எடை இழப்பு குறிப்புகள்: உடலை ஆரோக்கியமாக வைத்துக் கொள்ள, எடையைக் கட்டுக்குள் வைத்திருப்பதும் அவசியம். ஆரோக்கியமான உணவுப் பழக்கம் உங்கள் உடலை சமநிலையில் வைத்திருக்கும். நீங்களும் உடல் பருமனால் பாதிக்கப்பட்டு, உங்கள் உடலை கட்டுக்கோப்பாகவும், மெலிதாகவும் வைத்திருக்க விரும்பினால், டிடாக்ஸ் பானங்களுடன் உங்கள் நாளைத் தொடங்குவது நல்ல பலனைத் தரும். இந்த பானங்கள் வளர்சிதை மாற்றத்தை அதிகரிக்கின்றன. இது தவிர, உடலில் இருக்கும் நச்சுப் பொருட்களையும் இவை சுத்தம் செய்கின்றன. எடை இழப்பு முயற்சியில் உங்களுக்கு உதவக்கூடிய 5 காலை நேர பானங்களை (Morning Drinks For Weight Loss) பற்றி இந்த பதிவில் காணலாம். 


COMMERCIAL BREAK
SCROLL TO CONTINUE READING

டிடாக்ஸ் பானங்களின் நன்மைகள் என்ன?


டிடாக்ஸ் பானங்கள் உடலை பல பிரச்சனைகளில் இருந்து பாதுகாக்க உதவுகின்றன. இவை உடலின் நோய் எதிர்ப்பு சக்தியை பலப்படுத்துகின்றன. இவற்றை உட்கொள்வதால் உடலில் உள்ள நச்சுத்தன்மையை நீக்க முடியும். இவை உடலை நீரிழப்பு ஏற்படாமல் பாதுகாக்கவும் உதவுகின்றன. டிடாக்ஸ் பானங்களுடன் நமது நாளைத் தொடங்குவது, நாள் முழுவதும் சுறுசுறுப்பாக இருப்பதற்கு உதவும். 


எடை இழப்புக்கான மிகச்சிறந்த டீடாக்ஸ் பானங்கள்: 


1. ஓம தண்ணீர்


அசிடிட்டி பிரச்சனையை சமாளிக்க அடிக்கடி பயன்படுத்தப்படும் ஓம நீர் ஆன்டிஆக்ஸிடன்ட்கள் நிறைந்தது. குடல் இயக்கத்தை மேம்படுத்துவதோடு, சுவாச பிரச்சனைகளையும் இது கட்டுப்படுத்துகிறது. காலையில் எழுந்தவுடன் வெறும் வயிற்றில் ஓம தண்ணீரைக் குடிப்பதால் ஆரோக்கியத்திற்கு பல நன்மைகள் கிடைக்கின்றன. இந்த நீரை தயாரிக்க, 1 கிளாஸ் வெதுவெதுப்பான நீரை எடுத்து, அதில் அரை ஸ்பூன் ஓமம் சேர்த்து, இரவு முழுவதும் ஊற வைக்கவும். காலையில் எழுந்ததும் அந்த நீரில் ஒரு சிட்டிகை உப்பு சேர்த்து குடிக்க வேண்டும். நீங்கள் விரும்பினால், இரண்டு கிளாஸ் தண்ணீரில் 1 தேக்கரண்டி ஓமம் சேர்த்து கொதிக்க விடலாம். இந்த தண்ணீர் பாதியாக குறைந்தவுடன், அடுப்பை அணைத்துவிட்டு தண்ணீரைக் குடிக்கவும்.


2. எலுமிச்சை தண்ணீர்


பெரும்பாலான மக்கள் எடை இழப்புக்கு எலுமிச்சை நீரை முதன்மையாக தேர்வு செய்கிறார்கள். எலுமிச்சம்பழத்தில் வைட்டமின் சி நிறைந்துள்ளது. இது உடலை நீரேற்றமாக வைத்திருக்கும். இது வளர்சிதை மாற்றத்தையும் ஆரோக்கியமாக வைத்திருக்கிறது. இது தவிர, இது வாய் ஆரோக்கியத்தையும் கவனித்துக்கொள்கிறது. இதை செய்ய, ஒரு கிளாஸ் வெதுவெதுப்பான நீரில் 1 எலுமிச்சையை பிழிந்து, அதன் சாற்றை தண்ணீரில் சேர்த்து, தேவையான அளவு உப்பு சேர்க்கவும். இந்த டிடாக்ஸ் பானத்தை குடிப்பதால், உடலில் இருக்கும் நச்சு பொருட்கள் வெளியேறுகின்றன. இது தவிர, குறைந்த கலோரி கொண்ட எலுமிச்சையை உட்கொள்வதால், உடலில் சேரும் கூடுதல் கொழுப்பு எரியத் தொடங்குகிறது. 


மேலும் படிக்க | உயர் ரத்த அழுத்தத்தில் 4 வகை: அதனை எவ்வாறு தடுக்கலாம்?


3. மஞ்சள் நீர்


மஞ்சளில் குர்குமின் உள்ளது. இதில் அழற்சி எதிர்ப்பு பண்புகள் நிறைந்துள்ளது. இதனால் உடலில் ஏற்படும் வீக்கம் மற்றும் வலியில் இருந்து நிவாரணம் கிடைக்கும். இது தவிர, வெந்நீரில் மஞ்சளை கலந்து குடிப்பதால் எடை இழப்பு முயற்சியில் உதவி கிடைக்கிறது. வெதுவெதுப்பான நீரில் மஞ்சள், எலுமிச்சை சாறு மற்றும் தேன் கலந்து குடிக்கவும். இதனை தினமும் வெறும் வயிற்றில் குடிப்பதால், வயிற்றுப் பிடிப்பு, வீக்கம் மற்றும் கலோரிகள் சேர்வதில் இருந்து நிவாரணம் கிடைக்கும். இதனை தொடர்ந்து குடிப்பதால், உடலின் நோய் எதிர்ப்பு சக்தியும் வலுவடையும்.


4. இலவங்கப்பட்டை நீர்


உணவின் சுவையை அதிகரிக்கும் இலவங்கப்பட்டை, கலோரிகளை எரிப்பதற்கும் உதவுகிறது. பைட்டோநியூட்ரியன்ட்கள் நிறைந்த இலவங்கப்பட்டை பல நோய்களில் இருந்து உடலை பாதுகாக்கிறது. வெதுவெதுப்பான நீரில் ஒரு சிட்டிகை இலவங்கப்பட்டை தூளுடன் ஆப்பிள் சாற்றை கலக்கவும். இப்போது இந்த டிடாக்ஸ் பானத்தை வெறும் வயிற்றில் குடிக்கவும். இதனால் வயிற்றில் உள்ள நச்சுப் பொருட்கள் தானாகவே வெளியேறத் தொடங்கும். இது தவிர, உடலில் ஆற்றல் அதிகமாகி உடல் ஆரோக்கியமாக இருக்கும்.


5. வெந்தய நீர்


நீங்கள் கொலஸ்ட்ரால் தொடர்பான பிரச்சனைகளால் பாதிக்கப்பட்டிருந்தால், வெந்தய நீர் உங்களுக்கு பயனுள்ளதாக இருக்கும். வைட்டமின்கள், நார்ச்சத்து மற்றும் பொட்டாசியம் நிறைந்த வெந்தய விதைகள் இரத்த அழுத்தத்தையும் கட்டுக்குள் வைத்திருக்கின்றன. இதை தினமும் உட்கொண்டு வந்தால், உடலில் சேர்ந்துள்ள கூடுதல் கலோரிகள் எரியத் தொடங்கும். இதை செய்ய ஒரு ஸ்பூன் வெந்தய விதைகளை 1 கிளாஸ் தண்ணீரில் இரவு முழுவதும் ஊற வைக்கவும். காலையில் தண்ணீரை கொதிக்க வைக்கவும். தண்ணீர் பாதியாகக் குறைந்தவுடன் இதை குடிக்கவும். இது பல நோய்களிலிருந்து உடலைப் பாதுகாக்கிறது.


(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)


மேலும் படிக்க | நீரிழிவு முதல் எடை இழப்பு வரை... வியக்க வைக்கும் பார்லி புல் சாறு!


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ