லியோ திரைப்படத்தின் ஐந்தாம் நாள் வசூல் நிலவரம்: தளபதி விஜய் நடித்த லியோ திரைப்படம் 4 நாட்களில் 400 கோடி வசூலை முந்தியதாக தகவல்கள் வெளியாகி உள்ள நிலையில், தற்போது ஐந்தாம் நாள் வசூல் நிலவரம் குறித்து தகவல் வந்துள்ளது.


COMMERCIAL BREAK
SCROLL TO CONTINUE READING

லியோ திரைப்படம்:
'மாஸ்டர்' படத்திற்குப் பிறகு தளபதி விஜய் (Actor Vijay) மற்றும் இயக்குனர் லோகேஷ் கனகராஜ் இணைந்துள்ள இரண்டாவது படமான லியோவும் வெற்றி ஹிட் அடித்துள்ளது. இந்த படத்தின் திரைக்கதையை லோகேஷ், ரத்ன குமார் மற்றும் தீரஜ் வைத்தி எழுதியுள்ளனர். விஜய், த்ரிஷா, சஞ்சய் தத், அர்ஜுன் சர்ஜா, மிஷ்கின், சாண்டி மற்றும் கவுதம் மேனன், மேத்யூ தாமஸ், மன்சூர் அலி கான், பிரியா ஆனந்த்  ஆகியோர் முக்கிய வேடங்களில் நடித்துள்ளனர். மேலும்  லியோ படத்தை 7 ஸ்கிரீன் ஸ்டுடியோஸ் நிறுவனம் தயாரித்து வழங்கியுள்ளது. லியோ (Leo Movie) படம் கைதி (2019) மற்றும் விக்ரம் (2022) ஆகிய படங்களின் தொடர்ச்சிகளை கொண்ட லோகேஷ் சினிமாடிக் யுனிவர்ஸின் ஒரு பகுதியாகும். லியோ படம் விஜய்யின் நடிப்பு பெரிதும் பேசப்பட்டது.  வழக்கமான விஜய் படங்களை போன்று அறிமுக பாடல், சண்டைக்காட்சி இல்லாத முற்றிலும் வித்தியாசமான படமாக லியோ இருந்தது. 


மேலும் படிக்க | யூடியூபர் முகமது இர்ஃபானின் ‘IRFAN's VIEW STUDIO’வை நடிகர் கார்த்தி திறந்து வைத்தார்!


லியோ படத்தின் முதல் நாள் வசூல்:
இதனிடையே லியோ திரைப்படத்தின் முதல் நாள் வசூல் 148.5 கோடி ரூபாய் என படக்குழு அதிகாரப்பூர்வமாக அறிவித்துள்ளது.


நான்காவது நாள் வசூல் நிலவரம்:
நான்காவது நாள் முடிவில் இந்தியாவில் மட்டும் 50 கோடி ரூபாய் உட்பட மொத்தம் 90 கோடி ரூபாய் வரை வசூலித்துள்ளதாக தகவல் வெளியாகியுள்ளது. அதன்படி, தமிழ்நாட்டில் ரூ. 28 கோடி, கேரளாவில் ரூ. 8 கோடி, கர்நாடகாவில் ரூ. 5 கோடி, ஆந்திரா/தெலங்கானாவில் ரூ. 4 கோடி மற்றும் இந்தியாவின் மற்ற பகுதிகளில் ரூ. 4 கோடி வசூலித்துள்ளதாக sacnilk தளத்தில் தெரிவிக்கப்பட்டுள்ளது.


லியோ படத்தின் ஐந்து நாள் வசூல் நிலவரம்:
இந்நிலையில் தற்போது லியோ திரைப்படம் வெளியாகி ஐந்து நாட்கள் கடந்த நிலையில் இப்படம் இந்தியளவில் 200 கோடி வசூலித்து சாதனை படைத்துள்ளது. ஒட்டுமொத்தமாக உலகளவில் இப்படம் 400 கோடிவரை வசூலித்துள்ளதாக தகவல் வந்துள்ளது. மேலும் நேற்று ஐந்தாம் நாளில் மட்டும் லியோ திரைப்படம் 30 கோடி வசூலித்து இந்தியளவில் 200 கோடி வசூலை கடந்துள்ளது என்பது குறிப்பிடத்தக்கது.


எனவே இன்றைய வசூலுடன் ரஜினிகாந்தின் ஜெயிலர் படத்தின் வாழ்நாள் வசூலை லியோ முறியடிக்கும் என்றும் கூறுகின்றனர்.


லியோ படத்தில் நடிப்பதற்காக விஜய் ரூ.120 கோடி சம்பளமாக வாங்கியுள்ளதாக கூறப்படுகிறது. இதையடுத்து விஜய் நடிக்கும் ‘தளபது 68’ விஜய் 150 கோடி சம்பளமாக வாங்கியுள்ளதாக கூறப்படுகிறது. லியோ படத்தில் விஜய்க்கு அடுத்து அதிக சம்பளம் வாங்கியுள்ளவர், சஞ்சய் தத்தான் என கூறப்படுகிறது. பான் இந்திய நடிகரான இவர் பாலிவுட்டில் பல படங்களில் ஹீரோ மற்றும் குணச்சித்திர கதாப்பாத்திரங்களில் நடித்துள்ளார். இவரும் விஜய் போலவே திரையுலகில் மிகவும் அனுபவசாலி. கே.ஜி.எஃப் படத்தில் வில்லனாக நடித்த பிறகு, தற்போது இவர் பான் இந்திய அளவில் பெரிய நடிகராக வலம் வருகிறார். இவர், லியோ படத்திலும் ஆண்டனி தாஸ் என்ற முக்கிய கதாப்பாத்திரத்தில் நடித்துள்ளார். இதற்காக இவர் 8 கோடி வரை சம்பளமாக வாங்கியுள்ளதாக கூறப்படுகிறது.


மேலும் படிக்க | கமல்ஹாசனுக்கு முதன் முறையாக ஜோடியான நயன்தாரா..! எந்த படத்தில் தெரியுமா..?


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ