நோய் வர எந்த கிரகம் காரணம்? ஜாதகத்தில் சனி எங்க இருக்கார்? பரிகாரம் அவசியம்

ஜோதிடத்தில், ஒவ்வொரு கிரகமும் வாழ்க்கையின் சில அம்சங்களுடன் தொடர்புடையது. கிரகங்களின் பெயர்ச்சி, வாழ்க்கையில் பல சுப மற்றும் அசுபமான நிகழ்வுகளையும் ஏற்படுத்துகிறது. இதுமட்டுமின்றி, உடல் உறுப்புகள் மற்றும் நோய்களும் கிரகங்களுடன் தொடர்புடையவை. ஜோதிட சாஸ்திரத்தின்படி, ஒன்பது கிரகங்களில் ஏதேனும் ஒரு கிரகத்துடன் மற்றொரு கிரகம் சேர்ந்தால் நோய்கள் வரும்.

அந்த சமயத்தில், நமது ஜாதகத்தில் உடல் ஆரோக்கியத்தை கெடுக்கும் கிரகத்தை வலுப்படுத்த நடவடிக்கைகள் எடுக்கப்பட்டால், இந்த நோய்களிலிருந்து பெரிய அளவில் நிவாரணம் அடைய முடியும். எந்த கிரகத்தால் எந்த நோய் ஏற்படலாம் என்பதை தெரிந்து கொள்வோம்.

கிரகங்கள் மற்றும் அவற்றால் ஏற்படும் நோய்கள்

சூரியனால் ஏற்படும் நோய்கள்: கிரகங்களின் ராஜாவான சூரியன் பலவீனமாக இருந்தால், அந்த நபருக்கு எலும்புகள் மற்றும் கண்கள் தொடர்பான பிரச்சினைகள் இருக்கலாம். இது தவிர, சூரியன் இதய நோய், காசநோய் மற்றும் செரிமான அமைப்பு போன்ற நோய்களையும் ஏற்படுத்தும்.

சந்திரனால் ஏற்படும் நோய்கள்: சந்திரன் மனதுடன் தொடர்புடையவர், மனோகாரகர் என்று அழைக்கப்படுகிறார். ஒருவரின் சிந்திக்கும் திறனுக்குக் காரணமான சந்திரன், மன அழுத்தம் மற்றும் மன நோய்களை ஏற்படுத்துகிறது. கவலைகளால் சூழப்பட்டிருப்பதற்கும் சந்திரனே காரணம், அதேபோல  தூக்கமின்மை, அமைதியின்மை, பதட்டம் போன்ற பிரச்சனைகளையும் ஏற்படுத்துபவர் சந்திரனே ஆவார்.

செவ்வாய் கிரகத்தால் ஏற்படும் நோய்கள்: செவ்வாய் கிரகம் இரத்தத்துடன் தொடர்புடையது. இரத்தம் தொடர்பான நோய்கள், விபத்துக்கள், உயர் இரத்த அழுத்தம் போன்றவற்றுக்கு இது பொறுப்பு.

புதனால் ஏற்படும் நோய்கள்: உடலின் நோய் எதிர்ப்பு சக்திக்கு காரணகர்த்தா புதன் கிரகம். ஒருவரின் ஜாதகத்தில் புதன் பலவீனமான இடத்தில் இருந்தால், தொற்றுநோய்கள் ஏற்படும் அபாயம் அதிகம். இதைத் தவிர, காது, மூக்கு, தொண்டை நோய்கள் மற்றும் தோல் தொடர்பான பிரச்சனைகளும் புதனால் ஏற்படுகின்றன.

குருவால் ஏற்படும் நோய்கள்: கிரகங்களில் ஆரோக்கியத்தைக் கொடுப்பவர் குரு என்றால், கெடுப்பவரும் அவரே. நல்ல ஆரோக்கியத்தையும், கடுமையான நோய்களையும் தரும் குரு, வயிறு தொடர்பான நோய்கள், புற்றுநோய், ஈரல் அழற்சி போன்ற தீவிர நோய்களை வழங்குகிறார்.

சுக்கிரனால் ஏற்படும் நோய்கள்: சுக்கிரன் உடலின் ஹார்மோன்களுடன் தொடர்புடையது. தாய்மை மகிழ்ச்சியைத் தருகிறது, ஆனால் அது பிரச்சினைகளையும் ஏற்படுத்தும். இது தவிர, தைராய்டு, சர்க்கரை நோய் போன்ற நோய்கள் உள்ளன.  

சனியால் ஏற்படும் நோய்கள்: மூட்டு பிரச்சனைகள், நரம்பு மண்டல பிரச்சனைகள் அல்லது உடலை சிதைப்பது போன்ற நீண்ட கால நோய்களை சனி கொடுக்கிறது.

ராகுவால் ஏற்படும் நோய்கள்: ராகுவால் மறைவிடத்தில் நோய்கள் உண்டாகும். சரியான நேரத்தில் கண்டறியப்படாத இத்தகைய நோய்களால் சிக்கலும் அதிகமாகும்.. இந்த நோய்களுக்கான காரணமும் தெரிய வராது என்பது தான் ராகுவின் விளையாட்டு.

கேதுவால் ஏற்படும் நோய்கள்: கேதுவும் மர்ம நோய்களை உண்டாக்குவார். இது தோல் மற்றும் இரத்தம் தொடர்பான விசித்திரமான நோய்களையும் ஏற்படுத்துகிறது. இந்த நோய்களுக்கான காரணம் புரிந்து கொள்ளப்படாமல் போகும் என்பதால், விரைவான சிகிச்சை எடுக்க முடிவதில்லை.. 

(பொறுப்புத் துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் உள்ளன. ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ