தமிழின் முன்னணி இயக்குநரான ஹரி, சுமார் நான்கு ஆண்டுகள் இடைவெளிக்குப் பிறகு யானை படம் மூலம் கம்பேக் கொடுத்துள்ளார். இந்தப் படம் கலவையான விமர்சனங்களைப் பெற்றிருக்கிறது. கடைசியாக சாமி 2 படத்தை இயக்கியிருந்தார் இயக்குநர் ஹரி. விக்ரமுடன் இணைந்து உருவாக்கிய சாமி படம் வெற்றி பெற்றதைத் தொடர்ந்து சாமி 2 படத்தில் இந்தக் கூட்டணி இணைந்தது. ஆனால் முதல் பார்ட்டுக்கு கிடைத்த வரவேற்பை போல், சாமி 2 படத்துக்கு கிடைக்கவில்லை.


COMMERCIAL BREAK
SCROLL TO CONTINUE READING

மேலும் படிக்க | 'விக்ரம்' பார்த்த வானதி சீனிவாசன்... கமலுக்குப் பாராட்டா, கிண்டலா... ஒன்னுமே புரியலையே!


இதனால், போதுமான டைம் எடுத்துக் கொண்ட அவர், யானை படத்தை இயக்கி மீண்டும் தன்னுடைய அதிரடி களத்துக்கு திரும்பியிருக்கிறார். விமர்சன ரீதியாக சராசரி படமாக இருந்தாலும், இயக்குநர் ஹரியின் வரவு உறுதிபடுத்தப்பட்டுள்ளது. அவரும் இனி அடுத்தடுத்த படங்களில் கவனம் செலுத்த தயாராக இருப்பதாக கூறியுள்ளார். விக்ரம் மற்றும் சூர்யாவுடன் இணைந்து ஹிட் படங்களைக் கொடுத்திருக்கும் ஹரி, விஜய்யுடன் படம் ஒன்றை செய்ய பல முறை முயற்சி செய்தார். ஆனால், அவர்கள் இருவருக்கும் இடையிலான உரையாடல் அடுத்தக் கட்டத்துக்கு செல்லவே இல்லை. 


இதனை பேட்டி  ஒன்றிலும் ஹரி தெரிவித்துள்ளார். அந்தப் பேட்டியில், " விஜய்யுடன் இணைந்து படம் மேற்கொள்ள முயற்சி செய்தேன். இருவரும் பலமுறை சந்தித்து உரையாடி இருக்கிறோம். ஆனால், அந்த உரையாடல் அடுத்த கட்டத்துக்கு செல்லவில்லை. அவர் கால்ஷீட் கொடுத்தால் நான் இயக்குவதற்கு தயாராக இருக்கிறேன். இதேபோல், சூப்பர் ஸ்டார் ரஜினிகாந்துக்கும் கதை சொல்லியிருக்கிறேன். அதுவும் கைகூடவில்லை. 


மேலும் படிக்க | சாமியார் ஆனார் திண்டுக்கல் லியோனி


இவர்களைத் தவிர இன்னும் சில முன்னணி நடிகர்களுடன் கதை உரையாடலில் பங்கேற்றிருக்கிறேன். என்னைப் பொறுத்தவரை கதை உரையாடல் என்பது ஒரு பெரிய பணி கிடையாது. அதனையெல்லாம் அனுபவமாக எடுத்துக் கொள்கிறேன். நேரம் வரும்போது விஜய்யுடன் இணைந்து பணியாற்ற தயாராக இருக்கிறேன். இயக்குநரின் கதைக்கு அங்கீகாரம் கிடைப்பது இரண்டாம்பட்சம். ஆனால் ஒரு இயக்குநர் புதிதாக ஏதாவது ஒன்றை முயற்சி செய்வதும், புதிய ஐடியாவை உருவாக்குவதும் மிக முக்கியம் எனத் தெரிவித்துள்ளார். 


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link - https://bit.ly/3hDyh4G


Apple Link - https://apple.co/3loQYeR