வீழ்ச்சி காணும் கச்சா எண்ணெய் விலைகள்; பெட்ரோல்-டீசல் விலையும் குறையுமா..!!

சர்வதேச சந்தையில் கச்சா எண்ணெய் விலை தொடர்ந்து குறைந்து வருகிறது. கடந்த 3 மாதங்களில், சர்வதேச சந்தையில் பீப்பாய் ஒன்றின் விலை $ 25-30 வரை குறைந்துள்ளது. கச்சா எண்ணெய் தற்போது பீப்பாய் ஒன்றுக்கு 91 டாலர் என்ற அளவில் உள்ளது. ஆனால், நாட்டில் பெட்ரோல், டீசல் விலையில் இன்னும் குறையவில்லை. கடந்த மே 21ம் தேதி பெட்ரோல், டீசல் மீதான கலால் வரியை மத்திய அரசு குறைத்தது. இதையடுத்து, நாடு முழுவதும் பெட்ரோல் விலை லிட்டருக்கு ரூ.9.50, என்ற அளவிலும், டீசல் விலை லிட்டருக்கு ரூ.7 என்ற அளவிலும் குறைந்துள்ளது.

கச்சா எண்ணெய் விலையில் பெரும் சரிவு

ப்ரெண்ட் கச்சா எண்ணெய் இலை தற்போது பீப்பாய் ஒன்றுக்கு $ 91 ஆக உள்ளது. கச்சா எண்ணெய் விலை பீப்பாய் ஒன்றுக்கு 80.85 டாலர் வரை குறையும் என்று நிபுணர்கள் கூறுகின்றனர். இதன் அடிப்படையில், எண்ணெய் நிறுவனங்கள் விலையை குறைத்தால், பெட்ரோல், டீசல் விலை 11 முதல் 12 ரூபாய் வரை குறையலாம்.

கச்சா எண்ணெய் விலை பேரலுக்கு 1 டாலர் அதிகரித்தாலோ அல்லது குறைந்தாலோ, நாட்டின் எண்ணெய் நிறுவனங்களுக்கு ஒரு லிட்டருக்கு 45 பைசா என்ற அளவில் அதன் தாக்கம் இருக்கும். எனவே, விலை சரிவு தொடர்ந்தால், நாட்டில் பெட்ரோல் மற்றும் டீசல் விலை ரூ.11 முதல் ரூ.12 வரை குறையும் என எதிர்பார்க்கப்படுகிறது.

நாட்டில் பல்வேறு நகரங்களில் பெட்ரோல் விலை நிலவரம்:

டெல்லி பெட்ரோல் லிட்டருக்கு ரூ.96.72, டீசல் லிட்டருக்கு ரூ.89.62

மும்பை பெட்ரோல் லிட்டருக்கு ரூ.111.35 மற்றும் டீசல் லிட்டருக்கு ரூ.97.28

சென்னை பெட்ரோல் லிட்டருக்கு ரூ.102.63 மற்றும் டீசல் லிட்டருக்கு ரூ.94.24

கொல்கத்தா பெட்ரோல் லிட்டருக்கு ரூ.106.03 மற்றும் டீசல் லிட்டருக்கு ரூ.92.76

பெங்களூருவில் பெட்ரோல் லிட்டருக்கு ரூ.101.94 மற்றும் டீசல் லிட்டருக்கு ரூ.87.89

திருவனந்தபுரத்தில் பெட்ரோல் லிட்டருக்கு ரூ.107.71 மற்றும் டீசல் லிட்டருக்கு ரூ.96.52

ஹைதராபாத்தில் பெட்ரோல் லிட்டருக்கு ரூ.109.66, டீசல் விலை லிட்டருக்கு ரூ.97.82

போர்ட் பிளேரில் பெட்ரோல் லிட்டருக்கு ரூ 84.10 மற்றும் டீசல் லிட்டருக்கு ரூ 79.74

பாட்னாவில் பெட்ரோல் லிட்டருக்கு ரூ.107.24 மற்றும் டீசல் லிட்டருக்கு ரூ.94.04

குருகிராமில் பெட்ரோல் லிட்டருக்கு ரூ.97.18 மற்றும் டீசல் லிட்டருக்கு ரூ.90.05

நொய்டாவில் பெட்ரோல்லிட்டருக்கு ரூ.96.57 மற்றும் டீசல் லிட்டருக்கு ரூ.89.96

லக்னோவில் பெட்ரோல் லிட்டருக்கு ரூ.96.57 மற்றும் டீசல் லிட்டருக்கு ரூ.89.76

ஜெய்ப்பூரில் பெட்ரோல் லிட்டருக்கு ரூ.108.48, டீசல் லிட்டருக்கு ரூ.93.72

புவனேஸ்வரில் பெட்ரோல் லிட்டருக்கு ரூ.103.19 மற்றும் டீசல் லிட்டருக்கு ரூ.94.76

சண்டிகரில் பெட்ரோல் லிட்டருக்கு ரூ.96.20 மற்றும் டீசல் லிட்டருக்கு ரூ.84.26

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ