തീയറ്ററുകളിലെത്തി ഒരു വർഷം തികയുമ്പോൾ പതിനെട്ടാം പടിയിലെ ഗാനം ശ്രദ്ധേയമാകുന്നു

ശങ്കർ രാമകൃഷ്ണൻ സംവിധാനം ചെയ്ത പതിനെട്ടാം പടി എന്ന ചിത്രത്തിലെ 'ഹേമന്ത പൗർണമി രാവിൽ' എന്ന ഗാനം പുറത്തിറങ്ങി. 'പതിനെട്ടാം പടി' എന്ന ചിത്രം തീയറ്ററുകളിലെത്തിയിട്ട് ഒരു വർഷം തികയുമ്പോഴാണ് ഗാനം പുറത്തിറങ്ങിയിരിക്കുന്നത് എന്നത് ശ്രദ്ധേയമാണ്.  

ചിത്രത്തിലെ ഈ ഗാനം ഇപ്പോൾ ആസ്വാദകരുടെ ശ്രദ്ധ തേടിയിരിക്കുയാണ്.  ഗുഡ്‌വിൽ എന്റർടെയിൻമെൻസിന്റെ യൂ ട്യൂബ് ചാനലിലൂടെയാണ് ഗാനം പുറത്തെത്തിയിരിക്കുന്നത്.  ഗായകൻ രാകേഷ് ബ്രഹ്മാനന്ദൻ ആദ്യമായി ഈണം പകർന്നിരിക്കുന്ന ഗാനം ആലപിച്ചിരിക്കുന്നത് റിമി ടോമിയാണ്. വരികൾ ശ്യാം കൃഷ്ണയുടേതാണ്.  

പൂർണമായും ഫോക്ക് ടച്ചുള്ള ഗാനം ഇതിനോടകം സാമൂഹിക മാധ്യമങ്ങളിൽ ശ്രദ്ധ നേടി കഴിഞ്ഞു. പുതുമുഖ താരങ്ങളടക്കം നിരവധി ചലച്ചിത്ര താരങ്ങൾ ചിത്രത്തിൽ അണിനിരന്നിന്നിരുന്നു.  മാത്രമല്ല മമ്മൂട്ടിയും പൃഥ്വിരാജും അതിഥി വേഷത്തിൽ ചിത്രത്തിലെത്തിയിരുന്നു.