நியூடெல்லி: ஆயுர்வேத மூலிகைகள் ஆயிரக்கணக்கான ஆண்டுகளாக இந்தியாவில் பாரம்பரிய மருத்துவத்தின் அடித்தளமாக உள்ளன. இந்த மூலிகைகள் அவற்றின் தனித்துவமான பண்புகள் மற்றும் சிகிச்சை நன்மைகளுக்காக கவனமாக தேர்ந்தெடுக்கப்படுகின்றன, உடலில் உள்ள பல்வேறு ஏற்றத்தாழ்வுகள் மற்றும் நோய்களை இலக்காகக் கொண்டுள்ளன.


COMMERCIAL BREAK
SCROLL TO CONTINUE READING

 Zeon Lifesciences, புதுமை-வணிக உத்தி மற்றும் அறிவியல் விவகாரங்களின் மூத்த துணைத் தலைவர் டாக்டர் விவேக் ஸ்ரீவஸ்தவா, கல்லீரல் ஆரோக்கியத்திற்கு நல்ல சில ஆயுர்வேத மூலிகைகளைப் பகிர்ந்துள்ளார்.


கீழாநெல்லி
"ஸ்டோன்பிரேக்கர்" என்றும் அழைக்கப்படும் கீழாநெல்லி, ஆற்றல்மிக்க ஹெபடோப்ரோடெக்டிவ் பண்புகளைக் கொண்டுள்ளது. இது கல்லீரலை சேதத்திலிருந்து பாதுகாக்கிறது, நச்சுத்தன்மையை போக்குவதுடன் வீக்கத்தைக் குறைக்கிறது. கீழாநெல்லி மருத்துவ குணமுடைய செடியாகும்.



ஏறத்தாழ அரை மீட்டர் வளரும் இந்தச் செடி முழுதுமே மருத்துவப் பயன்பாடுடையதாகும். இது, இந்தியாவின் எல்லா பகுதிகளிலும் காணப்படுகிறது. கல்லீரல் ஆரோக்கியத்தை ஆதரிப்பதிலும், மஞ்சள் காமாலை நோய் சிகிச்சைக்கும் பயனுள்ளது கீழாநெல்லி..


கடுகரோஹினி என்னும் கடுகி
கடுகி அல்லது கடுகரோஹிணி என்றழைக்கப்படும் மூலிகை, செரிமான நெருப்பைத் தொந்தரவு செய்யாமல், கபம் மற்றும் பித்தத்தை சீர்செய்யும் திறன் கொண்டது.கல்லீரலை புத்துணர்ச்சியடையச் செய்வதற்கும் பித்த சுரப்பை மேம்படுத்துவதற்கும் பெயர் பெற்றது. பித்த சுரப்பை மேம்படுத்துவது சிறந்த செரிமானத்திற்கு உதவுகிறது மற்றும் சேதமடைந்த செல்களை சரிசெய்ய கல்லீரலின் இயற்கையான திறனை ஆதரிக்கிறது.


ஆங்கிலத்தில் பிக்ரோரிசா குரோவா என்று அழைக்கப்படும் கடுகியின் மறுசீரமைப்பு பண்புகள், கல்லீரல் நோய்களுக்கான ஆயுர்வேத வைத்தியங்களில் இது இன்றியமையாததாக ஆக்குகிறது மற்றும் ஒட்டுமொத்த கல்லீரல் செயல்பாட்டை மேம்படுத்துகிறது.


மேலும் படிக்க | Uric Acid அதிகமா இருக்கா? இந்த வழியில் ஒரே மாதத்தில் கட்டுப்படுத்தலாம்
 
கரிசலாங்கண்ணி


கரிசலாங்கண்ணி, ஒரு மருத்துவ மூலிகைச் செடியாகும். இதில், மஞ்சள் கரிசலாங்கண்ணி, வெள்ளைக் கரிசலாங்கண்ணி என  இருவகை உண்டு. மஞ்சள் கரிசலாங்கண்ணியை, அதன் மஞ்சள் நிறப் பூக்களை வைத்து அடையாளம் காணலாம். வெள்ளைக் கரிசலாங்கண்ணியை, அதன் வெள்ளைநிறப் பூக்களை வைத்து அடையாளம் காணலாம்.


ஆயுர்வேதத்தில் கல்லீரலைத் தூண்டும் பண்புகளுக்காக அறியப்படும் கரிசலாங்கண்ணி, பித்த உற்பத்தியை ஊக்குவிப்பதன் மூலம், இது செரிமானத்திற்கு உதவுகிறது மற்றும் கல்லீரல் சிறந்த முறையில் செயல்பட உதவுகிறது.
ஆங்கிலத்தில் எக்லிப்டா ஆல்பா என்றழைக்கப்படும் இதன் அழற்சி எதிர்ப்பு பண்புகள் கல்லீரல் வீக்கத்தைக் குறைக்கின்றன, இது ஆரோக்கியம் மற்றும் நல்வாழ்வை மேம்படுத்துவதற்கான மதிப்புமிக்க மூலிகையாகும்.


நெல்லிக்காய்
நெல்லிக்காயில், வைட்டமின் சி மற்றும் ஆக்ஸிஜனேற்ற கலவைகள் இருப்பதால், இது ஒரு சக்திவாய்ந்த ஆயுர்வேத மூலிகையாக பார்க்கப்படுகிறது. பல்வேறு கல்லீரல் பிரச்சனைகளையும் போக்கும் இது, நோயெதிர்ப்பு மண்டலத்தை பலப்படுத்துகிறது, தீங்கு விளைவிக்கும் ஃப்ரீ ரேடிக்கல்களிலிருந்து கல்லீரலைப் பாதுகாக்கிறது மற்றும் ஒட்டுமொத்த ஆரோக்கியத்தை மேம்படுத்துகிறது.


கல்லீரலை பாதுகாத்து ஒட்டுமொத்த ஆரோக்கியத்தையும் பராமரிக்கும் நெல்லிக்காய், ரத்தத்தில் சர்க்கரை அளவைக் கட்டுக்குள் வைக்கும் திறன் கொண்டது. உடம்பில் இருக்கிற காயங்களை ஆற்றும் குணம் கொண்டது.  உடம்பில் வளர்சிதை மாற்றம் நிகழும்போது செல்களில் இருந்து வெளியேறும் கழிவுகளை நீக்கும் செயலில் பெரிய நெல்லிக்காயின் பங்கு மகத்தானது. நெல்லிக்காயில் உள்ள பாலிபினால், டேனின், ஃப்ளேவினாய்ட்ஸ் போன்றவை நோய் எதிர்ப்பு சக்தியை வலுப்படுத்துகிறது.


(பொறுப்புத் துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன், கண்டிப்பாக மருத்துவர்களின் ஆலோசனையைப் பெறவும். ஜீ மீடியா இந்த தகவல்களை உறுதிப்படுத்தவில்லை.)


மேலும் படிக்க | Uric Acid இந்த வயதில் அதிரடியாய் அதிகரிக்கும்: கட்டுப்படுத்த இந்த உணவுகள் உதவும் 


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ