‘தம் அடிக்கும்போது பாம்பே வந்தாலும் பதற மாட்டோம்ல!!’ பெண்ணின் அதிரடி வைரல் வீடியோ

வைரல் வீடியோ: இன்றைய உலகில், சமூக ஊடகங்கள் நம் வாழ்வோடு பின்னிப்பிணைந்து உள்ளன. இணையம் ஒரு தனி உலகமாக இயங்கி வருகிறது. இங்கு பல வித விஷயங்களை பற்றி நாம் தெரிந்துகொள்கிறோம். இங்கு பகிரப்படும் செய்திகளும், புகைப்படங்களும், வீடியோக்களும் நமக்கு பல செய்திகளை வழங்குகின்றன. பயனுள்ள பல தகவல்களுடன் கேளிக்கைக்கான ஒரு வழியாகவும் இது உள்ளது. நாம் நமது அன்றாட வாழ்வில் ஏற்படும் இறுக்கங்களை சற்று தளர்த்திக்கொள்ள இணையத்தில் பகிரப்படும் வீடியோக்கள் நமக்கு உதவுகின்றன. இவற்றில் விலங்குகளின் வீடியோக்களுக்கென தனி ரசிகர் பட்டாளமே உள்ளது. விலங்குகளின் உலகில் நாம் நம்ப முடியாத, அருகில் சென்று பார்க்க முடியாத பல நிகழ்வுகளை நாம் இணையத்தில் காண்கிறோம்.

ஆஸ்திரேலியா பெரும்பாலும் வினோதமான விலங்குகளின் நாடு என்று அழைக்கப்படுகிறது. சாலையின் நடுவில் கங்காருக்கள் கிக் பாக்ஸிங் செய்வது முதல் படுக்கைக்கு அடியில் ராட்சத முதலைகள் செல்வது வரை அனைத்தையும் இங்கே காண முடியும். ஆஸ்திரேலியாவில் பாம்புகளும் அதிக அளவில் காணப்படுகின்றன. 

வீடுகளின் பின்புற தோட்டங்கள், வறண்ட நிலங்கள் மற்றும் வனப்பகுதிகளில் பாம்புகள் செல்வதை கண்டால் அங்கு மக்கள் ஆச்சரியப்படுவதில்லை. நாட்டின் பெரும்பாலான பகுதிகளில் பாம்புகள் காணப்படுகின்றன. இவற்றின் பல வீடியோக்களும் சமூக ஊடகங்களில் பகிரப்பட்டுள்ளன. 

பாம்புகள் சம்பந்தப்பட்ட புதிய வினோதமான சம்பவங்களின் வீடியோக்கள் தினமும் வெளியிடப்படுகின்றன. ஆஸ்திரேலியா + பாம்புகள் என்று கூகுளில் தேடினால், ஏராளமான கதைகளும் வினோதமான காட்சிகளும் கானக்கிடைக்கும். தற்போது அப்படி ஒரு வினோதமான வீடியோ பகிரப்பட்டுள்ளது. இதில் காணும் காட்சியை நம் கண்களால் நம்ப முடியவில்லை. 

வீடியோவில் ஒரு பெண் கீழே அமர்ந்து சிகரெட் பிடித்துக்கொண்டு இருப்பதை காண முடிகின்றது. அப்போது அதிக விஷம் கொண்ட பாம்பு ஒன்று அங்கு வருகிறது. அது அந்த பெண்ணின் கால் வழியாக ஊர்ந்து அப்பெண்ணை கடந்து செல்கிறது. ஆனால், அந்த பெண் எந்த விதமான தயக்கமும் பயமும் இல்லாமல் சிகரெட் பிடித்துக்கொண்டிருக்கிறார். இது பார்ப்பதற்கு மிக ஆச்சரியமாக உள்ளது.

32 வினாடிகள் கொண்ட வீடியோவில், வறண்ட நிலப்பகுதியில் நிதானமாக புகைபிடிக்கும் பெண்ணின் கால்களுக்கு இடையில் விஷப்பாம்பு ஊர்ந்து செல்வதை பார்க்க முடிகின்றது. பதட்டம் அல்லது பயத்தின் சின்ன அறிகுறி கூட அந்த பெண்ணிடம் காணப்படவில்லை. பாம்பு தன் உடலுக்கு அடியில் முழுவதுமாக ஊர்ந்து செல்லும் வரை அவர் அப்படியே அமர்ந்துள்ளார். வீடியோ எடுக்கும் நபரிடம் அவர் பேசுவதையும் காண முடிகின்றது. 

நம்ப முடியாத திகிலூட்டும் வீடியோவை இங்கே காணலாம்: