கறிவேப்பிலையின் ஆரோக்கிய நன்மைகள்: கறிவேப்பிலை நமது இந்திய சமையலறைகளில் அதிகம் பயன்படுத்தப்படுகிறது. குறிப்பாக தென்னிந்திய உணவுகளில் பெரும்பாலான உணவுகளில் நாம் கறிவேப்பிலையை பயன்படுத்துகிறோம். கறிவேப்பிலை உணவின் சுவையை மேம்படுத்தும். பலர் அதை கடைகளில் இருந்து வாங்கியும் சிலர் அதை வீட்டில் தொட்டிகளிலும் வளர்த்தும் பல்வேறு விதத்தில் பயன்படுத்துகிறார்கள். 


COMMERCIAL BREAK
SCROLL TO CONTINUE READING

கறிவேப்பிலை ஆரோக்கியத்தின் பொக்கிஷம்


உணவின் சுவையை கூட்டுவதோடு கறிவேப்பிலை ஆரோக்கியத்தின் பொக்கிஷமாகவும் கருதப்படுகின்றது. பாஸ்பரஸ், கால்சியம், இரும்புச்சத்து, தாமிரம், வைட்டமின்கள் மற்றும் மெக்னீசியம் போன்ற ஊட்டச்சத்துக்கள் கறிவேப்பிலையில் உள்ளன. இது உடலுக்கு பல வழிகளில் நன்மை பயக்கும். தினமும் காலையில் 3 முதல் 4 பச்சை இலைகளை மென்று சாப்பிட்டால் அது உடலுக்கு அபரிமிதமான நற்பலன்களை அளிக்கும். கறிவேப்பிலை சாப்பிடுவதால் கிடைக்கும் ஆரோக்கிய நன்மைகள் பற்றி இந்த பதிவில் காணலாம். 


கறிவேப்பிலை சாப்பிடுவதால் கிடைக்கும் அளப்பரிய நன்மைகள்:


1. கண்களுக்கு நல்லது


கண்பார்வையை அதிகரிக்க உதவும் வைட்டமின் ஏ சத்து இதில் உள்ளதால், கறிவேப்பிலை சாப்பிடுவதால் மாலைக்கண் நோய் அல்லது கண் தொடர்பான பல நோய்கள் ஏற்படும் அபாயம் தவிர்க்கப்படுகிறது.


2. நீரிழிவு நோய்க்கு உதவும்


இரத்த சர்க்கரை அளவைக் கட்டுப்படுத்தும் இரத்தச் சர்க்கரைக் குறைவு பண்புகள் இருப்பதால், நீரிழிவு நோயாளிகள் கறிவேப்பிலையை மென்று சாப்பிட அறிவுறுத்தப்படுகிறார்கள்.


மேலும் படிக்க | அதிக கொலஸ்ட்ரால் இருந்தால் தோலில் இந்த அறிகுறிகள் ஏற்படலாம்! 


3. செரிமானம் சிறப்பாக இருக்கும்


கறிவேப்பிலையை தினமும் காலையில் வெறும் வயிற்றில் மென்று சாப்பிடுவது செரிமானத்தை மேம்படுத்துகிறது. இதோடு, மலச்சிக்கல், அமிலத்தன்மை, வயிறு உப்பசம் உள்ளிட்ட அனைத்து வயிற்றுப் பிரச்சனைகளிலிருந்தும் விடுபடலாம்.


4. தொற்றுக்கு எதிரான பாதுகாப்பு


கறிவேப்பிலையில் பூஞ்சை காளான் எதிர்ப்பு மற்றும் ஆண்டிபயாடிக் பண்புகள் உள்ளன. இது பல வகையான தொற்றுநோய்களைத் தடுக்கிறது. மேலும் இதனால் நோய்களின் அபாயமும் தடுக்கப்படுகின்றது. 


5. எடை குறைப்பு 


கறிவேப்பிலையை மென்று சாப்பிடுவது எடை மற்றும் தொப்பையை குறைக்க உதவுகிறது. இதில் எத்தில் அசிடேட், மஹானிம்பைன் மற்றும் டிக்ளோரோமீத்தேன் போன்ற சத்துக்கள் இருப்பதால் உடல் பருமன், எடை அதிகரிப்பு ஆகியவற்றுக்கு இது மிக நல்ல தீர்வாக அமைகின்றது.


6. கொழுப்பைக் குறைப்பதில் பயனுள்ளதாக இருக்கும்


உங்கள் வயிறு மற்றும் இடுப்பைச் சுற்றி கொழுப்பு குவிய ஆரம்பித்திருந்தால், இதை சரி செய்ய கறிவேப்பிலையை உட்கொள்ளலாம். அதில் ஆல்கலாய்டுகள் உள்ளன.  இதன் உதவியுடன் கொழுப்பு மற்றும் கொழுப்பைக் குறைக்கலாம். இதன் சாற்றை குடித்தால், கெட்ட கொலஸ்ட்ரால் மற்றும் ட்ரைகிளிசரைடு அளவு குறைவதுடன், ரத்தத்தில் உள்ள சர்க்கரையின் அளவும் பராமரிக்கப்படும்.


(பொறுப்புத் துறப்பு: இங்கு கொடுக்கப்பட்டுள்ள தகவல்கள் வீட்டு வைத்தியம் மற்றும் பொது அறிவை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை  உறுதிப்படுத்தவில்லை.)


மேலும் படிக்க | ஹோலியில் வரும் தோல் அலர்ஜி..! பாதுகாப்பாக இருக்க ஈஸி வழிமுறை 


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ