நடிகை தமன்னாவின் வெறித்தனமான வொர்க் அவுட்: வைரல் வீடியோ

தமிழ் தெலுங்கு மற்றும் பாலிவுட் திரையுலகின் முன்னணி நடிகையான தமன்னா தனது சமூக வலைத்தளத்தில் வேற லெவலில் வொர்க் அவுட் செய்யும் வீடியோவை வெளியிட்டுள்ள நிலையில் அந்த வீடியோ தற்போது வைரலாகி வருகிறது. கடந்த 2006 ஆம் ஆண்டு கேடி என்ற படத்தின் மூலம் தமிழ் திரையுலகில் அறிமுகமான நடிகை தமன்னா, கடந்த 16 ஆண்டுகளில் அஜீத், விஜய், சூர்யா, தனுஷ், சிம்பு, என தமிழின் முன்னணி நடிகர்களுடன் நடித்துள்ளார். 

அதேபோல் தெலுங்கு திரையுலகின் முன்னணி நடிகர்களுடன் நடித்துள்ள தமன்னா பாலிவுட் திரை உலகிலும் ஒரு சில படங்கள் நடித்துள்ளார். அதன்படி பாகுபலி முதல் பாகம் மற்றும் இரண்டாம் பாகத்தில் மாஸ் நாயகியாக தோன்றி ரசிகர்களை கவர்ந்திழுத்தார் தமன்னா. நடிகர் பிரபாஸுக்கு ஜோடியாக இவர் உலகளவில் பிரபலமானவர்.

பாகுபலியை தொடர்ந்து கதாநாயகிக்கு முக்கியத்தும் உள்ள கதைகளையே தேர்வு செய்து வருகிறார் நடிகை தமன்னா. அதன்படி தேவி 1, தேவி 2 ஆகிய படங்களில் நடித்திருந்த தமன்னாவுக்கு, தமிழில் அதிக வாய்ப்பை பெறவில்லை. ஆனால் தற்போது அவர் ஹிந்தி மற்றும் தெலுங்கு துறையில் சுமார் 6 படங்களில் நடித்து வருகிறார் என்பதும் இந்த படங்கள் அடுத்தடுத்து வெளியாக உள்ளது என்பதும் குறிப்பிடத்தக்கது.

இந்த நிலையில் சமூக வலைதளத்தில் ஆக்டிவ்வாக இருக்கும் தமன்னாவின் இன்ஸ்டாகிராம் பக்கத்தில் மட்டும் 16 மில்லியனுக்கும் அதிகமான ஃபாலோயர்கள் உள்ளனர். அதன்படி தற்போது நடிகை தமன்னா தனது இன்ஸ்டாகிராம் பக்கத்தில் வேற லெவலில் ஒர்க் அவுட் செய்யும் வீடியோ ஒன்றை பதிவு செய்துள்ளார். இந்த வீடியோ வழக்கம் போல் வைரலாகி வருகிறது. மேலும் அவர் வொர்க் அவுட் செய்த இந்த வீடியோவை பார்த்த ரசிகர்கள், பாசிட்டிவ் காமெண்ட் செய்து வருகின்றனர்.