Demonetisation: അഴിമതിയ്ക്കെതിരെ പോരാട്ടം, നോട്ട് നിരോധനത്തിന് ഇന്ന് അഞ്ച് വയസ്
അഴിമതിയ്ക്കെതിരെ NDA സര്‍ക്കാര്‍ നടത്തിയ നിര്‍ണ്ണായക പോരാട്ടമായ നോട്ട് നിരോധനത്തിന് (Demonetisation) ഇന്ന് 5 വയസ്.
New Delhi: അഴിമതിയ്ക്കെതിരെ NDA സര്‍ക്കാര്‍ നടത്തിയ നിര്‍ണ്ണായക പോരാട്ടമായ നോട്ട് നിരോധനത്തിന് (Demonetisation) ഇന്ന് 5 വയസ്.
രാജ്യത്ത് വ്യാപകമായ കള്ളനോട്ട് പിടികൂടുക, കറൻസി കൈമാറിയുള്ള പണ വിനിമയത്തിന് അറുതി വരുത്തി ഡിജിറ്റല്‍ പണമിടപാടുകള്‍ വര്‍ദ്ധിപ്പിക്കുക എന്ന ലക്ഷ്യത്തോടെയാണ് കേന്ദ്ര സര്‍ക്കാര്‍ നോട്ട് നിരോധനം (Demonetisation) നടപ്പാക്കിയത്.
2016 നവംബര്‍ 8ന് രാത്രി 8 മണിക്കാണ് പ്രധാനമന്ത്രി നരേന്ദ്ര മോദി (PM Narendra Modi) നോട്ടുനിരോധനം പ്രഖ്യാപിച്ചത്. പ്രയോഗത്തിലിരുന്ന 500, 1000 നോട്ടുകളാണ് കേന്ദ്ര സര്‍ക്കാര്‍ നിരോധിച്ചത്. യാതൊരു സൂചന പോലും നൽകാതെ പെട്ടെന്നുണ്ടായ നോട്ട് നിരോധന പ്രഖ്യാപനം രാജ്യത്തെ ജനങ്ങളെയെല്ലാം ഒരുപോലെ ബാധിച്ചുവെന്നത് സത്യമാണ്.
Also Read: LPG Subsidy: എൽപിജി സബ്‌സിഡി സംബന്ധിച്ച് സർക്കാർ പുതിയ പദ്ധതി ആവിഷ്‌കരിച്ചു? അറിയാം..
നോട്ടുനിരോധനത്തിനു തൊട്ടുമുൻപ്, അതായത് 2016 നവംബർ ആദ്യവാരത്തിലെ കണക്കുപ്രകാരം 17.97 ലക്ഷം കോടി നോട്ടുകളാണ് രാജ്യത്ത് വിനിമയത്തിലുണ്ടായിരുന്നത്. അതേസമയം, നോട്ടു നിരോധനം വഴി കറന്‍സി വിനിമയത്തില്‍ കുറവ് വന്നിട്ടില്ല എന്നുതന്നെയാണ് കണക്കുകള്‍ സൂചിപ്പിക്കുന്നത്.
റിസർവ് ബാങ്ക് പുറത്തു വിട്ട, 2021 ഒക്ടോബര്‍ 8 വരെയുള്ള ദ്വൈവാര കണക്കനുസരിച്ച് ഉപഭോക്താക്കൾ നേരിട്ട് കൈമാറ്റം ചെയ്യുന്ന കറന്‍സിയുടെ മൂല്യം 57.48% വര്‍ദ്ധിച്ച് 28.30 ലക്ഷം കോടി രൂപയില്‍ എത്തിയിരിക്കുകയാണ്. പൊതുജനവും വ്യാപാരികളിലെ ഭൂരിപക്ഷവും ഇപ്പോഴും കറൻസി കൈമാറിയുള്ള പണവിനിമയത്തിനാണ് താൽപര്യം കാട്ടുന്നത് എന്നാണ് ഈ കണക്കുകള്‍ സൂചിപ്പിക്കുന്നത്.
Also Read: നോട്ടുനിരോധനം കാര്‍ഷിക മേഖലയെ തകര്‍ത്തുവെന്ന റിപ്പോര്‍ട്ട് പിന്‍വലിച്ചു?
എന്നാല്‍, രാജ്യത്തെ കള്ളപ്പണത്തിന്‍റെ ഒഴുക്ക് വലിയ അളവിൽ കുറയ്‌ക്കാന്‍ നോട്ടു നിരോധനം കൊണ്ട് സാധിച്ചു എന്നത് പ്രധാന നേട്ടമായി വിലയിരുത്താം. രാജ്യത്ത് സമ്പത്ത് വ്യവസ്ഥയെ ശുദ്ധീകരിക്കാനായതും, ഭീകരവാദ സംഘടനകളുടെ സാമ്പത്തിക സ്രോതസിന് കടിഞ്ഞാണിട്ടതും നോട്ട് നിരോധനത്തിന്‍റെ നേട്ടങ്ങളായി വിലയിരുത്തപ്പെടുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...