இன்றைய (03-07-2018) முக்கிய செய்திகள் ஒரு பார்வை!!

இன்றைய (03-07-2018) முக்கிய செய்திகள் என்னென்ன? கிழ் உள்ள தலைப்பை கிளிக் செய்து விரிவான செய்திகளை தெரிந்து கொள்ளவும்!

ஹஜ் பயணத்துக்கு ரூ. 6 கோடி மானியம் வழங்கப்படும் என தமிழக முதல்வர் எடப்பாடி பழனிச்சாமி அறிவித்துள்ளார். 

ரஜினிகாந்த் நடித்த கோச்சடையான் படத்திற்காக வாங்கிய நிலுவையை தொகையை எப்போது திருப்பி தருவீர்கள் என்று சுப்ரீம் கோர்ட் லதா ரஜினிகாந்துக்கு இன்று கேள்வி எழுப்பியுள்ளது. 

மும்பையில் பலத்த மழை பெய்து வருவதால் சாலைப் போக்குவரத்தும், ரயில் போக்குவரத்தும் கடுமையாக பாதிக்கப்பட்டுள்ளன.

சுனந்தா புஷ்கர் மரணம் தொடர்பான வழக்கில் முன் ஜாமின் கோரி முன்னாள் மத்திய அமைச்சரும், மூத்த காங்கிரஸ் தலைவருமான சசிதரூர்  இன்று மனு தாக்கல் செய்துள்ளார்.

வெங்கட்பிரபு இயக்கத்தில் உருவாகி வரும் “பார்ட்டி” படத்தின் ‘ச்சா ச்சா ச்சாரே’ எனும் பாடல் வெளியாகியுள்ளது.

சி.எஸ்.அமுதன் இயக்கத்தில் சிவா நடிப்பில் ரிலீசுக்கு தயாராகி இருக்கும் `தமிழ்படம் 2' படத்தின் சென்சார் ரிசல்ட் வெளியானதற்கு பாகுபலி படத்தில் வரும் காட்சியை பயன்படுத்தி போஸ்டர் வெளியிட்டிருக்கிறார்கள் படக்குழு. 

தமிழகத்தின் பல்வேறு பகுதிகளில் நள்ளிரவில் முழுவதும் சூறைக்காற்றுடன் பலத்த மழை பெய்தது.

டெல்லியில் இன்று அதிகாலை 3.47 மணியளவில் நிலநடுக்கம் ஏற்பட்டதாக தெரிவிக்கப்பட்டுள்ளது. இந்த நிலநடுக்கமானது ரிக்டர் அளவில் 2.8 ஆக பதிவாகி உள்ளது.

அந்தேரி ரயில் நிலையம் அருகே அந்தேரி  கிழக்கு பகுதியையும் மேற்கு பகுதியையும் இணைக்கும் கோகலே பாலத்தின் ஒரு பகுதி இடிந்து விழுந்துள்ளது. இந்த விபத்தில் தற்போது வரை 2 பேர் காயமடைந்தனர்.

மும்பையில் இன்று காலை முதல் கனமழை பெய்து வருகிறது. இதனால் மும்பையின் அந்தேரி பகுதியின் கோகலே பாலம் இடிந்து விழுந்து விபத்துக்குள்ளானது.

பெட்ரோல், டீசல் விலை நேற்றைய விலையில் மாற்றமின்றி இன்றும் அதே விலையில் விற்பனையில் உள்ளது!!