வேகவேகமா தொப்பையை குறைக்கணுமா? இந்த சமையலறை மசாலாக்கள் உதவும்

கருப்பு மிளகில் பைபரின் என்ற மூலப்பொருள் உள்ளது. இது வளர்சிதை மாற்றத்தை அதிகரிக்கிறது. மேலும் உடலில் கொழுப்புச் சேமிப்பைக் குறைக்கிறது.

உணவின் சுவை மற்றும் நறுமணத்தை அதிகரிக்க இலவங்கப்பட்டை பயன்படுகிறது. இதில் உள்ள பண்புகள் வளர்சிதை மாற்ற விகிதத்தை அதிகரிக்கும் வேலையையும் செய்கின்றன. இது விரைவாக உடல் எடையை குறைக்க உதவுகிறது. இலவங்கப்பட்டை டீயை தினமும் காலையில் வெறும் வயிற்றில் குடித்து வந்தால் அதன் மூலம் உடல் எடையை குறைக்கலாம். 

மஞ்சளில் மருத்துவ குணங்கள் நிறைந்துள்ளன. இதில் ஆன்டி-பாக்டீரியல், ஆன்டி-வைரல் மற்றும் ஆன்டி-ஆக்ஸிடன்ட் பண்புகள் உள்ளன. மஞ்சளை உட்கொள்வது உடலில் வெப்பத்தை அதிகரிக்கிறது, இது கொழுப்பை எரிக்க உதவுகிறது. இது மட்டுமல்லாமல், வளர்சிதை மாற்றத்தை மேம்படுத்துவதிலும், செரிமான அமைப்பை ஆரோக்கியமாக வைப்பதிலும் மஞ்சள் மிகவும் பயனுள்ளதாக இருக்கிறது. 

இஞ்சியில் தெர்மோஜெனிக் (கொழுப்பை எரிக்கும்) பண்புகள் உள்ளன. தேநீர், சாலடுகள், அசைவ உணவுகள், பழச்சாறுகள் போன்ற பல்வேறு உணவுகளில் இதை சேர்க்கலாம். இஞ்சி டீ உடல் எடையை குறைக்க மிகச்சிறந்த தேர்வாக இருக்கும். 

சோம்பு உடல் எடையை குறைக்க உதவுகிறது. இதை உட்கொள்வது பசியைக் கட்டுப்படுத்துகிறது. சோம்பு உட்கொள்வதால் செரிமான அமைப்பும் வலுவடைகிறது. இதைப் பயன்படுத்த, ஒரு கிளாஸ் தண்ணீரில் ஒரு ஸ்பூன் சோம்பு சேர்த்து கொதிக்க வைக்கவும். பின்னர் இந்த தண்ணீரை வடிகட்டி குடிக்கவும்.

சீரகம் ஒவ்வொரு வீட்டிலும் சமையலறையில் எளிதில் கிடைக்கும் ஒரு மசாலாப் பொருளாகும். இது உணவின் சுவையை அதிகரிக்க பயன்படுகிறது. இதனை தொடர்ந்து சாப்பிட்டு வந்தால் உடல் எடையை குறைக்கலாம். சீரக தண்ணீர் குடிக்க சீரகத்தை இரவு முழுவதும் தண்ணீரில் ஊற வைக்கவும். இந்த தண்ணீரை காலையில் வெறும் வயிற்றில் குடிக்கவும். 

வெந்தயத்தை உட்கொள்வது உடல் எடையை குறைக்க (Weight Loss) பயனுள்ளதாக இருக்கும். வெந்தயத்தில் நார்ச்சத்து நிறைந்துள்ளது, இது வயிற்றை நீண்ட நேரம் நிறைவாக வைத்திருக்கும். அதை உட்கொள்வது பசியை திருப்திப்படுத்த உதவுகிறது. இது எடையைக் கட்டுப்படுத்த உதவுகிறது. செரிமான பிரச்சனைகளில் இருந்து விடுபட வெந்தயத்தை உட்கொள்வது மிகவும் பயனுள்ளதாக இருக்கும். 

பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.