செப்டம்பரில் பெரிய கிரக மாற்றங்கள்: இந்த ராசிகளுக்கு பம்பர் லாபம், அதிர்ஷ்டம் அதிகரிக்கும்

செப்டம்பர் மாத ராசிபலன் 2023: செப்டம்பர் மாதம் ஜோதிட சாஸ்திரப்படி மிக முக்கிய மாதமாக பார்க்கப்படுகின்றது. இந்த மாதத்தில் 4 கிரகங்கள் மாறப்போகின்றன. இந்த மாதத்தில் மிகப்பெரிய மாற்றம் மேஷத்தில் குரு பகவானின் வக்ர பெயர்ச்சியாகும். இது தவிர புதனும் சுக்கிரனும் இந்த மாதத்தில் தங்கள் இயக்கங்களை மாற்றும். இந்த மாதம் சூரியன் மட்டும் தனது ராசியை மாற்றுவார். இப்படிப்பட்ட நிலையில் கிரக நிலை மாற்றத்தால் எந்தெந்த ராசிக்காரர்களுக்கு தொழிலில் முன்னேற்றமும், செல்வச் செழிப்பும் கிடைக்கும்? செப்டம்பர் மாதத்தில் மேஷம், சிம்மம் உள்ளிட்ட 5 ராசிக்காரர்களுக்கு கிரகப் பெயர்ச்சியின் பலன் கிடைக்கும். செப்டம்பரில் கிரகப் பெயர்ச்சி ராசிக்காரர்களை எப்படிப் பாதிக்கும் என்பதை இந்த பதிவில் தெரிந்து கொள்வோம்.

செப்டம்பரில் கிரக மாற்றங்கள், இவைதான் தேதிகள்: 

செப்டம்பர் மாதத்தில் கிரகங்கள் எப்போது, ​​எப்படி மாறும்? செப்டம்பரில் கிரகப் பெயர்ச்சிகளின் நிலையை இங்கே காணலாம். 

செப்டம்பர் 4, 2023 அன்று, சுக்கிரன் கடக ராசியில் வக்ர நிவர்த்தி அடைவார்.
செப்டம்பர் 4, 2023 அன்று, குரு பகவான் மேஷத்தில் வக்ர பெயர்ச்சி அடைவார்.
செப்டம்பர் 16, 2023 அன்று புதன் சிம்ம ராசியில் வக்ர நிவர்த்தி அடைவார்.
செப்டம்பர் 17, 2023 அன்று சூரியன் கன்னி ராசியில் பெயர்ச்சி ஆவார்.
செப்டம்பர் 24 2023 அன்று செவ்வாய் கன்னி ராசியில் அஸ்தமன நிலைக்கு செல்வார்.

செப்டம்பர் மாத அதிர்ஷ்டசாலி ராசிகள் இவைதான்:

மேஷ ராசி

செப்டம்பர் மாதத்தில் ஏற்படப்போகும் கிரக மாற்றங்களால் மேஷ ராசிக்காரர்களுக்கு இந்த மாதம் மிகவும் சிறப்பானதாக இருக்கும். இந்த மாதம் குரு ராகுவின் ஸ்தானத்தாலும் செவ்வாயின் அம்சத்தாலும் மக்கள் மரியாதை பெறுவார்கள். புகழ் உயரும். இத்துடன் உங்கள் காதல் வாழ்க்கையும் இந்த மாதம் சிறப்பாக இருக்கும். திருமண வாழ்க்கையில் உற்சாகமும் ஒத்துழைப்பும் இருக்கும். யாருடனும் தகராறில் உங்கள் நேரத்தை வீணாக்காதீர்கள். 

ரிஷப ராசி

செப்டம்பர் மாதத்தில் ஏற்படப்போகும் கிரக மாற்றங்களின் பலன்களால் ரிஷப ராசிக்காரர்களின் நிலைமையில் படிப்படியான முன்னேற்றம் ஏற்படும். உங்கள் வீடு மற்றும் வியாபாரத்தில் நீண்ட நாட்களாக இருந்து வந்த பிரச்சனைகள் இப்போது மாற ஆரம்பிக்கும். இதனுடன், பொருளாதார விஷயங்களிலும் இந்த மாதம் மிகவும் சிறப்பாக இருக்கும். இந்த நேரத்தில், உங்கள் பண வரவு அதிகமாகும், நிதி நிலை நன்றாக இருக்கும். 

சிம்ம ராசி

செப்டம்பரில் நிகழப்போகும் கிரக மாற்றத்தால் சிம்ம ராசிக்காரர்களுக்கு காலம் மிகவும் நன்றாக இருக்கும். இந்த நேரத்தில் உங்கள் தடைபட்ட வேலைகளில் முன்னேற்றம் இருக்கும். இருப்பினும், உங்கள் வருமான ஆதாரங்கள் குறைவாக இருக்கும், ஆனால் இதனால் உங்கள் நிதி நிலை பாதிக்கப்படாது. இந்த மாதம் பல பயணங்களை நீங்கள் மேற்கொள்வீர்கள். இவற்றால் அனுகூலமான நன்மைகள் உருவாகும். 

துலா ராசி

செப்டம்பரில் ஏற்படும் கிரக மாற்றங்களால் துலா ராசிக்காரர்களுக்கு வெற்றி கிட்டும். ஆனால், அதற்காக நீங்கள் பல முயற்சிகளை மேற்கொள்ள வேண்டியிருக்கும். இதனுடன், நீங்கள் கொஞ்சம் பொறுமையுடன் வேலை செய்ய வேண்டும். வெற்றியை அடைய, நலம் விரும்பிகளின் ஒத்துழைப்பைப் பெற வேண்டும். உங்கள் நிதி நிலைமை இந்த மாதம் மிகவும் நன்றாக இருக்கும் என்றாலும், குறிப்பாக பரிவர்த்தனைகளைச் செய்யும்போது கவனமாக இருங்கள்.

விருச்சிக ராசி

விருச்சிக ராசிக்காரர்கள் இந்த நேரத்தில் வேலையில் பிஸியாக இருப்பார்கள். பணியிடத்தில் பணிச்சுமை தொடரும். இது மட்டுமின்றி, தடைபட்ட சில வேலைகளை செய்து முடிப்பதற்கான வாய்ப்புகளும் கிடைக்கும். குடும்பத்தில் மகிழ்ச்சிக்கான வாய்ப்புகளைப் பெறுவீர்கள். இருப்பினும், இந்த காலத்தில் செலவுகள் அதிகரிக்கும், ஆனால் பண பற்றாக்குறை ஏற்படாது. 

(பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்தூள்ளன. ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ