எஸ்பிஐ வாடிக்கையாளர்களுக்கு எச்சரிக்கை! கட்டணத்தை உயர்த்திய வங்கி!

பாரத ஸ்டேட் வங்கி குறிப்பிட்ட சில டெபிட் கார்டுகளுக்கு வருடாந்திர பராமரிப்புக் கட்டணத்தை ரூ. 75 உயர்த்துவதாக அறிவித்துள்ளது. ஏப்ரல் 1, 2024 முதல் இது நடைமுறைக்கு வரும் என்றும் தெரிவித்துள்ளது.

வருடாந்திர பராமரிப்புக் கட்டணங்கள் மட்டும் இன்றி, டெபிட் கார்டுகளுடன் தொடர்புடைய பிற கட்டணங்களையும் எஸ்பிஐ வங்கி உயர்த்த உள்ளது. கார்டின் வகையைப் பொறுத்து 0 ரூபாய் முதல் 300 ரூபாய் வரை உயர்த்த உள்ளது.

மேலும், டெபிட் கார்டு மாற்றுவதற்கு ரூ. 300+ ஜிஎஸ்டி), டூப்ளிகேட் கார்டுக்கு ரூ. 50+ ஜிஎஸ்டி) மற்றும் சர்வதேச பரிவர்த்தனைகள் போன்ற சேவைகளுக்கான கட்டணங்களை வாடிக்கையாளர்கள் கவனிக்க வேண்டும். 

இந்த அனைத்து கட்டணங்களும் 18% ஜிஎஸ்டிக்கு உட்பட்டது. இதற்கிடையில், எஸ்பிஐ கோல்டு மற்றும் பல SBI கார்டுகளுடன் வாடகை செலுத்தும் பரிவர்த்தனைகளின் மீதான வெகுமதி புள்ளிகளிலும் மாற்றங்களை கொண்டு வருகிறது.

ஏப்ரல் 1, 2024 முதல், சில கிரெடிட் கார்டுகளுக்கு வாடகைக் கொடுப்பனவுகளில் ரிவார்டு பாயின்ட்கள் கொடுக்கப்படுவது நிறுத்தப்படும் என்றும் அறிவித்துள்ளது.