காவல்துறை ஊழியர்களுக்கு ஜாக்பாட்: ஊதியம், அலவன்சுகளில் ஏற்றம்.. அறிவிப்பு வெளியானது

புதுடெல்லி: நேற்று நாடு முழுவதும் சுதந்திர தின விழா கோலாகலமாக கொண்டாடப்பட்டது. செங்கோட்டையில் இருந்து நாட்டு மக்களுடன் உரையாற்றிய பிரதமர் மோடி அவர்கள் நாட்டு மக்களுக்கான பல நலத் திட்டங்களை அறிவித்தார். பல மாநில அரசுகளும் பல நலத்திட்டங்களை அறிவித்துள்ளன. காவல்துறையினருக்கு அறிவிக்கப்பட்டுள்ள அப்படி ஒரு நல்ல அறிவிப்பை பற்றி இந்த பதிவில் காணலாம். 

நமது நாட்டின் சுதந்திர தினத்தையொட்டி, காவல்துறையினருக்கான பல அலவன்ஸ்களை உயர்த்துவது குறித்தும் புதிய அலவன்ஸ்களை தொடங்குவது குறித்தும் மத்திய பிரதேச அரசு அறிவிப்புகளை வெளியிட்டுள்ளது. இதனால், காவல்துறையினரின் மாத ஊதியத்தில் நல்ல ஏற்றம் இருக்கும். மத்தியப் பிரதேச அரசு காவல்துறையினருக்கு பெட்ரோல், சீருடை மற்றும் உணவுப் படியை உயர்த்தி அறிவித்துள்ளது.

மத்தியப் பிரதேச முதல்வர் சிவராஜ் சிங் சவுகான், செவ்வாய்க்கிழமை சுதந்திர தினத்தை முன்னிட்டு, போபாலில் உள்ள ரெட் பரேட் மைதானத்தை அடைந்து தேசியக் கொடியை ஏற்றி வைத்தார். அதன் பிறகு உரையாற்றிய அவர், 'மாநிலத்தில் சட்டம் ஒழுங்கை நிலைநாட்ட எமது காவல்துறை நண்பர்கள் இரவும் பகலும் உழைக்கின்றனர். போலீஸ் கான்ஸ்டபிள் முதல் சப்-இன்ஸ்பெக்டர் நிலை ஊழியர்கள் வரை உத்தியோகபூர்வ பணிக்காக செல்லும் பயணத்திற்காக மாதம் 15 லிட்டர் பெட்ரோலின் விலையை திருப்பி தர (ரீயெம்பர்ஸ் செய்ய) முடிவு செய்துள்ளோம்' என்று கூறினார்.

காவல் துறையில் பணியாற்றும் காவலர் முதல் அதிகாரி வரை, அனைவருக்கும் சத்துணவு உதவித் தொகையை ரூ. 650 இல் இருந்து ரூ. 1000 ஆக உயர்த்தியுள்ளோம் என்றும் முதல்வர் மேலும் தெரிவித்தார். காவல்துறையினருக்கான கிட் ஆடை உதவித்தொகையை ரூ. 5000 ஆக உயர்த்தும் பணி மேற்கொள்ளப்பட்டுள்ளது என்றும் அவர் கூறினார். இந்த அறிவிப்புகளை அமல்படுத்தும் பணி தொடங்கியுள்ளது.

கடந்த ஜூலை 28 ஆம் தேதி நடைபெற்ற காவல்துறை பரிவார் சங்கம் நிகழ்ச்சியில் முதல்வர் பல திட்டங்களை அறிவித்தார். இந்த நிகழ்ச்சியில் காவல்துறையில் 30% ஆட்சேர்ப்பு பெண் குழந்தைகளாக இருக்க வேண்டும் என்று கூறியிருந்தார். காவல்துறையில் பணிபுரியும் நமது பெண்கள் தங்கள் கடமைகளை முழு ஈடுபாட்டுடன் நிறைவேற்றி தங்களை நிரூபித்து வருகிறார்கள் என்பது எனக்கு நன்றாகவே தெரியும் என்றும் அவர் மேலும் கூறினார்.

காவல் துறைக்கான மத்தியப் பிரதேச அரசின் அறிவிப்புகள்:

- மத்தியப் பிரதேச மாநில காவல் பணி அதிகாரிகளுக்கு ஐந்தாவது ஊதியக்குழு வழங்கப்படும்.

- 45 வயதுக்கு மேற்பட்ட அனைத்து காவலர்களுக்கும் ஆண்டுதோறும் இலவச மருத்துவ பரிசோதனை செய்யப்படும்.

- அனைத்து காவலர்களுக்கும் சுழற்சி முறையில் வாராந்திர விடுமுறை உறுதி செய்யப்படும்.

- காவலர்களுக்கு 25 ஆயிரம் புதிய வீடுகள் கட்டப்படும்.

- கான்ஸ்டபிள் மற்றும் தலைமைக் காவலரின் சீருடை அலவன்ஸ் ஆண்டுக்கு ரூ. 5000

- அரசு வாகனங்கள் இல்லாத அனைத்து காவல் நிலையங்களிலும் பணிபுரியும் காவலர் முதல் சப்-இன்ஸ்பெக்டர் வரையிலான அலுவலர்கள்-ஊழியர்களுக்கு மாதந்தோறும் 15 லிட்டர் பெட்ரோல் உதவித்தொகை வழங்கப்படும்.

- இலவச உணவு கொடுப்பனவு ஒரு நாளைக்கு ரூ. 100 ஆக இருக்கும்.

- காவல்துறையினரின் சத்துணவு அலவன்ஸாக மாதம் 1000 ஆயிரம் ரூபாய் வழங்கப்படும்.

- SAF ஜவான்களுக்கு மாதத்திற்கு 1000 ரூபாய் SAF கொடுப்பனவும் வழங்கப்படும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ