கேரளா டூர் செல்ல பிளானா... IRCTC வழங்கும் இந்த அசத்தல் பேக்கேஜை மிஸ் பண்ணாதீங்க!

IRCTC Kerala Tour Package: நாடு முழுவதும் பல மாநிலங்களுக்கு நாம் பயணம் செய்ஹ்டிருக்கலாம். ஆனால், இயற்கை அழகு கொஞ்சும் கேரளா வித்தியாசமானது. கடவுளின் நகரம் என்று அழைக்கப்படும் இந்த மாநிலம் இந்தியாவின் மிக அழகான மாநிலங்களில் ஒன்றாகும். கேரளா சுற்றுலா செல்வது சொர்க்கத்திற்கு செல்வது போல, அவ்வளவு இன்பமான அனுபவத்தை தரக் கூடியது. இங்கே நீங்கள் பயணம் செய்ய பல விருப்பங்களைப் பெறுவீர்கள். 

பலர் தங்கள் குடும்பத்துடன் விடுமுறைக்காக கேரளா செல்கிறார்கள். மேலும் சில தம்பதிகள் கூட தேனிலவுக்கு கேரளா செல்ல விரும்புகிறார்கள். நீங்களும் மே மாதத்தில் கேரளா செல்ல திட்டமிட்டிருந்தால், இந்த செய்தி பயனுள்ளதாக இருக்கும். உண்மையில், ஐஆர்சிடிசி சமீபத்தில் கேரளாவிற்கு ஒரு சிறப்பு பேக்கேஜை அறிமுகப்படுத்தியுள்ளது. இந்த சிறப்பு சாலை வழி பயண பேக்கேஜில் (IRCTC Tour Package), கேரளாவின் பல அழகான இடங்களை பார்வையிடும் வாய்ப்பைப் பெறுவீர்கள்.

ஐஆர்சிடிசியின்  சிறப்பு சாலை வழி பயணப் பேக்கேஜின் பெயர் எக்சோடிக் கேரளா வித் ஹவுஸ்போட் ஸ்டே (EXOTIC KERALA WITH HOUSEBOAT STAY - SEH039). இந்த டூர் பேக்கேஜ் 4 இரவுகள் மற்றும் 5 பகல்களுக்கானது. இந்த பேக்கேஜ்  திருவனந்தபுரத்தில் இருந்து மே 3ம் தேதி தொடங்கும். பயணம் முழுவதும் ஏசி கார் இருக்கும் என்பது குறிப்பிடத்தக்கது.  மேலும், IRCTC வழங்கும் இந்த பேக்கேஜில் காலை உணவு, மதிய உணவு மற்றும் இரவு உணவு ஆகியவை அடங்கும்.

ஐஆர்சிடிசியின் இந்த பேக்கேஜில், நீங்கள் ஆலப்புழை, கொச்சி, கோவளம், குமரகம், மூணாறு மற்றும் தேக்கடி ஆகிய இடங்களுக்குச் செல்லலாம். இந்த பேக்கேஜில் நீங்கள் திருவனந்தபுரத்தில் 1 இரவு, ஆலப்புழாவில் 1 இரவு, தேக்கடியில் 1 இரவு, மூணாறில் 1 இரவு மற்றும் கொச்சியில் 1 இரவு தங்கும் வாய்ப்பு கிடைக்கும். இந்த தொகுப்பில் காலை உணவு, இரவு உணவு மற்றும் மதிய உணவும் கிடைக்கும். 

பேக்கேஜ் முழுவதும் ஏசி வண்டிகளில் பயணம் செய்வதை தவிர, இந்த பேகேஜில் பயணக் காப்பீட்டையும் பெறுவீர்கள். சிறப்பு டூர் பேக்கேஜின் கட்டணம் பற்றி நாம் பேசினால், ஒருநபர் முன்பதிவுக்கு நீங்கள் ரூ.51,715 செலவழிக்க வேண்டும். அதேசமயம் இரண்டு பேருக்கான (Double Sharing)முன்பதிவுக்கு,  ரூ.26,585 மற்றும் ட்ரிபிள் ஷேரிங் ரூ.19,880. இது தவிர, 5 வயது முதல் 11 வயது வரை உள்ள குழந்தைகள் தங்க ரூ.6,970ம், 5 வயது முதல் 11 வயது வரை உள்ள குழந்தைகள் தங்க ரூ.4,040ம் செலுத்த வேண்டும். நீங்களும் இந்த டூர் பேக்கேஜிற்கு முன்பதிவு செய்ய நினைத்தால், ஐஆர்சிடிசியின் அதிகாரப்பூர்வ இணையதளத்திற்குச் சென்று நீங்களே முன்பதிவு செய்யலாம்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!