രാഹുല് ഗാന്ധി പൂന്തുറയില്
കോണ്ഗ്രസ് നിയുക്ത അദ്ധ്യക്ഷന് രാഹുല് ഗാന്ധി പൂന്തുറയില് ഓഖി ദുരന്തത്തില് പെട്ട മത്സ്യത്തൊഴിലാളികളുടെ കുടുംബത്തെ സന്ദര്ശിച്ചു. ഇന്ന് രാവിലെ 11 മണിയോടെ തിരുവനന്തപുരം വിമാനത്താവളത്തില് എത്തിയ രാഹുല് ഗാന്ധി പൂന്തുറയും കന്യാകുമാരിക്കടുത്ത് ചിന്നാതുരേയും സന്ദര്ശിച്ചു.
തിരുവനന്തപുരം: കോണ്ഗ്രസ് നിയുക്ത അദ്ധ്യക്ഷന് രാഹുല് ഗാന്ധി പൂന്തുറയില് ഓഖി ദുരന്തത്തില് പെട്ട മത്സ്യത്തൊഴിലാളികളുടെ കുടുംബത്തെ സന്ദര്ശിച്ചു. ഇന്ന് രാവിലെ 11 മണിയോടെ തിരുവനന്തപുരം വിമാനത്താവളത്തില് എത്തിയ രാഹുല് ഗാന്ധി പൂന്തുറയും കന്യാകുമാരിക്കടുത്ത് ചിന്നാതുരേയും സന്ദര്ശിച്ചു.
ദുരന്തമുണ്ടായതിനുശേഷം കേരളത്തിലെത്താന് വൈകിയതില് ക്ഷമ ചോദിച്ചാണ് രാഹുല് പൂന്തുറയില് എത്തിയത്. ഓഖി ദുരന്തത്തില് മരിച്ചവരുടെ ചിത്രങ്ങള്ക്ക് മുന്നില് ആദാരാഞ്ജലി അര്പ്പിച്ച ശേഷം മരിച്ചവരുടെ ബന്ധുക്കളേയും രാഹുല് കണ്ടു. കാണാതായവരുടെ കുടുംബങ്ങള്ക്ക് എല്ലാ സഹായവും നല്കുമെന്നും രാഹുല് അറിയിച്ചു.
പ്രതിപക്ഷനേതാവ് രമേശ് ചെന്നിത്തല നയിക്കുന്ന 'പടയൊരുക്കം' യാത്രയുടെ സമാപന സമ്മേളനത്തില് അദ്ദേഹം പങ്കെടുക്കു൦. സമാപന സമ്മേളനം ഇന്ന് വൈകുന്നേരം നാലരക്ക് തിരുവനന്തപുരം സെന്ട്രല് സ്റ്റേഡിയത്തില് നടക്കും.
രാത്രി ഏഴരയോടെ അദ്ദേഹം ഡല്ഹിക്ക് മടങ്ങും.
ഡിസംബര് 1 ന് ശംഖുംമുഖത്ത് നടത്താനിരുന്ന സമാപന സമ്മേളനം ഓഖി ചുഴലിക്കാറ്റു മൂലം മാറ്റിവയ്ക്കേണ്ടതായി വന്നിരുന്നു. രാഹുല് ഗാന്ധിയുടെ സൗകര്യം കൂടി പരിഗണിച്ചാണ് സമ്മേളനം 14ലേയ്ക്ക് മാറ്റിയത്.