Viral Video: அரைநொடியில் முதலையின் ஆயுளை எடுத்த ஜாக்குவார்

கம்பீரமான காட்சிகள், மெய்சிலிர்க்க வைக்கும் வித்தைகள் எல்லாம் சினிமாவில் பார்த்திருக்கலாம். கற்பனைக்கு எட்டாதவற்றை சுவாரஸ்யமாக சினிமாக்களில் பார்த்து மகிழ்ச்சியடையலாம். அதே காட்சிகள் நேரில் பார்த்தால் எப்படி இருக்கும் என்று யோசித்து பாருங்கள். உங்களை மெய்சிலிர்க்க வைக்கும் காட்சிகள் எல்லாம் வனப்பகுதிகளில் அடிக்கடி பார்க்கலாம். சிங்கம், சிறுத்தை ஜாக்குவார் மற்றும் புலி ஆகிய விலங்குகள் தந்திரமாக வேட்டையாடுவது மிரட்சியை ஏற்படுத்தும். 

அப்படியான மிரட்சியை ஏற்படுத்தும் வேட்டை வீடியோ இணையத்தில் வெளியாகியுள்ளது. மறைந்திருக்கும் ஜாக்குவார், வேட்டைக்காக காத்திருக்கிறது. அப்போது தண்ணீருக்குள் இருக்கும் முதலை கரையை நோக்கி வருகிறது. உன்னிப்பாக கவனிக்கும் ஜாக்குவார், சரியான நேரத்தை எதிர்நோக்குகிறது. அருகில் வேட்டை முதலை வந்தவுடன் சற்றும் தாமதிக்காமல் நீருக்குள் தாவிக்குதித்து, முதலையை வாயில் கவ்வி மேலே இழுத்து வருகிறது. ஜாக்குவாரிடம் இருந்து தப்பிக்க எவ்வளோ முயற்சி செய்தும், முதலையால் முடியவில்லை.

பார்க்கும்போதே உடலை சிலிர்க்க வைக்கும் இந்த வீடியோ இணையத்தில் வைரலாகியுள்ளது. முதலை மற்ற விலங்குகளை வேட்டையாடி பார்த்திருக்கிறோம். ஆனால் முதலையையே ஜாக்குவார் வேட்டையாடுவதை முதன்முறையாக இந்த வீடியோவில் பார்த்து வியப்படைந்துள்ளனர். இந்த வீடியோ டிவிட்டரில் மட்டும் சுமார் 1.4 மில்லியன் பார்வைகளைப் பெற்றுள்ளது. சிலர் இந்த வீடியோக்களை பார்த்து வாழ்க்கை தத்துவங்களையும் கட்டவிழ்த்துவிட்டுள்ளனர். வாழ்க்கை என்பது எந்த நொடி முடியும் என்பது யாருக்கும் தெரியாது. இங்கு வாழும் எல்லோரும் வேட்டை விலங்குகள் தான். என்றாவது ஒருநாள் வேட்டையாடபடுவோம் என்றெல்லாம் கருத்துகளை கட்டவிழ்த்துவிட்டுள்ளனர். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR