மேலும் 13 நகரங்களில் One Plan திட்டத்தை அறிமுகப்படுத்திய ஏர்டெல்!!
ஏர்டெல் நிறுவனம் மேலும் 13 நகரங்களில் ஒன் பிளான் சேவையை அறிமுகப்படுத்தியுள்ளது..!
ஏர்டெல் நிறுவனம் மேலும் 13 நகரங்களில் ஒன் பிளான் சேவையை அறிமுகப்படுத்தியுள்ளது..!
நாட்டின் முன்னணி தொலைத்தொடர்பு நிறுவனமான பாரதிய ஏர்டெல் (Airtel) தங்களின் வாடிக்கையாளர்களுக்கு அட்டகாசமான திட்டங்களை தொடர்ந்து வெளியிட்டு வருகிறது. இந்நிலையில், ஏர்டெல் நிறுவனம் மேலும் 13 நகரங்களில் ஒன் பிளான் சேவையை அறிமுகப்படுத்தியுள்ளது. ஏர்டெல் தற்போது ப்ரீபெய்ட், போஸ்ட்பெய்ட், பிராட்பேண்ட் மற்றும் DTH பேக்குகளை வழங்குகிறது. உண்மையில், இது ஒரு சிறப்புப் பிரிவைக் கொண்டுள்ளது. இந்த பிரிவு One Plan என்று அழைக்கப்படுகிறது, அங்கு பயனர்கள் அனைத்து சேவைகளுக்கும் ஒரு பில் மட்டுமே செலுத்தினால் போதும்.
ஆரம்பத்தில் இந்த One Plan திட்டம் சென்னை மற்றும் பெங்களூரில் மட்டுமே இருந்தது. இருப்பினும், ஏர்டெல் இப்போது அந்த பட்டியலில் மேலும் 13 வட்டங்களைச் சேர்த்துள்ளது. புதிய வட்ட பட்டியலில் நொய்டா, ஃபரிதாபாத், போபால், சண்டிகர், காஜியாபாத், இந்தூர், மொஹாலி, பஞ்ச்குலா, டெல்லி, புனே, ஹைதராபாத், கொல்கத்தா, ஜெய்ப்பூர் மற்றும் குருகிராம் ஆகியவை அடங்கும். இருப்பினும், இந்த ஆண்டு மேலும் பல வட்டங்களை சேர்க்க நிறுவனம் திட்டமிட்டுள்ளது.
ஏர்டெல் “One Plan” கீழ் உள்ள திட்டங்கள்....
இந்த பிரிவில் உள்ள திட்டங்கள் ரூ.899 முதல் தொடங்கி ரூ.1,999 வரை உள்ளது. அடிப்படை திட்டம் DTH சேவைகளுடன் இரண்டு போஸ்ட்பெய்ட் இணைப்புகளை ரூ.899 விலையிலும், ரூ.1,349 விலையில் நான்கு போஸ்ட்பெய்ட் இணைப்புகள் மற்றும் DTH பேக்குகளையும் வழங்குகிறது.
ALSO READ | அட்டகாசமான இரண்டு ப்ரீபெய்ட் திட்டங்களை அறிமுகம் செய்த ஏர்டெல்!!
இது தவிர, ரூ.350 மதிப்புள்ள சேனல்களைப் பெறலாம். இந்த திட்டங்களுடன் 75 GB டேட்டா மற்றும் 150 GB டேட்டாவை இந்த பேக்குகள் வழங்குகின்றன. கூடுதலாக, இந்த திட்டங்களுடன் வரம்பற்ற அழைப்பைப் பெறுவீர்கள். ரூ.1,499 திட்டத்தில் நீங்கள் இரண்டு போஸ்ட்பெய்ட் இணைப்புகளைப் பெறுவீர்கள். தவிர, இந்த திட்டம் ஒரு ஃபைபர் மற்றும் லேண்ட்லைன் இணைப்புகளை வழங்குகிறது. 200 Mbps வேகத்துடன் 300 GB டேட்டாவும் இதில் அடங்கும்.
அதை தொடர்ந்து, ரூ.1,999 திட்டத்தில், 75 GB டேட்டா, DTH, இன்டர்நெட் மற்றும் வரம்பற்ற அழைப்பு சலுகைகளுடன் மூன்று மொபைல் இணைப்புகளைப் பெறுவீர்கள். கூடுதலாக, நிறுவனம் இந்த பேக் உடன் ரூ.424 மதிப்புள்ள DTH சேனல்களை வழங்குகிறது. மேலும், ஏர்டெல் ஒன் திட்டம் கூடுதல் ரூ.250 செலுத்தும்போது மேலும் பல மொபைல் இணைப்புகளைப் பெற அனுமதிக்கிறது. இதேபோல், நீங்கள் மாதத்திற்கு ரூ.299 செலுத்தி கூடுதல் டேட்டாவும் பெற்றுக்கொள்ளலாம்.