Corona പ്രതിരോധം: അമൃതാനന്ദമയി മഠം 13 കോടി ധനസഹായം നൽകും

കൊല്ലം: കോറോണ പ്രതിരോധനത്തിന് 13 കോടി രൂപ ധനസഹായവുമായി അമൃതാനന്ദമയി മഠം. 

കോറോണയെ പ്രതിരോധിക്കുന്നതിനും രോഗവ്യാപനം മൂലം മാനസികമായോ ശാരീരികമായോ സാമ്പത്തികമായോ ബുദ്ധിമുട്ടനുഭവിക്കുന്നവരെ സഹായിക്കുന്നതിനും വേണ്ടിയാണ് ഈ സഹായം. 

സഹായധനമായ 13 കോടിയിൽ 10 കോടി  രൂപ പിഎം കെയേഴ്സ് ഫണ്ടിലേക്കും ബാക്കി 3 കോടി രൂപ മുഖ്യമന്ത്രിയുടെ ദുരിതാശ്വാസ നിധിയിലേക്കുമാണ് നൽകുന്നത്. 

ഇതിനെല്ലാത്തിനും  പുറമെ കോറോണ രോഗികൾക്ക് കൊച്ചി അമൃത ആശുപത്രിയിൽ സൗജന്യ ചികിത്സയും നൽകും.  

കൂടാതെ  കോറോണ ദൂരന്തവും അതിന്റെ ഭാഗമായുള്ള നിയന്ത്രണങ്ങളും മൂലം മാനസികമായി വെല്ലുവിളി അനുഭവിക്കുന്നവരെ സഹായിക്കുന്നതിനായി  അമൃത സർവകലാശാലയും അമൃത ആശുപത്രിയും ചേർന്ന് മനസികാരോഗ്യ ടെലിഫോൺ സഹായ കേന്ദ്രവും ആരംഭിച്ചിട്ടുണ്ട്.