ഗൃഹനാഥന്റെ ആത്മഹത്യ: പൊലീസ് കസ്റ്റഡിയിലെടുത്ത യുവാവ് മരിച്ചു
ആന്തരികാവയവങ്ങള്ക്കേറ്റ ക്ഷതമാണ് മരണകാരണമെന്ന് റിപ്പോര്ട്ടില് പറയുന്നു.
കൊച്ചി: വരാപ്പുഴയില് വീട്ടില്ക്കയറി ആക്രമിച്ചതിനെ തുടര്ന്ന് ഗൃഹനാഥന് ആത്മഹത്യ ചെയ്ത സംഭവത്തില് പൊലീസ് കസ്റ്റഡിയിലെടുത്ത യുവാവ് മരിച്ചു. വരാപ്പുഴ ദേവസ്വംപാടം ഷേണായി പറമ്പ് വീട്ടില് ശ്രീജിത്ത് രാമകൃഷ്ണനാണ് മരിച്ചത്.
കസ്റ്റഡിയിലിരിക്കേ പൊലീസ് ശ്രീജിത്തിനെ ക്രൂരമായി മര്ദ്ദിച്ചിരുന്നുവെന്ന് ബന്ധുക്കള് പരാതിപ്പെട്ടിരുന്നു. ഇതിനെത്തുടര്ന്ന് സംസ്ഥാന മനുഷ്യാവകാശ കമ്മിഷന് സ്വമേധയാ കേസെടുത്തു. ഇതിന് പിന്നാലെയാണ് ശ്രീജിത്ത് മരിച്ചത്.
ആന്തരികാവയവങ്ങള്ക്കേറ്റ ക്ഷതമാണ് മരണകാരണമെന്ന് റിപ്പോര്ട്ടില് പറയുന്നു.
അതേസമയം കുറ്റക്കാര്ക്കെതിരെ ശക്തമായ നടപടി വേണമെന്ന് പി. മോഹന്ദാസ് പറഞ്ഞു. സംഭവത്തെക്കുറിച്ച് എസ്പി റാങ്കിലുള്ള ഉദ്യോഗസ്ഥന് അന്വേഷിക്കണമെന്നും അദ്ദേഹം ആവശ്യപ്പെട്ടു.