സുശാന്ത് പുനർജനിക്കും.. എന്റെ ഗർഭപാത്രത്തിൽ: രാഖി സാവന്ത് !!

ബോളിവുഡിലെ നാടക രാജ്ഞിയെന്നാണ് രാഖി സാവന്ത് അറിയപ്പെടുന്നത്.  വിവാദ പ്രസ്താവനകളിലൂടെ ആളുകളുടെ ശ്രദ്ധ പിടിച്ചുപറ്റാൻ താരം മിക്കപ്പോഴും ശ്രമിക്കാറുമുണ്ട് . അടുത്തിടെ സുശാന്ത് സിംഗ് രാജ്പുത്തിന്റെ മരണവുമായി ബന്ധപ്പെട്ട് രാഖി നടത്തിയ വെളിപ്പെടുത്തൽ സോഷ്യൽ മീഡിയയിൽ വൈറലാകുകയാണ്. 

സുശാന്ത് സിംഗ് രജ്പുത്തിന്റെ മരണത്തിൽ എല്ലാവരും വളരെ ദു:ഖിതരായി ഇരിക്കുന്ന സമയമാണ്. ഒരു പക്ഷേ രാഖി സാവന്തിന് കാര്യത്തിന്റെ ഗൗരവം മനസ്സിലാകാത്തത് കൊണ്ടാണോ ഇത്തരം പ്രസ്താവനകളുമായി വരുന്നത് എന്നും മനസിലാകുന്നില്ല.  സുശാന്തിനെപ്പറ്റി ഒരു വീഡിയോയിലൂടെയാണ് പങ്കിട്ടുകൊണ്ട് രാഖി ഇപ്രകാരം പറഞ്ഞിരിക്കുന്നത്. 

ഹായ് ഫ്രണ്ട്സ് ഞാനൊരു സന്തോഷ വാർത്ത പറയാൻ ആഗ്രഹിക്കുന്നുവെന്നും പറഞ്ഞാണ് രാഖി തന്റെ വീഡിയോ തുടങ്ങിയിരിക്കുന്നത്.  വീഡിയോ തന്റെ ഇൻസ്റ്റാഗ്രാമിലൂടെയാണ് രാഖി സാവന്ത് പങ്കുവെച്ചിരിക്കുന്നത്.  'രാത്രിയിൽ ഞാൻ ഉറങ്ങുകയായിരുന്നു, പെട്ടെന്നാണ് എന്തോ ശബ്ദം കേട്ട് ഞാൻ ഞെട്ടി ഉണർന്നത് ആരാണ് എന്നു ചോദിച്ചപ്പോൾ ഒരാൾ അടുത്തുവന്നുവെന്നും അത് മറ്റാരുമല്ല സുശാന്ത് ആയിരുന്നുവെന്നും അദ്ദേഹം വീണ്ടും ജനിക്കുമെന്നും അത് തന്റെ ആരാധകരോട് പറയാനും ആവശ്യപ്പെട്ടുവെന്നും.  പക്ഷേ അത് എങ്ങനെയാണെന്ന് ഞാൻ ചോദിച്ചപ്പോൾ രാഖി നിങ്ങൾ വിവാഹം കഴിക്കുമെന്നും നിങ്ങളുടെ ഗർഭപാത്രത്തിൽ നിന്ന് ഞാൻ ജനിക്കുമെന്നും സുശാന്ത് പറഞ്ഞുവെന്നുമാണ് രാഖി പറഞ്ഞത്.    എനിക്ക് ആൺകുട്ടിയാണെങ്കിൽ അത് സുശാന്ത് ആകുമെന്ന് പറഞ്ഞ രാഖി സ്വപ്നം കണ്ട ഞാൻ വിയർത്തു കുളിച്ചുപോയി എന്നും ഇതു നിങ്ങൾക്ക് വിശ്വാസിക്കാൻ പറ്റുമോയെന്നും ചോദിക്കുന്നുണ്ട്. 

തന്നോട് സുശാന്ത് ഒരുപാട് കാര്യങ്ങൾ പറഞ്ഞുവെന്ന് വീഡിയോയിലൂടെ രാഖി വ്യക്തമാക്കുന്നുണ്ട്.  രാഖയിയോട് സുശാന്ത് ഇപ്രകാരം കൂടി പറഞ്ഞുവെന്നും അവർ വീഡിയോയിലൂടെ പറയുന്നുണ്ട്. " സിനിമ എനിക്ക് ഒരുപാട് തന്നു അതുപോലെ നഷ്ടപ്പെടുത്തുകയും ചെയ്തുവെന്നും കങ്കണയും, രാഖയയും തന്നെ പിന്തുണച്ചുവെന്നും എന്നെ നശിപ്പിച്ചവരെ ഞാൻ വെറുതെ വിടില്ലയെന്നും എന്റെ ശരീരമേ നശിച്ചുള്ളൂ ആത്മാവ് ഉണ്ടെന്നും പറഞ്ഞതായിട്ടാണ് രാഖി പഅറയുന്നത്.  മാത്രമല്ല താൻ വെളുപ്പിന് നാലുമണിക്കാണ് ഈ സ്വപ്നം കണ്ടതെന്നും അത് സത്യമാകുമെന്നും രാഖി പറയുന്നു.  

കൂടാതെ രാഖി പറഞ്ഞത് അവരുടെ ഫോണിൽ ഉണ്ടായിരുന്ന നിർമ്മാതാക്കളുടെ നമ്പറിലേക്ക് സുശാന്ത് മെസേജ് അയച്ചുവെന്നും നിങ്ങൾ നിർമ്മിക്കുന്ന സിനിമകളിൽ രാഖിയുടെ ഐറ്റം ഡാൻസ് വയ്ക്കാൻ ആവശ്യപ്പെട്ടുവെന്നും രാഖി പറഞ്ഞു.  രാഖിയുടെ ഈ വീഡിയോയ്ക്ക് നിറയെ വിമാർശനങ്ങൾ വരുന്നുണ്ട്.  ഇങ്ങനെയൊക്കെ ചെയ്യുന്നതിൽ നിങ്ങൾക്ക് ലജ്ജവേണമെന്നാണ് ഒരു ഉപയോക്താവ് പ്രതികരിച്ചത്. നിരവധി ട്രോളുകളാണ് രാഖിയുടെ ഈ വീഡിയോയ്ക്ക് ലഭിച്ചിരിക്കുന്നത്.    

View this post on Instagram

A post shared by Rakhi Sawant (@rakhisawant2511) on Jun 21, 2020 at 1:17am PDT

ജൂൺ 14 ന് മുംബൈയിലെ വീട്ടിൽ തൂങ്ങിമരിച്ച നിലയിലാണ് സുശാന്തിനെ കണ്ടത്.  സുശാന്ത് എന്തിനാണ് ആത്മഹത്യ ചെയ്തതെന്ന കാര്യം ഇതുവരെ വ്യക്തമായിട്ടില്ല.  മാധ്യമ റിപ്പോർട്ടുകൾ പ്രകാരം 6 മാസത്തോളം സുഷാന്തിന് വിഷാദരോഗം ബാധിച്ചിരുന്നുവെന്നാണ്. അതിന്റെ ചികിത്സയുടെ ഭാഗമായി അദ്ദേഹം മരുന്നുകളും ഉപയോഗിക്കുകയായിരുന്നു. എന്നാൽ ഈയിടയ്ക്ക് അദ്ദേഹം മരുന്നുകൾ നിർത്തിയിരുന്നു.