மூட்டு வலியை ஒழித்துக் கட்டும் ‘சில’ ஆயுர்வேத மருந்துகள்!

மூட்டு வலியிலிருந்து நிவாரணம் பெற உதவும் ஆயுர்வேத மூலிகைகள்: மூட்டு வலி பிரச்சனையால் பலர் சிரமப்படுகின்றனர். மூட்டு வலி பிரச்சனையை வயதானவர்கள் மட்டுமே சந்திக்க வேண்டிய காலம் ஒன்று இருந்தது. ஆனால் இப்போதெல்லாம் இளைஞர்கள் கூட மூட்டு வலி என்று புகார் கூறுகின்றனர். உடல் பருமன், உடலில் ஊட்டச்சத்து குறைபாடு, மோசமான வாழ்க்கை முறை, அதிக யூரிக் அமிலம் மற்றும் மூட்டு தேய்மானம் போன்றவற்றால் மூட்டு வலி ஏற்படலாம். மூட்டு வலி உங்கள் இயல்பு வாழ்க்கையை பெரிதும் பாதிக்கும். இதனால், பாதிக்கப்பட்ட நபர் நடக்க முடியாமல் சிரமப்படுகிறார். 

சில சமயங்களில் மூட்டுவலி மிகவும் அதிகமாகும் போது, பாதிக்கப்பட்ட நபர் வலி நிவாரணிகளின் உதவியை எடுக்க வேண்டிய நிலை ஏற்படும். ஆனால் இந்த மருந்துகளின் அதிகப்படியான நுகர்வு ஆரோக்கியத்திற்கு தீங்கு விளைவிக்கும். அத்தகைய சூழ்நிலையில், மூட்டு வலியிலிருந்து நிவாரணம் பெற ஆயுர்வேத மூலிகைகளைப் பயன்படுத்தலாம். இதில் உள்ள சிறந்த விஷயம் என்னவென்றால், இந்த மூலிகைகள் உடலில் எந்த பக்க விளைவுகளையும் ஏற்படுத்தாது. அவற்றைப் பயன்படுத்துவதன் மூலம், எலும்புகள் வலுவடைவதோடு, மூட்டு வலியிலிருந்தும் விடுபடலாம். இன்று இந்தக் கட்டுரையில் மூட்டு வலியைப் போக்க உதவும் 5 மூலிகைகளைப் பற்றி அறிந்து கொள்ளலாம்

நொச்சி இலை 

நொச்சி இலை ஆயுர்வேதத்தில் சக்தி வாய்ந்த மருந்தாகப் பயன்படுத்தப்படுகிறது. ஃபிளாவனாய்டுகள், ஆல்கலாய்டுகள் மற்றும் ஆர்கானிக் கொழுப்பு அமிலங்கள் போன்ற பல ஊட்டச்சத்துக்கள் இதில் காணப்படுகின்றன. இது வலி மற்றும் வீக்கத்தைக் குறைக்க உதவுகிறது. தவிர, இது அழற்சி எதிர்ப்பு பண்புகளையும் கொண்டுள்ளது, இது மூட்டு வலி பிரச்சனையில் இருந்து விரைவான நிவாரணம் அளிக்கும். மசாஜ் செய்ய நொச்சி இலை போட்டு காய்ச்சிய எண்ணெயை பயன்படுத்தலாம்.

மஞ்சள்

மஞ்சளில் மருத்துவ குணங்கள் நிறைந்துள்ளன. இது ஆக்ஸிஜனேற்ற மற்றும் அழற்சி எதிர்ப்பு பண்புகளைக் கொண்டுள்ளது,. இது வலி மற்றும் வீக்கத்திலிருந்து நிவாரணம் அளிக்க உதவுகிறது. இதற்கு வெதுவெதுப்பான பாலில் அரை டீஸ்பூன் மஞ்சள் தூள் கலந்து தினமும் இரவு தூங்கும் முன் குடிக்கவும். உங்கள் உணவு மற்றும் தேநீரிலும் மஞ்சளைப் பயன்படுத்தலாம். 

குங்குலு

குங்குலு மிகவும் சக்தி வாய்ந்த மூலிகை. உடலின் பல பிரச்சனைகளை நீக்க ஆயுர்வேதத்தில் குங்குலு பயன்படுத்தப்படுகிறது. மூட்டு வலியிலிருந்து நிவாரணம் பெற இதைப் பயன்படுத்தலாம். அழற்சி எதிர்ப்பு பண்புகள் இதில் காணப்படுகின்றன. இது வலி மற்றும் வீக்கத்தைக் குறைக்க உதவுகிறது. மூட்டு வலியிலிருந்து நிவாரணம் பெற, நீங்கள் குங்குலுவை தண்ணீரில் கலந்து  குடிக்கலாம். 

ஓமம்

ஒவ்வொரு இந்திய வீட்டின் சமையலறையிலும் ஓமத்தை எளிதாகக் காணலாம். ஓமம் செரிமானத்திற்கு மிகவும் நன்மை பயக்கும் என்பது அனைவருக்கு தெரியும். ஆனால் மூட்டு வலியிலிருந்து நிவாரணம் அளிப்பதில் ஓமம் மிகவும் நன்மை பயக்கும் என்பது உங்களுக்குத் தெரியுமா? இதில் ஆக்ஸிஜனேற்ற மற்றும் அழற்சி எதிர்ப்பு பண்புகள் உள்ளன.  இது மூட்டு வீக்கம் மற்றும் வலியைக் குறைக்க உதவுகிறது. ஓமத்தை உட்கொள்வதைத் தவிர, நீங்கள் ஓமம் போட்டு காய்ச்சிய எண்ணெயைத் தயாரித்து மூட்டுகளில் தடவலாம்.

இஞ்சி

மூட்டு வலியிலிருந்து நிவாரணம் அளிப்பதில் இஞ்சி மிகவும் பயனுள்ளதாக இருக்கும். அழற்சி எதிர்ப்பு மற்றும் ஆக்ஸிஜனேற்ற பண்புகள் இதில் காணப்படுகின்றன. இது எலும்புகள் மற்றும் தசைகளை வலுப்படுத்த உதவுகிறது. இதற்கு இஞ்சி டீ செய்து குடிக்கலாம் அல்லது இஞ்சி போட்டு காய்ச்சிய எண்ணெயைப் பயன்படுத்தலாம்.

(பொறுப்புத் துறப்பு: எங்கள் கட்டுரை தகவல்களை வழங்குவதற்காக மட்டுமே. மேலும் விவரங்களுக்கு எப்போதும் நிபுணர் அல்லது உங்கள் மருத்துவரை அணுகவும். ZEE NEWS இதற்கு பொறுப்பேற்காது.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ