PM SVANidhi திட்டத்தில் சாலையோர வியாபாரிகளுக்கு கடன்; உத்தரவாதம் தேவையில்லை

புது டெல்லி: வீட்டுவசதி மற்றும் நகர்ப்புற விவகார அமைச்சின் செயலாளர் துர்காஷங்கர் மிஸ்ரா, பிரதான் மந்திரி ஸ்வநிதி யோஜனாவின் போர்ட்டலைத் தொடங்கி வைத்தார். பிரதமர் ஸ்வநிதி யோஜனா (PM SVANidhi Portal launch (Beta Version) ) ஜூன் 1 அன்று தொடங்கப்பட்டது. பிரதமர் நரேந்திர மோடி (PM Narendra Modi) தலைமையில் ஜூன் 1 ம் தேதி நடைபெற்ற மத்திய அமைச்சரவைக் கூட்டத்தில் இந்தத் திட்டத்திற்கு ஒப்புதல் அளிக்கப்பட்டது.

இந்த திட்டத்தின் கீழ், தெரு விற்பனையாளர்களுக்கு (Street Vendor) சிறிய அளவு கடன் வழங்கப்படும். இது மீதான வட்டி விகிதமும் குறைவாக இருக்கும்.

வீதி விற்பனையாளர்களின் வாழ்வாதரத்தை மேம்படுத்தும் நோக்கில், இந்த திட்டத்திற்காக ரூ .5,000 கோடி பட்ஜெட்டை அரசு நிர்ணயித்துள்ளது. இந்த திட்டத்தின் முழு பெயர் பிரதம மந்திரியின் சாலையோர வியாபாரிகள் சுயசார்பு நிதித் திட்டம் (PM Street Street Vendor’s Atma Nirbhar Nidhi)

இந்த திட்டத்தின் வலைத்தளமான pmsvanidhi.mohua.gov.in ஐ துர்காஷங்கர் மிஸ்ராவும் தொடங்கினார். இந்த திட்டம் தொடர்பான ஒவ்வொரு தீர்வும் இந்த இணையதளத்தில் வழங்கப்பட்டுள்ளது. இந்த வலைத்தளத்தை SIDBI தயாரித்துள்ளது. கடன் விண்ணப்ப படிவம், மொபைல் பயன்பாடு, திட்டத்தின் கே.ஒய்.சி (e-KYC)  போன்ற வசதிகளை இங்கே பெறுவீர்கள்.

கடன் பெற ஜூலை 2 முதல் பிரதமர் எஸ்.வி.நிதி போர்ட்டலில் (PM SVANidhi) விண்ணப்பிக்கலாம். இந்த திட்டத்திற்காக இணையதளத்தில் அல்லது வாடிக்கையாளர் சேவை மையத்தின் கீழ், சுய உதவிக்குழுவின் கீழ் விண்ணப்பம் செய்யலாம். மொபைல் பயன்பாடு மூலம் KYC செயல்முறையை மேற்கொள்ள முடியும்.

பிரதமர் ஸ்வநிதி திட்டத்தின் கீழ், தெரு விற்பனையாளர்களுக்கு 10 ஆயிரம் ரூபாய் வரை கடன் வழங்கப்படும். இது வணிகத்தைத் தொடங்க அவர்களுக்கு உதவும். இந்த கடன் மிகவும் எளிதான விதிமுறைகளுடன் வழங்கப்படும். இதற்கு எந்த உத்தரவாதமும் தேவையில்லை.

கொரோனா (COVID-19) காரணமாக நாட்டில் செயல்படுத்தப்பட்ட ஊரடங்கு காரணமாக தெருவில் வசிப்பவர்கள் தங்கள் வேலைகளை மீண்டும் தொடங்க இந்த திட்டம் தொடங்கப்பட்டுள்ளது.

சாலையோரத்தில் கடை வைத்திருப்பவர்கள், தெரு விற்பனையாளர்கள், பழம் மற்றும் காய்கறி விற்பனையாளர்கள், சலவை நிலையங்கள், பான் கடைகள் இந்த திட்டத்தின் கீழ் கடன் பெறலாம். இந்த திட்டத்தின் கீழ் 50 லட்சம் தெரு விற்பனையாளர்களுக்கு பயனளிப்பதே அரசாங்கத்தின் இலக்காகும்.