തിരുവനന്തപുരം: 21 അം​ഗങ്ങളുള്ള സർക്കാർ രൂപീകരിക്കാൻ എൽഡിഎഫ് (LDF) യോഗത്തിൽ തീരുമാനമായതായി എൽഡിഎഫ് കൺവീനർ എ വിജയരാഘവൻ. സിപിഎം 12, സിപിഐ 4, ജനതാദൾ എസ് 1, കേരള കോൺ​ഗ്രസ് എം 1, എൻസിപി 1 എന്നിങ്ങനെയാണ് മന്ത്രിമാരുടെ വിഭജനം പൂർത്തിയായത്. രണ്ട് മന്ത്രിസ്ഥാനങ്ങളിൽ ഘടകകക്ഷികൾ  രണ്ടര വർഷം വീതം മന്ത്രിസ്ഥാനം പങ്കിടും. ജനാധിപത്യ കേരള കോൺ​ഗ്രസും ഐഎൻഎലും ആദ്യ ടേം, തുടർന്ന് കേരള കോൺ​ഗ്രസ് ബി, കോൺ​ഗ്രസ് എസ് എന്നിവ രണ്ടാം ടേമിലും മന്ത്രിസ്ഥാനം വഹിക്കുമെന്ന് എ വിജയരാഘവൻ (A Vijayaraghavan) വ്യക്തമാക്കി.


COMMERCIAL BREAK
SCROLL TO CONTINUE READING

സ്പീക്കർ സ്ഥാനം സിപിഎമ്മിനാണ്. ഡെപ്യൂട്ടി സ്പീക്കർ സ്ഥാനം സിപിഐക്ക്. ചീഫ് വിപ്പ് കേരള കോൺ​ഗ്രസ് എമ്മിന് എന്നിങ്ങനെയാണ് തീരുമാനങ്ങൾ. വിവിധ മന്ത്രിമാർ വഹിക്കുന്ന വകുപ്പുകൾ സംബന്ധിച്ച് ഉടൻ തീരുമാനമെടുക്കും. ഇതിനായി എൽഡിഎഫ്, മുഖ്യമന്ത്രിയെ ചുമതലപ്പെടുത്തിയെന്നും എ വിജയരാഘവൻ വ്യക്തമാക്കി. ഇന്നത്തെ സാഹചര്യത്തിൽ വലിയ ആൾക്കൂട്ടം ഒവിവാക്കിയാണ് സത്യപ്രതിജ്ഞ (Swearing Ceremony) നടത്തുക. 18ന് വൈകിട്ട് എൽഡിഎഫ്  പാർലമെന്ററി പാർട്ടി യോ​ഗം ചേർന്ന് നേതാവിനെ തെരഞ്ഞെടുക്കും. പിന്നീട് ഔദ്യോ​ഗിക കാര്യങ്ങളിലേക്ക് നീങ്ങുമെന്നും വിജയരാഘവൻ പറഞ്ഞു.


ALSO READ: മന്ത്രിസ്ഥാനങ്ങൾ വീതംവയ്ക്കുന്നത് സംബന്ധിച്ച് എൽഡിഎഫ് യോ​ഗത്തിൽ ധാരണ; പുതുമുഖങ്ങൾക്ക് പരിഗണന


നിയമസഭാ തെരഞ്ഞെടുപ്പ് ഫലം വന്നതിന് ശേഷം ആദ്യമായി ചേരുന്ന യോ​ഗം എന്ന നിലയിൽ വിജയം സമ്മാനിച്ച കേരള ജനതയോട് നന്ദി പ്രകടിപ്പിച്ചാണ് യോഗം ആരംഭിച്ചത്. ആർ ബാലകൃഷ്ണപിള്ളയുടെ നിര്യാണത്തിൽ അനുശോചനം രേഖപ്പെടുത്തി. എല്ലാ വിഭാ​ഗം ജനങ്ങളുടെയും പിന്തുണ ലഭിച്ചതിനാൽ എല്ലാ ജനവിഭാ​ഗങ്ങളുടെയും പങ്കാളിത്തം ഉള്ള വിധത്തിൽ മന്ത്രിസഭ  രൂപീകരിക്കാനാണ് തീരുമാനമെന്നും എ വിജയരാഘവൻ പറഞ്ഞു.


ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...


android Link - https://bit.ly/3b0IeqA



ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക