காற்றில் பரந்த போர்வை.. பயந்து அம்மாவிடம் ஓடிய குட்டியானை! கியூட் வீடியோ!

பொதுவாக மனிதர்களோ அல்லது விலங்குகளோ அல்லது பறவைகளோ எதுவாக இருந்தாலும் அவை குழந்தை பருவத்தில் இருக்கும்போது செய்யும் செயல்கள் அனைத்தும் நமது மனதை மயக்கி நமக்கு உற்சாகத்தை கொடுக்கும் வகையில் இருக்கும்.  எந்த இனத்தை சேர்த்த குட்டிகளாக இருந்தாலும் சரி அவை செய்யும் வேடிக்கையான செயல்களும், குறும்புத்தனமான விளையாட்டுகளும் நம்மை குதூகலப்படுத்துவதாக இருக்கும்.  நாம் எவ்வளவு தான் சோகமாக இருந்தாலும் இதுபோன்ற காட்சிகளை பார்த்தவுடன் நம்மை அறியாமலேயே நொடிப்பொழுதில் நம்முடைய மனநிலை மாறிவிடும்.  உருவ அளவில் பெரியதாக இருக்கும் யானைகளை பார்க்கும்போது பலருக்கும் பயம் இருக்கும், சிலர் யானைகளை கடவுளாகவும் வழிபட்டு வருகின்றனர்.  பெரிய யானைகளை பார்த்து சிலர் பயந்தாலும் யானைக்குட்டிகளை பலரும் ரசிக்கின்றனர்.

யானைக்குட்டிகள் செய்யும் குறும்புத்தனமான காட்சிகள் பலவற்றையும் நாம் இணையங்களில் கண்டு ரசித்திருக்கிறோம்.  நாய், பூனை, முயல் போன்ற வீட்டில் வளர்க்கக்கூடிய விலங்கினங்கள் செய்யும் குறும்புகளை கூட நாம் சில நேரங்களில் நேரில் கண்டு ரசித்திருக்க கூடும். ஆனால் இதுபோன்ற காட்டு விலங்குகளின் குட்டிகள் செய்யும் குறும்புகள் அனைத்தையும் நம்மால் நேரில் கண்டு ரசிக்க முடியாது, ஆகவே இதனை நம் கண் முன் கொண்டு வந்து நிறுத்துவதில் சமூக ஊடகங்கள் பெரும் பங்கினை செய்கின்றன.  தற்போது இணையத்தில் யானைக்குட்டி ஒன்றின் கியூட்டான வீடியோ வைரலாகி நெட்டிசன்களின் கவனத்தை அதிக லைக்குகளை பெற்று இணையத்தில் வட்டமடித்து வருகின்றது.

யானைக்குட்டியின் நகைச்சுவையான மற்றும் கியூட்டான வீடியோ டிவிட்டரில் cctv ediots என்கிற பக்கத்தில் பதிவிடப்பட்டு இருக்கிறது. அந்த வீடியோவில் இரவு நேரத்தில் தரையில் விரிக்கப்பட்டு இருக்கும் ஒரு மஞ்சள் நிற போர்வையின் மீது யானைக்குட்டி ஒன்று அசந்து தூங்கி கொண்டு இருக்கிறது, யானைக்குட்டிக்கு சற்று தொலைவில் அதன் தாய் யானை ஒன்று நின்றுகொண்டு இருக்கிறது.  திடீரென்று காற்று வீசியதும் படுத்து உறங்கிக்கொண்டிருந்த குட்டியானையின் மீது அந்த போர்வை பறந்து விழுந்ததும் யானைக்குட்டி பேய் என நினைத்து பயந்து அலறிக்கொண்டு வேகமாக எழுந்து தனது தாயிடம் ஓடிப்போய் நிற்பதுடன் இந்த வீடியோ முடிவடைகிறது.  பல ஆண்டுகளுக்கு முன்னர் இணையத்தில் பகிரப்பட்ட இந்த வீடியோ இன்னும் நெட்டிசன்களின் கவனத்தை ஈர்த்து இணையத்தில் வட்டமடித்து கொண்டு இருக்கிறது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ