புதுடெல்லி: ஹரியானா (Haryana Assembly Elections Voting 2019) மற்றும் மகாராஷ்டிரா (Maharashtra Assembly Elections 2019)  ஆகியவற்றில் வாக்குப்பதிவு முடிந்ததும், எக்ஸிட் போலின் கருத்து கணிப்புக்கள் வரத் தொடங்கியுள்ளன. அவர்களைப் பொறுத்தவரை, இரு மாநிலங்களிலும் இரண்டாவது முறையாக, பாஜக எளிதில் ஆட்சி அமைக்கும் எனத் தெரிவித்துள்ளது. அதாவது, 2019 பொதுத்தேர்தல்களுக்குப் பிறகும், மோடி அலை வலுவாக இருக்கிறது என்பதையே கருத்து கணிப்பு காட்டுகிறது. எனவே தான் பெரும்பாலான தேர்தல் கருத்து கணிப்புக்கள் மகாராஷ்டிராவில் பாஜக மற்றும் சிவசேனா கூட்டணி பெரும்பான்மையைப் பெறும் என்று கூறியுள்ளது.


COMMERCIAL BREAK
SCROLL TO CONTINUE READING

இத்தகைய சூழ்நிலையில், ஜீ மெகா எக்ஸிட் போல் (ZEE Exit Poll) கருத்துக் கணிப்பின்படி, மகாராஷ்டிராவில் பாஜக, சிவசேனா கூட்டணிக்கு 203 இடங்களும், காங்கிரஸ் கட்சிக்கு 70 இடங்களும் மற்றும் பிற கட்சிக்கு 15 இடங்களும் கிடைக்கும் என எதிர்பார்க்கப்படுகிறது என்று கூறியுள்ளது.


ABP-C Voter கருத்து கணிப்புப்படி, பாஜக-சிவசேனா கூட்டணி மகாராஷ்டிராவில் மொத்தமுள்ள 288 இடங்களில் 204 இடங்களைப் பெறும் என்று எதிர்பார்க்கப்படுகிறது. இதேபோல், காங்கிரஸ் - தேசியவாத காங்கிரஸ் கூட்டணிக்கு 69 இடங்களும், மற்றவர்களுக்கு 15 இடங்களும் கிடைக்கும் என்று கூறியுள்ளது.


R பாரத் (Republic Bharat TV) கருத்து கணிப்பில் பாஜக + 223 இடங்களையும், காங்கிரஸ் + 55 இடங்களையும், மற்றவர்களுக்கு பூஜ்ஜிய இடங்கள் கிடைக்கும் எனவும், இதேபோல், ஆஜ்-தக் அச்சு (Aaj-Tak Axis) கணக்குப்படி, பாஜக + 180 இடங்களும், காங்கிரஸ் + 81 மற்றும் மற்றவர்களுக்கு 27 இடங்களும் கிடைக்கும் என்று கணிக்கப்பட்டுள்ளது. நியூஸ் 18-ஐபிஎஸ்ஓஎஸ் (News18-IPSOS) படி, பாஜக + 243 இடங்களும், காங்கிரஸ் + 41 இடங்களுக்கும், 3 இடங்களுக்கும் வாய்ப்பு உள்ளது எனக் கூறியுள்ளது.



ஹரியானாவில் 90 இடங்களில், குறைந்தது 75 இடங்களை வெல்லுவோம் என்ற முழக்கத்துடன் தேர்தலில் ஈடுபட்டது. இதுவரை வந்துள்ள மூன்று கருத்துக் கணிப்புகளில், 70-க்கும் மேற்பட்ட இடங்கள் பாஜகவுக்கு கிடைக்கும் என்று மதிப்பிடப்பட்டுள்ளது. 


ஆர் பாரத் (Republic Bharat TV): பாஜக -58, காங்கிரஸ் -17, பிற -15 இடங்கள்


ஏபிபி-சி வாக்காளர் (ABP-C Voter): பாஜக -72, காங்கிரஸ் -08, பிற -10 இடங்கள்


நியூஸ் 18-ஐபிஎஸ்ஓஎஸ் (News18-IPSOS): பாஜக 75, காங்கிரஸ் -10, பிற 05 இடங்கள்


மகாராஷ்டிரா, அரியானா என இரண்டு மாநிலங்களின் சட்டசபை தேர்தலோடு, காலியாக உள்ள 51 சட்டமன்ற தொகுதிக்கு இடைத்தேர்தலும், இரண்டு மக்களவைத் தொகுதிக்கு தேர்தல் என மொத்தம் 18 மாநிலங்களில் தேர்தல்கள் நடத்தப்பட்டன. காலை 7 மணிக்கு தொடங்கிய வாக்குப்பதிவு மாலை 6 மணி வரை தொடர்ந்து நடைபெற்றது. பல இடங்களில் வாக்கு இயந்திரம் பழுதடைந்தது. அதனை சரிசெய்து மீண்டும் வாக்கு பதிவு நடைபெற்றது. 


மகாராஷ்டிரா சட்டமன்றத் தேர்தலில் 6 மணி வரை 55.33 சதவீதமும், ஹரியானா மாநிலத்தில் 67.97 சதவீதமும் வாக்குகள் பதிவாகி உள்ளது. அதேபோல 6 மணி நிலவரப்படி விக்கிரவாண்டி தொகுதியில் 84.36 சதவீதமும், நாங்குநேரி தொகுதியில் 66.10 சதவீதமும் வாக்கு பதிவாகி உள்ளது என அறிவிக்கப்பட்டது.