உலகின் மிகப்பெரிய ரயில்வே தளம் இந்தியாவில் அமையவுள்ளது; எந்த நகரத்தில் தெரியுமா?

உலகின் மிகப்பெரிய ரயில்வே தளம் நாட்டில் கட்டப்பட்டு வருகிறது என தகவல்கள் தெரிவிக்கின்றன. இந்த தளத்தின் கட்டுமானப் பணிகள் வேகமாக நடைபெற்று வருவதாகவும், விரைவில் இந்த தளம் தயாராக இருக்கும் எனவும் ரயில்வே தெரிவித்துள்ளது.

தென்மேற்கு ரயில்வே (SWR) மண்டலத்தின் தலைமையகமான ஹூப்ளி நிலையம், உலகின் மிகப் பெரிய கோரக்பூர் நிலையத்தின் தளத்தை வெல்லும் ஒரு தளத்தை உருவாக்கி வருவதாக செய்திகள் தெரிவிக்கின்றன. ரயில்வே அதிகாரி ஒருவர் இந்த தகவலை வெள்ளிக்கிழமை அளித்துள்ளார்.

ரயில்வே மண்டலத்தின் செய்தித் தொடர்பாளர் இதுகுறித்து கூறுகையில், "பிளாட்ஃபார்ம் நம்பர் ஒன் 550 மீட்டர் நீளத்திலிருந்து 1,400 மீட்டராக 10 மீட்டர் அகலத்துடன் உயர்த்தப்படும். தற்போது, ​​கோரக்பூர் உலகின் மிக நீளமான (1,366 மீட்டர்) தளத்தை கொண்டுள்ளது. ஹூப்ளி தளத்திற்கு பின்னர் இந்த நீளத்தை ஹூப்ளி தளம் வெல்லும்" என குறிப்பிட்டுள்ளார்.

குறிப்பிடத்தக்க வகையில், கோரக்பூர் வட கிழக்கு ரயில்வே (NER) பிராந்தியத்தின் தலைமையகமாகும்.

ஹூப்ளி மற்றும் பெங்களூரு இடையே இரட்டிப்பாகும் பணியின் ஒரு பகுதியாக மிகப்பெரிய தளம் கட்டப்பட்டு வருகிறது, இது நிலையத்தில் உள்ள தளங்களின் எண்ணிக்கையை ஐந்து முதல் எட்டு வரை அதிகரிக்கிறது.

சிக்னலிங், மின் மற்றும் பிற பணிகள் சம்பந்தப்பட்ட யார்டு மறுவடிவமைப்புக்கு ரூ.90 கோடி செலவாகும் என மதிப்பிடப்பட்டுள்ளது.

இந்த தளத்தை அமைப்பதற்கான பணிகள் "நவம்பர் மாதத்தில் பணிகள் தொடங்கப்பட்டு அடுத்த ஆண்டுக்குள் நிறைவடையும்" என்று அந்த அதிகாரி தெரிவித்தார்.