കനത്ത കാറ്റ്: മത്സ്യത്തൊഴിലാളികള്ക്ക് ജാഗ്രതാ നിര്ദേശം, 15 വരെ കടലില് പോകരുത്
15 വരെ കേരളത്തില് ഒറ്റപ്പെട്ട കനത്ത മഴയുണ്ടാകുമെന്നും കേരളതീരത്ത് 3.4 മീറ്റര് വരെ ഉയരത്തില് തിരമാലയ്ക്കു സാധ്യതയുണ്ടെന്നും മുന്നറിയിപ്പില് പറയുന്നു.
തിരുവനന്തപുരം: കനത്ത കാറ്റിനും മഴയ്ക്കും സാധ്യതയുള്ളതിനാല് മത്സ്യത്തൊഴിലാളികള്ക്ക് ജാഗ്രതാ നിര്ദേശം നല്കി. കേരള തീരത്തെയും ലക്ഷദ്വീപ് മേഖലയിലെയും മത്സ്യത്തൊഴിലാളികള് വ്യാഴാഴ്ച വരെ കടലില് പോകരുതെന്ന് കാലാവസ്ഥാനിരീക്ഷണ കേന്ദ്രം അറിയിച്ചു.
കേരള തീരത്ത് അടുത്ത 48 മണിക്കൂറില് 65 കിലോമീറ്റര് വേഗതയില് ശക്തമായ കാറ്റിന് സാധ്യതയുണ്ട്. 15 വരെ കേരളത്തില് ഒറ്റപ്പെട്ട കനത്ത മഴയുണ്ടാകുമെന്നും കേരളതീരത്ത് 3.4 മീറ്റര് വരെ ഉയരത്തില് തിരമാലയ്ക്കു സാധ്യതയുണ്ടെന്നും മുന്നറിയിപ്പില് പറയുന്നു.
അതേസമയം, മോശം കാലാവസ്ഥ മൂലം ലക്ഷദ്വീപിലേക്കുള്ള കപ്പല് സര്വീസ് നിറുത്തി വച്ചു. കനത്തമഴയ്ക്കും കടൽക്ഷോഭത്തിനും സാധ്യതയുള്ളതിനാൽ കേരളത്തിന്റെ വിവിധ തീരങ്ങളിൽനിന്ന് മത്സ്യബന്ധനത്തിനുപോയ അന്പതോളം ബോട്ടുകൾ ലക്ഷദ്വീപ് തീരത്ത് അടുപ്പിച്ചിരിക്കുകയാണ്.