പ്രളയക്കെടുതി നേരിടാന്‍ 8.92 കോടി രൂപ സംഭാവന നല്‍കി ഇന്ത്യന്‍ നേവി
പ്രളയക്കെടുതി നേരിടാന്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവനയുമായി ഇന്ത്യൻ നാവികസേന. 8.92 കോടി രൂപയാണ് നാവികസേന സംഭാവന നല്‍കിയത്.
തിരുവനന്തപുരം: പ്രളയക്കെടുതി നേരിടാന്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവനയുമായി ഇന്ത്യൻ നാവികസേന. 8.92 കോടി രൂപയാണ് നാവികസേന സംഭാവന നല്‍കിയത്.
ചെക്ക് നാവികസേനാ മേധാവി അഡ്മിറല്‍ സുനില്‍ ലാംബ മുഖ്യമന്ത്രി പിണറായി വിജയന് കൈമാറി. കൂടാതെ,
ദുരന്ത൦ നേരിടാന്‍ സംസ്ഥാന സര്‍ക്കാരിന്‍റെ ഭാഗത്തുനിന്നും മികച്ച ഏകോപനമാണ് നടന്നതെന്നും നാവിക സേനാ മേധാവി വ്യക്തമാക്കി.
മുന്‍പ്, ഇന്ത്യൻ വ്യോമസേന മുഖ്യമന്ത്രിയുടെ ദുരിതാശ്വാസ നിധിയിലേക്ക് 20കോടി രൂപ സംഭാവന നൽകിയിരുന്നു. ദക്ഷിണ വ്യോമസേനാ മേധാവി എയർ മാർഷൽ ബി സുരേഷ് ആണ് മുഖ്യമന്ത്രിക്ക് ചെക്ക് കൈമാറിയത്.