മുഖ്യമന്ത്രിക്കെതിരെ രാഷ്ട്രപതിക്കും പ്രധാനമന്ത്രിക്കും കത്തയച്ച് ഗവർണർ
മുഖ്യമന്ത്രി ചട്ടം ലംഘിച്ചെന്നും അതുകൊണ്ടുതന്നെ മുഖ്യമന്ത്രിക്കെതിരെ നടപടി എടുക്കണമെന്നും രാഷ്ട്രപതി കത്തിൽ ആവശ്യപ്പെട്ടിട്ടുണ്ട്.
തിരുവനന്തപുരം: മുഖ്യമന്ത്രി പിണറായി വിജയനെതിരെ രാഷ്ട്രപതിക്ക് കത്തയച്ച് ഗവർണർ. അതിന്റെ പകർപ്പ് പ്രധാനമന്തിക്കും നൽകിയിട്ടുണ്ട്. മുഖ്യമന്ത്രിയും മറ്റ് മന്ത്രിമാരും വിദേശയാത്ര പോയത് തന്നെ അറിയിക്കാതെയാണെന്നാണ് ഗവർണർ കത്തിൽ ആരോപിക്കുന്നത്. ഇതിനെതിരെ നടപടി ആവശ്യപ്പെട്ടാണ് ഗവർണർ രാഷ്ട്രപതിക്ക് കത്തയച്ചിരിക്കുന്നത്.
Also Read: സർക്കാരും ഗവർണറുമായുള്ള പോരിനിടെ സിപിഎം സംസ്ഥാന നേതൃയോഗങ്ങൾക്ക് ഇന്ന് തുടക്കം
ഇന്ന് സംസ്ഥാനത്ത് മടങ്ങിയെത്തുന്ന ഗവർണർ സർക്കാരുമായുള്ള വിവിധ വിഷയങ്ങളിലെ തർക്കത്തിൽ സ്വീകരിക്കാനിരിക്കുന്ന നിലപാട് എന്താകുമെന്ന് ഉറ്റുനോക്കപ്പെടുന്നതിനിടയിലാണ് ഗവർണർ ഇങ്ങനൊരു കത്ത് രാഷ്ട്രപതിക്ക് അയച്ചിരിക്കുന്നത്. മുഖ്യമന്ത്രി ചട്ടം ലംഘിച്ചെന്നാണ് ഗവർണർ കത്തിൽ പറഞ്ഞിരിക്കുന്നത്. വിദേശയാത്രയ്ക്ക് പോകുമ്പോഴും തിരിച്ചെത്തുമ്പോഴും അറിയിക്കണമെന്ന കീഴ്വഴക്കം ലംഘിക്കപ്പെട്ടുവെന്നും ഭരണ ചുമതലയുടെ ക്രമീകരണവും അറിയിച്ചില്ലയെന്നും കത്തിൽ വ്യക്തമാക്കുന്നുണ്ട്. മാത്രമല്ല മുഖ്യമന്ത്രിയുടെ പത്ത് ദിവസത്തെ വിദേശ യാത്ര സമയത്ത്ൽ ആർക്കാണ് പകരം ചുമതല നൽകിയതെന്നും അറിയിച്ചില്ലെന്നും അതുകൊണ്ടുതന്നെ മുഖ്യമന്ത്രിക്കെതിരെ നടപടി വേണമെന്നുമാണ് ഗവർണർ കത്തിൽ ആവശ്യപ്പെട്ടിരിക്കുന്നത്.
സർക്കാരും ഗവര്‍ണറുമാ യുള്ള പോര് രൂക്ഷമായിരിക്കെ സിപിഎമ്മിന്‍റെ സംസ്ഥാന നേതൃയോഗങ്ങള്‍ ഇന്ന് ആരംഭിക്കും. ഇന്ന് സംസ്ഥാന സെക്രട്ടറിയേറ്റും നാളെയും മറ്റന്നാളും സംസ്ഥാന കമ്മിറ്റിയും നടക്കും. ഗവര്‍ണറെ ചാന്‍സലര്‍ സ്ഥാനത്ത് നിന്നും മാറ്റുന്ന കാര്യമടക്കം സിപിഎം യോഗത്തിൽ പരിഗണിക്കുന്നുണ്ട്. ഗവർണർക്ക് എതിരായ സമരം സിപിഎം കൂടുതൽ ശക്തമാക്കുമെന്നാണ് റിപ്പോർട്ട്. മാത്രമല്ല പൊതുമേഖല സ്ഥാനങ്ങളിലെ പെന്‍ഷന്‍ പ്രായം ഉയര്‍ത്തിയ തീരുമാനം പാര്‍ട്ടിയെ അറിയിക്കാത്ത വിഷയവും ചര്‍ച്ചയ്ക്ക് വരും. പെന്‍ഷന്‍ പ്രായം അറുപത് ആക്കി ഉയര്‍ത്താനുള്ള തീരുമാനം പാര്‍ട്ടി അറിഞ്ഞിട്ടില്ലെന്ന് സംസ്ഥാന സെക്രട്ടറി തന്നെ പരസ്യമായി പറഞ്ഞിഅറിയിച്ചിട്ടുണ്ട്. പാര്‍ട്ടി അറിയാതെ ഇങ്ങനെ ഒരുത്തരവ് എങ്ങനെ വന്നുവെന്ന കാര്യവും നേതൃയോഗങ്ങളില്‍ ചര്‍ച്ചയ്ക്ക് വരുമെന്ന കാര്യത്തിൽ സംശയമില്ല. സർക്കാരും ഗവർണറും തമ്മിലുള്ള പോരിനിടയിൽ സർക്കാർ നൽകിയ പേരുകൾ തള്ളി ശാസ്ത്ര സാങ്കേതിക സര്‍വകലാശാല വൈസ് ചാന്‍സിലറുടെ ചുമതല ഡോ സിസി തോമസിന് ഗവര്‍ണര്‍ നല്‍കിയതും യോഗത്തിൽ ചർച്ചയുണ്ടാകും. ശാസ്ത്ര സാങ്കേതിക വകുപ്പിലെ സീനിയര്‍ ജോയിന്‍റ് ഡയറക്ടറാണ് സിസി തോമസ്. സര്‍ക്കാര്‍ നല്‍കിയ പല പേരുകളും പരിഗണിക്കാതെയാണ് സീനിയറായ പ്രൊഫസര്‍ക്ക് ഗവര്‍ണര്‍ ചുമതല നല്‍കിയത്.
Also Read: അമ്മയുടെ പരാതി ടീച്ചറോട് പറയുന്ന കുട്ടി..! രസകരമായ വീഡിയോ വൈറലാകുന്നു
ഇക്കാര്യത്തിൽ സർക്കാർ ആദ്യം ആവശ്യപ്പെട്ടത് ഡിജിറ്റല്‍ സര്‍വകലാശാല വിസിക്ക് ചുമതല നല്‍കണമെന്നായിരുന്നു. പിന്നീടത് ഉന്നത വിദ്യാഭ്യാസ പ്രിന്‍സിപ്പല്‍ സെക്രട്ടറിക്ക് നല്‍കണമെന്നാവശ്യപ്പെട്ടു. എന്നാൽ ഈ രണ്ട് ആവശ്യങ്ങളേയും കാറ്റിൽ പറത്തിക്കൊണ്ടാണ് ഗവര്‍ണർ ഇങ്ങനൊരു തീരുമാനമെടുത്തത്. കെടിയു വിസി ആയിരുന്ന ഡോ രാജശ്രീയെ യുജിസി യോഗ്യതയില്ലെന്ന് പറഞ്ഞ് സുപ്രീംകോടതി പുറത്താക്കിയതോടെയാണ് ഒഴിവ് വന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...