கிரீன் டீ முதல் முட்டை வரை: முடி உதிர்தலை தடுக்கும் எளிய வீட்டு வைத்தியம்!

முடி உதிர்தல் தற்போது மிகவும் பொதுவான பிரச்சனையாக மாறி உள்ளது. வயதானவர்களுக்கு இது மிகவும் பொதுவானது என்றாலும், இளைஞர்களும் இதை அனுபவித்து வருகின்றனர்.  ஒரு நாளைக்கு 50 முதல் 100 முடிகள் வரை உதிர்வது பொதுவானது. முடி உதிர்தல் பிரச்சனை பல ஆண்டுகளாக இருக்கலாம் அல்லது 
திடீரென உருவாகலாம். சில அடிப்படை காரணத்தைப் பொறுத்து, அது தற்காலிகமாகவோ அல்லது நிரந்தரமாகவோ இருக்கலாம்.  முடி உதிர்தல் மன அழுத்தம், மோசமான ஊட்டச்சத்து மற்றும் சுற்றுச்சூழல் காரணிகள் உள்ளிட்ட பல்வேறு காரணிகளால் ஏற்படலாம். முடி உதிர்விற்கு ஒவ்வொருவருக்கும் ஒவ்வொரு காரணம் இருக்கலாம். முடி உதிர்வை நிறுத்தவும், ஆரோக்கியமான முடி வளர்ச்சியை அதிகப்படுத்தவும் சில பயனுள்ள வீட்டு வைத்தியங்கள் உள்ளன.  முடி உதிர்வு எவ்வாறு சமாளிப்பது என்பது பற்றிய தெரிந்து கொள்ளுங்கள்.

முட்டை: முட்டையில் புரோட்டீன்கள், வைட்டமின்கள் மற்றும் தாதுக்கள் அதிகம் உள்ளன. இவை முடிக்கு ஊட்டமளித்து வலுவூட்டுகின்றன. முட்டையை உங்கள் தலைமுடி மற்றும் உச்சந்தலையில் தடவி சுமார் 20 நிமிடங்கள் கழித்து குளிர்ந்த நீரில் கழுவுங்கள்.

அலோ வேரா: கற்றாழை ஜெல் அல்லது அலோ வேரா இயற்கையாக கிடைக்கும் ஒரு ஹேர் கண்டிஷனர் ஆகும், இது முடியை வலுப்படுத்துவது மட்டுமல்லாமல், உச்சந்தலையின் pH அளவையும் வலுப்படுத்துகிறது.   முடியின் அடர்த்தியை வலுப்படுத்த கற்றாழை ஜெல்லை உங்கள் தலையில் தடவி 30 நிமிடங்கள் வரை ஊறவைத்து பின்னர் குளிக்கவும். இது முடி உதிர்வைக் குறைக்கவும், உச்சந்தலையையில் குளிர்ச்சியையும் அதிகப்படுத்தும். 

தேங்காய் எண்ணெய்: தேங்காய் எண்ணெய்யில் அதன் ஊட்டமளிக்கும் பண்புகளுக்கு உள்ளது. உங்கள் உச்சந்தலையில் வெதுவெதுப்பான தேங்காய் எண்ணெயை தொடர்ந்து தடவி வந்தால், இது தலையில் உள்ள மயிர்க்கால்களை வலுப்படுத்தி, முடி உதிர்வதை குறைக்கும். மேலும், உச்சந்தலையில் இரத்த ஓட்டத்தை மேம்படுத்தும். முடி உதிர்வை தவிர்க்க குளிப்பதற்கு முன் குறைந்தது ஒரு மணிநேரம் அல்லது ஒரே தூங்கும் முன்பு தலையில் தடவுங்கள். 

வெங்காய சாறு: வெங்காய சாற்றில் நிறைய கந்தகம் உள்ளது, இது தலையில் முடிக்குள் இரத்த ஓட்டத்தை மேம்படுத்தி முடி வளர்ச்சியை ஊக்குவிக்கும் பன்பை கொண்டுள்ளது.  வெங்காயச் சாற்றை 15-20 நிமிடங்களுக்கு உங்கள் உச்சந்தலையில் தடவி, லேசான ஷாம்பூவுடன் சுத்தம் செய்யவும். இதன் வாசனை மோசமாக இருந்தாலும், முடிக்கு நன்கு ஊட்டமளிக்கும்.

வெந்தயம் விதைகள்: வெந்தய விதைகளை இரவில் தண்ணீரில் ஊறவைத்து, அதனை பேஸ்டாக அரைத்து தலையில் தடவலாம். வெந்தய விதைகளில் புரோட்டீன்கள் மற்றும் லெசித்தின்கள் அதிகம் உள்ளது. இது உங்கள் முடியை வலுப்படுத்தி முடி உதிர்வை குறைக்கும். சுமார் 30 நிமிடங்கள் வரை காயவைத்து பின்பு குளிக்கலாம்.

கிரீன் டீ: கிரீன் டீ அதன் ஆன்டிஆக்ஸிடன்ட்டுகளுக்கு பெயர் பெற்றது, இது முடி உதிர்வை தடுக்க உதவும். க்ரீன் டீயை காய்ச்சி, ஆறவைத்து பின்பு தலையில் தடவவும்.  இது உங்கள் தலைமுடிக்கு பளபளப்பையும் பொலிவையும் அதிகம் ஆக்குகிறது.  முடி உதிர்தலுக்கு வீட்டில் செய்யக்கூடிய இந்த முறைகளை தொடர்ந்து பின்பற்றினால் மட்டுமே நல்ல முடிவுகளை பெற முடியும்.  உடனடி தீர்வு தரும் எதுவும் நிலைத்து இருக்காது. எனவே பொறுமையாக தினசரி இதனை பின்பற்றுங்கள்.  ஆரோக்கியமான உணவுகள், நீரேற்றத்துடன் இருப்பது மற்றும் மன அழுத்தத்தை சரி செய்வது ஆகியவை முடி உதிர்வதைத் தடுப்பதற்கும் ஒட்டுமொத்த முடி ஆரோக்கியத்தை மேம்படுத்துவதற்கும் முக்கிய காரணிகளாகும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!