தபால் அலுவலகம் KVP Scheme: வெவ்வேறு தபால் நிலைய திட்டங்கள் உள்ளன. ஆனால் இதில் முதலீடு செய்வது மிகவும் பயனுள்ளதாக இருக்கும். தபால் நிலையங்கள் மத்திய அரசாங்கத்தால் நடத்தப்படுகின்றன. எனவே வாடிக்கையாளர்கள் அதில் முதலீடு செய்த பின்னர் பணத்தை இழக்கும் அபாயம் இருக்காது. தபால் அலுவலகம் (Kisan Vikas Patra) வாடிக்கையாளர்களுக்கு பல திட்டங்களை வழங்குகிறது. அதில் வாடிக்கையாளர்கள் முதலீடு செய்வதன் மூலம் தங்கள் பணத்தை இரட்டிப்பாக்கக்கூடிய ஒரு திட்டம் உள்ளது.


COMMERCIAL BREAK
SCROLL TO CONTINUE READING

இந்த திட்டத்தின் பெயர் "கிசான் விகாஸ் பத்ரா" (Kisan Vikas Patra). அதிகமானோர் முதலீடு செய்யும் தபால் அலுவலக திட்டங்களில் ஒன்றாகும். நீங்கள் நீண்ட காலத்திற்கு முதலீடு செய்ய திட்டமிட்டிருந்தால், நீங்கள் அதில் முதலீடு செய்யலாம். அதாவது முதலீட்டாளருக்கு கிடைக்கும் வட்டி பணத்திலிருந்து அவர்களுக்கு பணத்தை இரட்டிப்பாக்கி வழங்கப்படுகிறது. இங்கு ஒருபக்கம் பணம் இரட்டிப்பாகி வருகிறது. மறுபக்கம் இந்திய அரசு பாதுகாப்பு உத்தரவாதம் அளிக்கிறது.


ALSO READ |  தபால் அலுவலகத்தின் 7 சூப்பர்ஹிட் திட்டங்கள்... இதில் கிடைக்கும் நன்மைகள் என்ன?


இந்த திட்டத்தில் சேர நிபந்தனைகள்:
1. முதலீட்டாளரின் வயது குறைந்தது 18 ஆண்டுகள் இருக்க வேண்டும்
2. இந்த திட்டம் சிறார்களுக்கும் கூட்டு கணக்கு வைக்க விரும்புவர்களுக்கும் உள்ளது.
3. திட்டத்தின் கீழ், நீங்கள் 100 ரூபாய் மடங்குகளில் மட்டுமே தொகையை டெபாசிட் செய்யலாம்.
4. அதிகபட்ச வைப்பு வரம்பு இல்லை
5. நாமினி (Nominee) வசதியும் உள்ளது.
6. கிசான் விகாஸ் பத்ரா திட்டத்தில் சேர்ந்து இரண்டரை ஆண்டுகளுக்குப் பிறகு, அதில் டெபாசிட் செய்யப்பட்ட தொகையும் திரும்பப் பெறலாம்.
7. இந்த திட்டத்தில் ரூ 1000, ரூ 5000, ரூ 10,000 மற்றும் ரூ 50,000 வரை சான்றிதழ்கள் வழங்கப்படுகின்றன.


ALSO READ |  ₹1000 செலுத்தி ₹72,000 வரை சம்பாதிக்கலாம்... Indian Post அதிரடி திட்டம்!


இந்தத் திட்டத்தின் கீழ் நீங்கள் முதலீடு செய்தால், 10 ஆண்டு, நான்கு மாதங்களுக்கு பிறகு, அதாவது மொத்தம் 124 மாதங்களுக்குப் பிறகு இரு மடங்கு தொகையைப் பெறுவீர்கள். அரசாங்கம் தனது வட்டி விகிதத்தை 2021 ஆம் ஆண்டின் இரண்டாவது காலாண்டு வரை அதாவது செப்டம்பர் 30 வரை 6.9 சதவீதமாக நிர்ணயித்துள்ளது. எவ்வளவு காலத்தில் பணம் இரட்டிப்பாகும் என்பது வட்டி விகிதத்தைப் பொறுத்தது. இன்று நீங்கள் அதில் ரூ .1 லட்சம் டெபாசிட் செய்தால், 124 மாதங்களுக்குப் பிறகு, உங்களுக்கு இரட்டை வருமானம் (Double Return) வழங்கப்படும், அதாவது ரூ .2 லட்சம் உத்தரவாதம் உங்களுக்கு கிடைக்கும்.