2023ம் ஆண்டு பொங்கல் பண்டிகையை விஜய்யின் 'வாரிசு' படத்தோடு வாரிசு பொங்கலாக கொண்டாட ரசிகர்கள் பலரும் காத்துகொண்டு இருக்கின்றனர்.  வம்சி இயக்கத்தில், விஜய் நடிப்பில் தமிழ் மற்றும் தெலுங்கு ஆகிய இருமொழிகளில் உருவாகி வருகிறது 'வாரிசு' படம், இப்படத்தை தில் ராஜுவின் ஸ்ரீ வெங்கடேஸ்வரா கிரியேஷன்ஸ் நிறுவனம் தயாரித்து வருகிறது.  இப்படத்தில் முதன்முறையாக விஜய்யுடன் ராஷ்மிகா ஜோடி சேர்ந்து நடிக்க உடன் முக்கிய கதாபாத்திரங்களில் பிரகாஷ் ராஜ், எஸ்.ஜே.சூர்யா, சரத்குமார், குஷ்பூ, ஷாம், ஜெயசுதா மற்றும் யோகி பாபு போன்ற பல நட்சத்திரங்கள் நடித்துள்ளனர்.  கடந்த சில வருடங்களாகவே விஜய் நடிப்பில் வெளியாகி வரும் படங்கள் அனைத்தும் பாக்ஸ் ஆபிசில் நல்ல வசூலை ஈட்டி வருகிறது, அதேபோல வாரிசு படமும் நல்ல வசூல் மழையை பொழியும் என்று எதிர்பார்க்கப்படுகிறது.


COMMERCIAL BREAK
SCROLL TO CONTINUE READING

மேலும் படிக்க | கலை இயக்குநர்களில் 'ஆயிரத்தில் ஒருவன்' - மரணமடைந்தார் சந்தானம்



இதுவரையில் 'வாரிசு' படத்தின் தமிழக விநியோக உரிமையை யார் கைப்பற்றியுள்ளார்கள் என்கிற செய்தி வெளியாகாமல் இருந்து வந்தது, 'பீஸ்ட்' படத்தின் சறுக்கலால் வாரிசு படத்தின் தமிழக விநியோக உரிமையை அதிக விலை கொடுத்து வாங்க விநியோகஸ்தர்கள் யோசிப்பதாக தகவல்கள் வெளியான நிலையில் தற்போது இப்படத்தின் தமிழ்நாட்டு விநியோக உரிமையை 'மாஸ்டர்' படத்தின் இணை தயாரிப்பாளரும், செவென் ஸ்க்ரீன் ஸ்டுடியோஸ் நிறுவனத்தின் உரிமையாளருமான எஸ்.லலித் குமார் மிகப்பெரிய தொகைக்கு வாங்கியுள்ளார்.  லோகேஷ் கனகராஜ் இயக்கத்தில் விஜய் நடிக்கப்போகும் 'தளபதி 67' படத்தையும் தயாரிக்கவிருக்கிறார்.  மாஸ்டர், வாரிசு மற்றும் தளபதி 67 என விஜய்யின் மூன்று படங்களிலும் செவென் ஸ்க்ரீன் ஸ்டுடியோஸ் தயாரிப்பாளர் பங்காற்றுகிறார்.



மேலும் வாரிசு படத்தின் வெளிநாட்டு உரிமையும் பல கோடிக்கு வாங்கப்பட்டதாகவும், இப்படத்தின் ஓடிடி வெளியீட்டு உரிமையை அமேசான் நிறுவனம் இதுவரை இல்லாத அளவிற்கு பல கோடிகள் கொடுத்து வாங்கியுள்ளதாகவும், படத்தின் சேட்டிலைட் உரிமையை சன் தொலைக்காட்சி வாங்கியுள்ளதாகவும் முன்னர் தகவல்கள் வெளியானது.  தீபாவளி பண்டிகையன்று 'வாரிசு' படத்தின் ஃபர்ஸ்ட் சிங்கிள் வெளியாகும் என்று ரசிகர்கள் எதிர்பார்த்த நிலையில் பாடல் வெளியாகாமல் ரசிகர்களுக்கு சற்று ஏமாற்றம் தந்தது, இருப்பினும் ரசிகர்களை  உற்சாகப்படுத்தும் விதமாக படத்தின் அதிகாரபூர்வ வெளியீட்டு தேதி கருப்பு சட்டையில் விஜய் மாஸாக இருக்கும் போஸ்டருடன் வெளியிடப்பட்டது.


மேலும் படிக்க | தலை தீபாவளி கொண்டாடும் நயன் விக்னேஷ் தம்பதிகள்! குழந்தைகளுடன் வெளியிட்ட முதல் வீடியோ!


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ