോൺഗ്രസ് നേതാക്കൾക്ക് തീവ്രവാദ ബന്ധമുണ്ടെന്ന് (Terrorrism) സംശയിക്കുന്നതായി പോലീസ് പറഞ്ഞു. സമരത്തെ തുടർന്ന് പൊതുമുതൽ നശിപ്പിച്ചുവെന്ന കേസിൽ മൂന്ന് പേരെ അറസ്റ്റ് ചെയ്തിരുന്നു.

അൽ അമീൻ, അനസ്, നജീബ് എന്നിവരെയാണ് പൊലീസ് അറസ്റ്റ് ചെയ്തത്. ഇവരുടെ കസ്റ്റഡി ആവശ്യപ്പെട്ട് കൊണ്ട് കോടതിയിൽ സമർപ്പിച്ച അപേക്ഷയിലാണ് ഇവർക്ക് തീവ്രവാദ ബന്ധമുള്ളതായി സംശയിക്കുന്നുവെന്ന് പൊലീസ് ഉദ്യോഗസ്ഥർ പറഞ്ഞിരിക്കുന്നത്. സമരത്തിനിടയിൽ ഇവർ വൻ നാശനഷ്ടം വരുത്തിയിരുന്നു.

സമരത്തിന്റെ ഭാഗമായി ഡിഐജിയുടെ കാര്‍ തടയുകയും, ജലപീരങ്കിയുടെ  മേൽ ഓടി കെട്ടുകയും ഒക്കെ ഇവർ ചെയ്തിരുന്നു. കേസിൽ ആകെ 12 പെറീയാൻ അറസ്റ്റ് ചെയ്തിരിക്കുന്നത്.  എന്നാൽ ഇവരിൽ മൂന്ന് പേരുടെ കസ്റ്റഡി മാത്രമാണ് പൊലീസ് ആവശ്യപ്പെട്ടിരിക്കുന്നത്. കെഎസ്‌യു ആലുവ മണ്ഡലം പ്രസിഡന്റ് അല്‍ അമീന്‍, കോണ്‍ഗ്രസ് കീഴ്മാട് മണ്ഡലം പ്രസിഡന്റ്  നജീബ്, ബൂത്ത് വൈസ് പ്രസിഡന‍്റ് അനസ് എന്നിവരെയാണ് കേസില്‍ അറസ്റ്റ് ചെയ്തത്.

മാത്രമല്ല ഇവരെ മൂന്ന് പേരെയും പുറത്ത് വിടുന്നത് അപകടമാണെന്നും പൊലീസ് റിപ്പോർട്ടിൽ പറയുന്നുണ്ട്. ഇവരെ പുറത്ത് വിട്ടാൽ കലാപങ്ങൾക്ക് നേതൃത്വം നല്കാൻ സാധ്യതയുണ്ടെന്ന് പൊലീസ് റിപ്പോർട്ടിൽ ആരോപിച്ചു. ജലപീരങ്കിയുടെ മുകളിൽ നിൽക്കുന്ന ചിത്രങ്ങളും പ്രതികൾ സാമൂഹിക മാധ്യമങ്ങളിൽ പങ്ക്‌വെച്ചിരുന്നു. ഇതിന് തീവ്രവാദവുമായി ബന്ധമുണ്ടോയെന്നും അന്വേഷിക്കും.

മൊഫിയ പ്രവീൺ പരാതി നൽകി, ഒരു മാസം കഴിഞ്ഞിട്ടും നടപടി സ്വീകരിക്കാത്തതിനെതിരെയാണ് പ്രതിഷേധം നടത്തിയത്.  മൊഫിയയെ ആത്മഹത്യയിലേക്ക് തള്ളിയിട്ട സിഐയെ സസ്പെന്റ് ചെയ്യണം എന്നായിരുന്നു ആവശ്യം. മൂന്ന് ദിവസങ്ങളായിരുന്നു സമരം നീണ്ട് നിന്നത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy