ശബരിമല ദര്ശനം: സുരേന്ദ്രന്റെ ഹർജി ഹൈക്കോടതി ഇന്ന് പരിഗണിക്കും
ശബരിമല സ്ഥിതി ചെയ്യുന്ന മേഖലയില് പ്രവേശിക്കരുതെന്ന വ്യവസ്ഥ ഇളവുചെയ്യണമെന്നാണ് ആവശ്യം.
കൊച്ചി: മകരവിളക്ക് ദര്ശനത്തിനായി ശബരിമലയില് പോകാന് അനുവദിക്കണമെന്നാവശ്യപ്പെട്ട് ബിജെപി ജനറല് സെക്രട്ടറി കെ.സുരേന്ദ്രന് സമര്പ്പിച്ച ഹര്ജി ഹൈക്കോടതി ഇന്ന് പരിഗണിക്കും.
ഇതിനായി ശബരിമല സ്ഥിതി ചെയ്യുന്ന മേഖലയില് പ്രവേശിക്കരുതെന്ന വ്യവസ്ഥ ഇളവുചെയ്യണമെന്നാണ് ആവശ്യം. അതേസമയം ജാമ്യവ്യവസ്ഥയില് ഇളവ് നല്കരുതെന്നും സുരേന്ദ്രനെ പമ്പയിലും സന്നിധാനത്തും പ്രവേശിക്കാന് അനുവദിക്കരുതെന്നും സര്ക്കാര് ആവശ്യപ്പെട്ടേക്കും.
സന്നിധാനത്ത് സ്ത്രീയെ വധിക്കാന് ഗൂഢാലോചന നടത്തിയെന്ന കേസില് അറസ്റ്റിലായ കെ.സുരേന്ദ്രന് കര്ശന ഉപാധികളോടെയായിരുന്നു ജാമ്യം അനുവദിച്ചത്. സുരേന്ദ്രന് പത്തനംതിട്ട ജില്ലയില് കയറാന് അനുമതിയില്ലെന്നായിരുന്നു പ്രധാന ഉപാധി.