தமிழ் பிக்பாஸ் ஊழியர் மரணம்!!

தமிழ் பிக்பாஸ் நிகழ்ச்சியில் பிளம்பராக பணியாற்றிய ஊழியர் மரணமடைந்துள்ளது தற்போது பரபரப்பை ஏற்படுத்தியுள்ளது.

கடந்த ஒரு மாதமாக நடிகர் கமல்ஹாசன் தொகுத்து வழங்கிவரும் பிக்பாஸ் நிகழ்ச்சி டிவி ரசிகர்களை ஈர்த்துள்ளது.
இந்த நிகழ்ச்சிக்காக சென்னை ஈவிபி பிலிம் சிட்டியில் செட் அமைக்கப்பட்டது. 

இந்த செட்டின் பிளம்பராக வேலை செய்த மும்பையைச் சேர்ந்த கரீம் இப்ராஹிம் ஷேக் திடீரென்று இன்று உயிரிழந்ததாக தகவல் வெளியாகியுள்ளது. 

இதில், அவருக்கு வலிப்பு நோய் ஏற்பட்டு உயிரிழந்திருக்கலாம் என்று கூறப்படுகிறது. இது குறித்து போலீசார் வழக்கு பதிவு செய்து விசாரணை மேற்கொண்டு வருகின்றனர்.