வந்துகிட்டே இருக்கேன் எச்சரிக்கையா இருங்க! மாரடைப்பு வருவதற்கு முன்னரே உடல் சொல்லும் அறிகுறிகள்!

மாரடைப்பு என்பது தீவிர மருத்துவ அவசரநிலை, இது எதிர்பாராத விதமாக ஏற்படுகிறது. ஆனால், மாரடைப்பு ஏற்படுவதற்கு ஒரு மாதத்திற்கு முன்பு உடல் அது தொடர்பான எச்சரிக்கையை கொடுக்கும். அதனை புரிந்துக் கொண்டால் ஆயுளை நீட்டிக்கலாம்.ஆரம்ப எச்சரிக்கை அறிகுறிகளை அறிந்துகொள்வது உண்மையிலேயே உயிரைக் காப்பாற்றும். மாரடைப்பு ஏற்படுவதற்கு ஒரு மாதத்திற்கு முன்பே தோன்றக்கூடிய முதல் 5 எச்சரிக்கை அறிகுறிகளைப் பற்றி தெரிந்துக் கொள்வோம்.

மாரடைப்பு அறிகுறிகள்

மனிதர்களின் வாழ்நாளை தீர்மானிப்பதில், இதய ஆரோக்கியம் முக்கிய பங்கு வகிக்கிறது. அதில் ஏற்படும் பிரச்சனைகள் மற்றும் அதற்கான அறிகுறிகளை தெரிந்துக் கொள்வது மிகவும் முக்கியமானது, ஏனெனில் சரியான நேரத்தில் மருத்துவ உதவி கிடைத்தால், மாரடைப்பை சுலபமாக கையாளலாம். தற்போது, மாரடைப்பு என்பது வயது அல்லது உடல்நிலையைப் பொருட்படுத்தாமல் யாருக்கு வேண்டுமானாலும் வரலாம் என்பதை புரிந்துக் கொள்ள வேண்டும்.

நோய் தொடர்பான விழிப்புணர்வு இருந்தால் இதய நோய்களுடன் தொடர்புடைய அபாயங்களைக் குறைக்கலாம், அதுமட்டுமல்ல, மருத்துவ உதவியை முன்கூட்டியே பெற விழிப்புணர்வு உதவுகிறது. மாரடைப்பு ஏற்படும்போது, அதை உணர்வதிலும், அறிகுறிகளை புரிந்துக் கொள்வதிலும் ஏற்படும் தாமதம் தான் உயிரிழப்புக்குக் காரணமாகிறது. 

மாரடைப்பு ஏற்படுவதற்கு ஒரு மாதத்திற்கு முன்பு உங்கள் உடல் கொடுக்கும் எச்சரிக்கை

நெஞ்சடைப்பு தொடர்பான எச்சரிக்கை அறிகுறிகள்: தீவிர சோர்வு மற்றும் பலவீனம்

இதயத் தடுப்புக்கான பொதுவான அறிகுறிகளில் ஒன்று விவரிக்க முடியாத சோர்வு மற்றும் பலவீனம். ஆனால், இது வழக்கமாக ஏற்படுவது என்பதால் இதை புறக்கணித்துவிடுகிறோம். தினசரி வேலைகள், மன அழுத்தம் அல்லது போதுமான தூக்கம் இன்மையால் சோர்வாக பலவீனமாக இருப்பதாக நினைத்துக் கொள்ளவும் வாய்ப்பு உண்டு. இருந்தபோதிலும் சோர்வு நீடிக்கும்போது, ​​​​அது தீவிர இதய பிரச்சினைகளுக்கான காரணமாக இருக்கலாம். எனவே தொடர்ந்து நீண்டகாலமாக சோர்வாகவோ பலவீனமாகவோ இருந்தால் மருத்துவரிடம் ஆலோசனை செய்யவும்.

நெஞ்சடைப்பு தொடர்பான எச்சரிக்கை அறிகுறிகள்: மூச்சுத் திணறல்
மூச்சுத் திணறல், தினசரி நடவடிக்கைகளின் போது அல்லது ஓய்வில் இருக்கும்போது கூட மூச்சுத்திணறல் இருந்தால், வரவிருக்கும் மாரடைப்புக்கான தீவிர எச்சரிக்கை அறிகுறியாக இருக்கலாம். மார்பு கனமாக இருப்பது, இயல்பாக சுவாசிப்பதில் ஏற்படும் மாற்றம் ஆகியவை மாரடைப்பு ஏற்படுவதற்கான காரணமாக இருக்கலாம். அத்துடன் மார்பு வலி அல்லது தலைச்சுற்றல் போன்றவையும் இருந்தால், உடனடியாக மருத்துவ கவனிப்பை பெறுவது மிகவும் முக்கியமானது.

நெஞ்சடைப்பு தொடர்பான எச்சரிக்கை அறிகுறிகள்:  மார்பு அசௌகரியம்
மார்பு அசௌகரியம் இதய பிரச்சனைகளுடன் நேரடி தொடர்புடையது. கைகள், கழுத்து, தாடை அல்லது முதுகு போன்ற பிற பகுதிகளுக்கு நீட்டிக்கக்கூடிய மார்பில் இறுக்கம், அழுத்தம் அல்லது அழுத்தும் உணர்வை மக்கள் உணரலாம். மாரடைப்பு நிகழ்வுக்கு சில வாரங்களுக்கு முன்பு மார்பு அசௌகரியம் ஏற்படலாம்.

நெஞ்சடைப்பு தொடர்பான எச்சரிக்கை அறிகுறிகள்: ஒழுங்கற்ற இதயத் துடிப்பு
ஒழுங்கற்ற இதயத் துடிப்பு, அரித்மியா என்றும் அழைக்கப்படுகிறது, இது மாரடைப்பு அபாயத்தை காட்டும் மற்றொரு அறிகுறியாகும். இதய துடிப்பு, அதிகமாக இருப்பது படபடப்பு போன்றவை இருந்தால், அது ஆபத்தானது. அத்துடன் தலைச்சுற்றல் அல்லது மயக்கமும் இருந்தால், அது உங்கள் இதயம் சரியாக இயங்கவில்லை என்பதைக் குறிக்கலாம்.

நெஞ்சடைப்பு தொடர்பான எச்சரிக்கை அறிகுறிகள்: வீக்கம்

கால்கள், கணுக்கால் அல்லது கால்களில் வீக்கம் இதய பிரச்சினைகளின் அறிகுறியாக இருக்கலாம். எடிமா என்று அழைக்கப்படும், இந்த வீக்கம் இதயம் திறம்பட இரத்தத்தை பம்ப் செய்ய போராடும் போது நிகழ்கிறது. ஆனால் இதை பொதுவான சோர்வு அல்லது அசௌகரியம் என்று தவறாக நினைத்துவிட வாய்ப்புகள் அதிகம்.  

(பொறுப்பு துறப்பு: இந்தச் செய்தி உங்களுக்குத் தெரியப்படுத்துவதற்காக மட்டுமே எழுதப்பட்டுள்ளது. வீட்டு வைத்தியம் மற்றும் பொதுவான தகவல்களின் அடிப்படையில் எழுத்தப்பட்ட தகவல் என்பதால் உங்கள் உடல்நலம் தொடர்பான எந்த பிரச்சனைக்கும் கண்டிப்பாக மருத்துவரை அணுகவும்.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!