Suresh Gopi: തൃശൂർ മാത്രം തന്നാൽ പോരാ, കേരളവും വേണം: സുരേഷ് ​ഗോപി

തൃശൂ‍ർ: തൃശ്ശൂരിന് പിന്നാലെ കേരളവും ചോദിച്ച് സുരേഷ് ഗോപി. ഒരു 5 വർഷത്തേക്ക് അവസരം തരണമെന്നും തൃശൂർ തന്നാൽ പോര കേരളവും തരണമെന്നും അദ്ദേഹം പറഞ്ഞു. തൃശൂർ നടുവിലാളിൽ നഗരത്തിലെ ഓട്ടോറിക്ഷ ഡ്രൈവർമാരുമായി നടത്തിയ 'എസ് ജി കോഫി ടൈംസ്' എന്ന പരിപാടിയിലായിരുന്നു പരാമർശം.  

5 വർഷം കൊണ്ട് നിങ്ങൾക്ക് പറ്റുന്നില്ല എങ്കിൽ നല്ല അടിയും തന്നു പറഞ്ഞയച്ചോളൂ എന്ന് സുരേഷ് ഗോപി പറഞ്ഞു. ഇതുപോലെ 5 വർഷം ചോദിച്ചു അധികാരത്തിൽ കയറിയ ആളെ പിന്നീട് വീണ്ടും അധികാരത്തിൽ കയറ്റിയ പശ്ചാത്തലത്തിലാണ് അഭ്യർത്ഥനയെന്നും കേന്ദ്ര ഭരണം കൈയ്യിലിരിക്കുമ്പോൾ തന്നെ കേരളവും ലഭിക്കണമെന്നും സുരേഷ് ഗോപി കൂട്ടിച്ചേർത്തു.

സംസ്ഥാനത്ത് സാമ്പത്തിക പ്രതിസന്ധിയുണ്ട്; കേന്ദ്രത്തെ പഴിചാരി കെ.എൻ ബാല​ഗോപാൽ

തിരുവനന്തപുരം: സംസ്ഥാനത്തെ സാമ്പത്തിക പ്രതിസന്ധി വസ്തുതയാണെന്ന് ധനമന്ത്രി കെ.എൻ ബാല​ഗോപാൽ. ഇതിനിടയിലും കേരളം ഉള്‍പ്പെടെയുള്ള പ്രതിപക്ഷ സംസ്ഥാനങ്ങളെ കേന്ദ്രം സാമ്പത്തികമായി ഞെരുക്കുകയാണെന്ന് അദ്ദേഹം പറഞ്ഞു. സാമ്പത്തിക പ്രതിസന്ധിക്കിടെയും കേരളത്തില്‍ നടക്കുന്നത് സര്‍ക്കാര്‍ ധൂര്‍ത്തെന്ന പ്രതിപക്ഷ നേതാവിന്‍റെ വിമര്‍ശനത്തിനും ധനമന്ത്രി കെഎന്‍ ബാലഗോപാല്‍ മറുപടി നല്‍കി.