ആശുപത്രികൾ ഉപേക്ഷിച്ചു; ഒടുവിൽ ഓട്ടോറിക്ഷയിൽ പ്രസവം..

ബംഗളൂരു:  ആശുപത്രികൾ  ഉപേക്ഷിച്ച മലയാളി യുവതി ഒടുവിൽ ഓട്ടോറിക്ഷയിൽ പ്രസവിച്ചു.  സംഭവം നടന്നത് ബംഗളൂരുവിലാണ്.  കണ്ണൂർ സ്വദേശിയ്ക്കാണ് ഇങ്ങനൊരു അനുഭവം ഉണ്ടായത്. 

പ്രസവവേദനയെ തുടർന്ന് ഒന്നും രണ്ടുമല്ല അഞ്ച് ആശുപത്രികളിലാണ് യുവതി ഓട്ടോറിക്ഷ പിടിച്ച് കയറിയിറങ്ങിയത്. എന്നാൽ കോറോണ പടർന്നു പിടിച്ചു കിടക്കുന്ന ഈ സാഹചര്യത്തിൽ ആരും ഇവരെ അഡ്മിറ്റ് ചെയ്യാൻ തയ്യാറായില്ല. 

ഈ സമയം  പുതിയ രോഗികളെയൊന്നും അഡ്മിറ്റ് ചെയ്യില്ലെന്നാണ്  ആശുപത്രി  അധികൃതർ ഇവരോട് പറഞ്ഞത്.  അർദ്ധരാത്രിയിൽ സിദ്ധപ്പുര റോഡരികിൽ വച്ചായിരുന്നു യുവതി പ്രസവിച്ചത്.