ജമ്മു കശ്മീരില്‍ 3 പാക് ഭീകരരെ സൈന്യം വധിച്ചു
ജമ്മുകശ്മീരിലെ മെന്ധര്‍ സെക്ടറില്‍ ഭീകരര്‍ സൈന്യത്തിന് നേരെ നടത്തിയ വെടിവെപ്പിന് പിന്നാലെ സൈന്യം നടത്തിയ തിരിച്ചടിയിലാണ് ഭീകരര്‍ കൊല്ലപ്പെട്ടത്.
ശ്രീനഗര്‍: ജമ്മു കാശ്മീരില്‍ വീണ്ടും ഏറ്റുമുട്ടല്‍. സൈന്യം മൂന്ന് പാക് തീവ്രവാദികളെ വധിച്ചു.
ജമ്മുകശ്മീരിലെ മെന്ധര്‍ സെക്ടറില്‍ ഭീകരര്‍ സൈന്യത്തിന് നേരെ നടത്തിയ വെടിവെപ്പിന് പിന്നാലെ സൈന്യം നടത്തിയ തിരിച്ചടിയിലാണ് ഭീകരര്‍ കൊല്ലപ്പെട്ടത്.
രഹസ്യാന്വേഷണ ഏജന്‍സികളുടെ അറിയിപ്പിനെ തുടര്‍ന്ന് സൈന്യം നടത്തിയ തിരച്ചിലിനൊടുവിലാണ് ഏറ്റുമുട്ടല്‍ ഉണ്ടായത്.
കുറച്ച് ദിവസങ്ങളായി മെന്ധര്‍ സെക്ടറിലും മറ്റ് മേഖലകളിലും പാക്കിസ്ഥാന്‍ സൈന്യം വെടിനിര്‍ത്തല്‍ കരാര്‍ ലംഘിച്ചിരുന്നുവെന്നും ഇതിനെതിരെ ശക്തമായി തിരിച്ചടി നല്‍കുന്നതായും സൈന്യം അറിയിച്ചു.
കഴിഞ്ഞ ഞായറാഴ്ച പൂഞ്ച് ജില്ലയിലും ബാലക്കോട്ടും പാക്കിസ്ഥാന്‍ വെടിനിര്‍ത്തര്‍ കരാര്‍ ലംഘിച്ചിരുന്നു. കൂടാതെ അതിര്‍ത്തിയില്‍ പാക് സൈന്യം തുടര്‍ച്ചയായി വെടിനിര്‍ത്തല്‍ കരാര്‍ ലംഘിക്കുന്നത് ഭീകരര്‍ക്ക് നുഴഞ്ഞുകയറാനുള്ള സൗകര്യം ഒരുക്കുന്നതിന് വേണ്ടിയാണെന്നും സൈന്യം വ്യക്തമാക്കിയിട്ടുണ്ട്.