'மாஸ்டர்' படத்தின் பிளாக்பாஸ்டர் வெற்றிக்கு பின்னர் லோகேஷ் கனகராஜ்-விஜய் கூட்டணியில் 'லியோ' படம் உருவாகி வருகின்றது.  அக்டோபர் 19-ம் தேதியன்று திரையரங்குகளில் வெளியாகவுள்ள இந்த படம் இந்த ஆண்டின் மிகப்பெரிய தமிழ் படங்களின் வெளியீட்டில் ஒன்றாக இருக்கும் என்று கருதப்படுகிறது.  செவன் ஸ்க்ரீன் ஸ்டுடியோஸ் நிறுவனம்  மற்றும் தி ரூட் நிறுவனம் இணைந்து தயாரிக்கும் இந்த ஆக்ஷன் திரைப்படத்தில் த்ரிஷா, சஞ்சய் தத், அர்ஜுன், பிரியா ஆனந்த், மன்சூர் அலிகான், சாண்டி மாஸ்டர், மேத்யூ தாமஸ், பிக்பாஸ் ஜனனி, அபிராமி, இயக்குனர்கள் கெளதம் வாசுதேவ் மேனன் மற்றும் மிஸ்கின் ஆகியோர் நடிக்கின்றனர்.  பான் இந்திய திரைப்படம் குறித்தும், சஞ்சய் தத் இந்த படத்தில் ஒப்பந்தம் செய்யப்பட்டது குறித்து எழுப்பப்பட்ட கேள்விக்கு படத்தின் தயாரிப்பாளர் லலித் குமார் பதிலளித்துள்ளார்.  இதுகுறித்து அவர் கூறுகையில், 'லியோ' படத்தில் இருக்கும் ஒரு சக்திவாய்ந்த கதாபாத்திரத்திற்கு சஞ்சய் தத் பொருத்தமாக இருப்பார் என்பதால் தான் அவருக்கு அந்த கதாபாத்திரம் வழங்கப்பட்டது.  சஞ்சய் தத் நடித்ததால் இப்படம் பான் இந்திய படமாக உருவாகவில்லை, ஒரு நடிகரை வைத்து பான் இந்திய படம் தீர்மானிக்கப்படுவதில்லை, படத்தின் ஸ்க்ரிப்ட் தான் அதை தீர்மானிக்கும் என்று கூறியுள்ளார்.


COMMERCIAL BREAK
SCROLL TO CONTINUE READING


மேலும் படிக்க |  மாமன்னன் படத்தின் ‘ஜிகுஜிகு ரயில்’ பாடலில் க்யூட்டாக நடனமாடும் ஏ.ஆர்.ரஹ்மான்..!


'லியோ' படத்தின் ப்ரோமோஷன் நிகழ்ச்சிகள் வட இந்தியாவிலும் பிரம்மாண்டமாக நடத்தப்பட உள்ளது, நிச்சயம் இந்த படம் இந்த ஆண்டின் சிறந்த வெளியீடாக இருக்கும் என்பதில் சிறிதும் சந்தேகமில்லை.  இதுதவிர லியோ படத்தின் ஆடியோ வெளியீட்டு விழா பற்றியும் பட தயாரிப்பாளர் விருதுகள் வழங்கும் விழா ஒன்றில் பேசியிருந்தார்.  அதாவது 'லியோ' படத்தின் ஆடியோ வெளியீட்டு விழாவை சென்னைக்கு வெளியே நடத்த நடிகர் விஜய் விரும்புவதாகவும், திருச்சி, மதுரை மற்றும் கோயம்புத்தூர் ஆகிய நகரங்களுக்கு இடையே உள்ள ஏதேனும் ஒரு பகுதியில் ஆடியோ வெளியீட்டு விழாவை நடத்த திட்டமிட்டுள்ளதாகவும் அவர் கூறியுள்ளார்.  சுமார் பத்து ஆண்டுகளுக்கு முன்னர் 'வேலாயுதம்' மற்றும் 'தலைவா' போன்ற படங்களின் ஆடியோ வெளியீட்டு விழா நிகழ்ச்சிகளும் இதைப்போலவே தென் தமிழகத்திலுள்ள பகுதியில் நடத்தப்பட்டது குறிப்பிடத்தக்கது.   இப்படம் தமிழ், தெலுங்கு, கன்னடம் மற்றும் ஹிந்தி ஆகிய மொழிகளில் வெளியாகவிருக்கிறது.  இப்படத்தில் முக்கியமான கதாபாத்திரத்தில் நடித்துவரும் ஆக்ஷன் கிங் அர்ஜுனுக்கு  சமீபத்தில் ஒரு லுக் சோதனை செய்யப்பட்டு இருக்கிறது, அதில் அவர் வித்தியாசமான மேக்கப்பில் சூப்பர் ஹீரோ போல காட்சியளித்த புகைப்படங்கள் ரசிகர்களின் கவனத்தை ஈர்த்து இணையத்தில் வைரலாகி வருகின்றது.


மேலும் 'லியோ' படத்தில் நிஜ வாழ்க்கையில் வக்கீலாக இருந்து நடிகையாக மாறிய நடிகை சாந்தி மாயாதேவி நடிக்கப்போவதாக செய்திகள் முன்னர் வெளியானது.  தான் 'லியோ' படத்தில் நடிக்கப்போகும் செய்தியினை உறுதிப்படுத்தும் விதமாக, இயக்குனர் லோகேஷ் கனகராஜுடன் 'லியோ' படத்தின் படப்பிடிப்பு தளத்தில் இருக்கும் புகைப்படத்தினை இவர் தனது சமூக வலைத்தளத்தில் பகிர்ந்து இருந்தார்.  இந்த புகைப்படங்கள் இணையத்தில் வைரலாகி ரசிகர்களின் ஆர்வத்தை அதிகரித்தது.  இதுதவிர 'லியோ' படத்தில் தளபதி விஜய்யுடன் காட்டுக்கே ராஜாவான சிங்கம் நடிக்கப்போவதாகவும் முன்னர் செய்திகள் வெளியானது.  இதுபோன்ற அப்டேட்டுகளை எல்லாம் கேட்ட பிறகு ரசிகர்கள் 'லியோ' படத்தை திரையில் காண மிகுந்த ஆர்வத்துடன் இருந்து வருகின்றனர்.


மேலும் படிக்க | ‘ராகவன் மீண்டும் வறார்’ ரீ-ரிலிஸ் ஆகிறது கமலின் வேட்டையாடு விளையாடு படம்-எப்போது தெரியுமா?


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ