`இப்படிகூடவா செய்வாங்க`: வெளுத்துவாங்கும் நெட்டிசன்ஸ், விளையாட்டு விபரீதமான வைரல் வீடியோ

வைரல் வீடியோ: இணைய உலகம் பல வித அற்புதங்களை தன்னுள்ளே கொண்டுள்ள ஒரு வித்தியாசமான உலகமாகும். இங்கு பல வித விஷயங்களை பற்றி நாம் தெரிந்துகொள்கிறோம். இங்கு பகிரப்படும் செய்திகளும், புகைப்படங்களும், வீடியோக்களும் நமக்கு பல செய்திகளை வழங்குகின்றன. பயனுள்ள பல தகவல்களுடன் கேளிக்கைக்கான ஒரு வழியாகவும் இது உள்ளது. நாம் நமது அன்றாட வாழ்வில் ஏற்படும் இறுக்கங்களை சற்று தளர்த்திக்கொள்ள இணையத்தில் பகிரப்படும் வீடியோக்கள் நமக்கு உதவுகின்றன. 

தினம் தினம் பல லட்சக்கணக்கான வீடியோக்கள் சமூக ஊடகங்களில் பகிரப்படுகின்றன. இவற்றில் பல நம்மை பிரமிக்க வைக்கும் வண்ணம் உள்ளன. கேளிக்கை வீடியோக்கள் முதல் திருமண வீடியோக்கள், காட்டு விலங்குகளின் வீடியோக்கள் என ஏகப்பட்ட வீடியோக்கள் இணையத்தில் வலம் வருகின்றன. பார்த்தவுடன் சிரிப்பு வரும் வீடியோக்களுக்கு இணையத்தில் நல்ல கிரேஸ் உள்ளது.

தற்போதும் அப்படி ஒரு வீடியோ இணையத்தில் வெளியிடப்பட்டுள்ளது. அதில் ஒரு நபர் குதிரை வண்டியில் வரும் போது சில குறும்புக்கார சிறுவர்கள் அவருடன் ஒரு மோசமான விளையாட்டை ஆடுவதை காண முடிகின்றது. வீடியோவில் தெரியும் இந்த காட்சி மிக பயங்கரமாக உள்ளது. 

குதிரைக்காரரிடம் குறும்பு செய்த சிறுவர்கள்

பெரும்பாலும் சிலர் போலி பாம்புகளை வைத்துக்கொண்டு மக்களை அச்சுறுத்துவதையும், அவர்களை கிண்டல் செய்வதையும் நாம் பார்த்துள்ளோம். ஆனால், இது மிகவும் ஆபத்தான விஷயமாகும். கேலி செய்யப்படும் நபர் பலவீனமான இதயம் கொண்டவராக இருந்தால், அவருக்கு இது ஆபத்தானதாக மாறலாம். ஒரு நபர் குதிரைவண்டியை ஓட்டிக்கொண்டு சென்றுகொண்டிருப்பதை வீடியோவின் துவக்கத்தில் காண முடிகின்றது. அப்போது சில சிறுவர்கள் ஒரு பொம்மை பாம்பை மரத்தின் மீதிருந்து அவர் மீது போடுகின்றனர். அந்த பாம்பு ஒரு பெரிய மலைப்பாம்பை போல மிக விசாலமாக உள்ளது. தன் மீது வந்து விழுந்தது ஒரு பொம்மை என தெரியாத அந்த நபர் மிகவும் பயந்துவிடுகிறார். அவர் பதட்டத்தில் வண்டியிலிருந்து கீழே விழுகிறார். கீழே விழுந்த பின்னரும் அவரது பதட்டம் அடங்கவில்லை என்பதை  வீடியோவை பார்த்தால் புரிந்துகொள்ள முடிகின்றது. 

இப்படிப்பட்ட விளையாட்டுகள் மிக ஆபத்தானவையாகும். இதனால் அவர் மன ரீதியாகவோ, உடல் ரீதியாகவும் பாதிக்கப்பட மிக அதிக வாய்ப்புகள் உள்ளன. 

பாம்பு விழுந்த வீடியோவை இங்கே காணலாம்:

மரத்திலிருந்து கீழே விழுந்த மலைப்பாம்பு

மலைப்பாம்பு போலியானதாக இருந்தாலும், அதை முதலில் பார்க்கும்போது நிஜம் போலத்தான் தெரிகிறது. குதரை வண்டியை ஓட்டிக்கொண்டு வந்தவருக்கும் அது உண்மையான பாம்பு என்றுதான் தோன்றுகிறது. அதனால் தன அவர் உச்சகட்ட அச்சத்துடன் கீழே விழுந்துவிடுகிறார். இப்படிப்பட்ட கேலி கிண்டல்கள் கண்டிக்கத்தக்கவை. 

இந்த வீடியோ இன்ஸ்டாகிராமில் taninmisphenomen என்ற கணக்கில் பதிவேற்றம் செய்யப்பட்டுள்ளது. இது பெரிய அளவில் வைரல் ஆகி வருகின்றது. இதற்கு ஏகப்பட்ட வியூஸ்கள் கிடைத்துள்ளன. இணையவாசிகள் இதற்கு பல வித கமெண்டுகளை அளித்து வருகிறார்கள். இப்படிப்பட்ட கிண்டல்கள் மிகவும் ஆபத்தானவை என்று சிலர் எச்சரித்துள்ளார்கள். சில பயனர்கள்  இதில் சிரிப்பதற்கு எதுவுமே இல்லை என்று கூறியதோடு அந்த நபருக்காக வருந்தியுள்ளார்கள். 

(பொறுப்புத் துறப்பு: இந்த பதிவில் பகிரப்பட்டுள்ள வீடியோவும், கொடுக்கப்பட்டுள்ள தகவல்களும் சமூக ஊடகங்களிலிருந்து எடுக்கப்பட்டவை. இவற்றை ஜீ தமிழ் நியூஸ் எந்த விதத்திலும் பரிந்துரைக்கவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ