P C George: `നാണം കെട്ടവൻ, 10 രൂപ അവന്റെ അപ്പന് കൊണ്ടു കൊടുക്കട്ടെ..` ധനമന്ത്രിക്കെതിരെ ആഞ്ഞടിച്ച് പി സി ജോർജ്

അടൂർ: ബജറ്റ് അവതരണത്തിന് പിന്നാലെ ധനമന്ത്രി കെഎൻ ബാല​ഗോപാലിനെതിരെ രൂക്ഷ വിമർശനവുമായി പി സി ജോർജ്. ബജറ്റിൽ റബറിന്റെ താങ്ങുവിലയിൽ കൂട്ടിയ 10 രൂപ ധമന്ത്രിയുടെ അപ്പന് കൊണ്ടു കൊടുക്കട്ടെ എന്നാണ് പി സിയുെട പരമാർശം. ബാസ​ഗപാൽ നാണം കെട്ടവനാണെന്നും മന്ത്രിയോട് തനിക്ക് അരിശമാണ് വരുന്നതെന്നും പി സി ജോർജ് പറഞ്ഞു. ബിജെപി സംസ്ഥാന അധ്യക്ഷൻ കെ സുരേന്ദ്രൻ നയിക്കുന്ന കേരള പദയാത്രയ്ക്ക് അടൂരിൽ നൽകിയ സ്വീകരണത്തിൽ സംസാരിക്കുന്നതിനിടയിലാണ് പി സി ജോർജ് ബാല​ഗോപാലിനെ അധിക്ഷപിച്ച് കൊണ്ട് സംസാരിച്ചത്.

കാശ് തന്നാൽ എ ബജറ്റ് ഇല്ലെങ്കിൽ ബി ബജറ്റ് എന്നാണ് ധനമന്ത്രി പറഞ്ഞത്. എന്തൊരു നാണം കെട്ടവനാണ് ഇയാൾ. റബറിന്റെ താങ്ങിവിലയായി കൂട്ടിയ 10 രൂപ അവന്റെ അപ്പന് കൊണ്ടു കൊടുക്കട്ടെ, കെ എം മാണി മന്ത്രിയായിരുന്ന കാലത്ത് 170 രൂപയാണ് റബറിന് തറവില പ്രഖ്യാപിച്ചിരുന്നത്. അവിടെയാണ് ഈ മന്ത്രി 10 രൂപ കൂട്ടിയിരിക്കുന്നതെന്നും മന്ത്രിയോട് തനിക്ക് അരിശമാണ് വരുന്നതെന്നുമാണ് പി സി പറഞ്ഞത്. കഴിഞ്ഞ നിയമസഭാ തിരഞ്ഞെടുപ്പിൽ 250 രൂപ റബറിന് തറവില നൽകാമെന്ന് പറഞ്ഞ് അധികാരത്തിലെത്തിയ സർക്കാറാണ് ഇപ്പോള്‌ 10 ഉലുവാ നൽകുമെന്ന് പ്രഖ്യാപനം നടത്തിയതെന്നും പി സി ജോർജ് വിമർശിച്ചു. ദിവസങ്ങള്ക്കു മുന്പാണ് പിസി ജോർജിന്റെ കേരളജനപക്ഷം ബിജെപിയില് ലയിച്ചത്. പിസിയുടെ മകന് ഷോണ് ജോർജും ബിജെപിയില് ചേർന്നു.