09-07-2018: இன்றைய முக்கிய செய்திகள் ஒரு பார்வை!!

இன்றைய முக்கிய செய்திகள் என்னென்ன? கிழ் உள்ள தலைப்பை கிளிக் செய்து விரிவான செய்திகளை தெரிந்து கொள்ளவும்!

தமிழக சட்டசபையில் லோக் ஆயுக்தா சட்ட மசோதாவை அமைச்சர் ஜெயக்குமார் இன்று தாக்கல் செய்தார்.

சுப்ரீம் கோர்ட்டில் நடக்கும்  நடவடிக்கைகளை இனி நேரடி ஒளிபரப்பு செய்யப்படும் என்று சுப்ரீம் கோர்ட் தெரிவித்துள்ளது.

தமிழக சட்டமன்றத்தில் அரசுக்கு எதிராக வாக்களித்த விவகாரம் தொடர்பாக, திமுக கொறடா தாக்கல் செய்த மேல்முறையீட்டு மனுவுக்கு ஓ.பன்னீர்செல்வம்  உள்ளிட்ட 11 எம்.எல்.ஏ.க்கள் விளக்கம் அளிக்கும்படி சுப்ரீம் கோர்ட் நோட்டீஸ் அனுப்பி உள்ளது. 

உத்தரபிரதேச மாநில பாக்பட் சிறைச்சாலையில் வைத்து பிரபல தாதா முன்னா பஜ்ரங்கி சக கைதியால் சுட்டுக் கொலை செய்யபட்டார்.

ஈரானிய பெண் ஒருவர் தான் நடனமாடிய வீடியோவை தனது இன்ஸ்டாகிராம் பக்கத்தில் பகிர்ந்ததை அடுத்து அவர் கைது செய்யப்பட்டார்.

சட்டப்பேரவை நிகழ்ச்சிகளை மக்கள் பார்த்து அறிவதற்கு வசதியாக அவை நிகழ்ச்சிகளை நேரலை செய்ய பேரவைத் தலைவர் நடவடிக்கை எடுக்க வேண்டும் என பாமக நிறுவனர் டாக்டர். ராமதாஸ் வலியுறுத்தியுள்ளார். 

திருப்பதி கோவிலில் ஆனிவார ஆஸ்தானத்தையொட்டி நாளை 5 மணி நேர தரிசனம் ரத்து செய்யப்படுகிறது.

ஜம்மு காஷ்மீர் மாநிலம் குப்வாரா மாவட்டத்தில் பாதுகாப்பு படையினர் நடத்திய துப்பாக்கிசூடு என்கவுண்டரில் தீவிரவாதி சுட்டுக்கொல்லப்பட்டான். 

இந்தியா - இங்கிலாந்து அணிகள் இடையேயான மூன்றாவது டி20 போட்டியில் ரோகித் சர்மா 2000 ரன்களை கடந்து சாதனை படைத்துள்ளார். 

மஹாராஷ்டிர மாநிலம் மும்பையில் தொடர்ந்து பெய்யும் கன மழையால், மக்களின் இயல்பு வாழ்க்கை பாதிக்கப்பட்டுள்ளது.

துருக்கியில் ரயில் தடம் புரண்டு விபத்துக்குள்ளானதில் 10 பேர் உயிரிழந்தனர். மேலும் 73 பேர் படுகாயமடைந்தனர்.

இந்தியா - இங்கிலாந்து அணிகள் இடையேயான மூன்றாவது டி20 போட்டியில் இந்திய அணி 7 விக்கெட் வித்தியாசத்தில் வெற்றி பெற்றது.

சென்னையில் பெட்ரோல் லிட்டருக்கு ரூ.78.40 காசுகளாகவும், டீசல் லிட்டருக்கு ரூ.71.12 காசுகளாகவும் விற்பனை!!