எகிறிய ஜியோ யூசர் எண்ணிக்கை..! ஏர்டெல், வோடாஃபோன் ஐடியா சரிவு

இந்தியாவின் மிகப்பெரிய தொலைத்தொடர்பு நிறுவனமான ரிலையன்ஸ் ஜியோ அக்டோபர் 2023-ல் 31.59 லட்சம் மொபைல் பயனர்களைச் சேர்த்தது. 

ஜியோவின் போட்டி நிறுவனமான பார்தி ஏர்டெல்லின் வாடிக்கையாளர்களின் எண்ணிக்கை 3.52 லட்சம் அதிகரித்துள்ளது. TRAI -ன் மாதாந்திர வாடிக்கையாளர் தரவுகளில் இது தெரியவந்துள்ளது.

இதற்கிடையில், சிக்கலில் உள்ள தொலைத்தொடர்பு நிறுவனமான வோடபோன் ஐடியாவுக்கு வாடிக்கையாளர்கள் கிடைக்கவில்லை என்றும் புள்ளிவிவரங்கள் காட்டுகின்றன. 

அக்டோபரில் 20.44 லட்சம் வயர்லெஸ் வாடிக்கையாளர்களை இழந்துள்ளது. தரவுகளின்படி, அக்டோபரில் 31.59 லட்சம் புதிய பயனர்கள் ஜியோவில் இணைந்துள்ளனர்.

அதன் மொத்த வாடிக்கையாளர்களின் எண்ணிக்கை 45.23 கோடியாக அதிகரித்துள்ளது. செப்டம்பர் மாதத்தில் 44.92 கோடி வாடிக்கையாளர்களைக் கொண்டுள்ளது.

சுனில் மிட்டல் தலைமையிலான ஏர்டெல் நிறுவனத்தின் சந்தாதாரர்களின் எண்ணிக்கை அக்டோபரில் 3.52 லட்சம் அதிகரித்து. மொத்த சந்தாதாரர்களின் எண்ணிக்கை 37.81 கோடியை எட்டியுள்ளது. 

இந்திய தொலைத்தொடர்பு ஒழுங்குமுறை ஆணையத்தின் (TRAI) தரவுகளின்படி, அக்டோபர் மாதத்தில் Vodafone Idea Limited (VIL) சந்தாதாரர்களின் எண்ணிக்கை 22.54 கோடியாக குறைந்துள்ளது.

 பணத் தட்டுப்பாட்டைச் சந்தித்து வரும் விஐஎல், நிதி திரட்டுவதிலும், வாடிக்கையாளர்களின் எண்ணிக்கை தொடர்ந்து குறைந்து வருவதிலும் சிக்கலை எதிர்கொள்கிறது.