Venus Transit: ராஜராஜ மாளவ்ய ராஜயோகம்! மீனத்தில் சுக்கிரப் பெயர்சியால் செழிக்கும் ராசிகள்!

Venus In Pisces: மீன ராசி, ராசிச் சக்கரத்தில் உள்ள 12 ராசிகளில் கடைசி ஆகும். சுக்கிரனின் உயர்ந்த ராசியாக கருதப்படுகிறது. நவகிரகங்களில், சுக்கிரன் வாழ்க்கையில் மகிழ்ச்சியையும் பிரபல்யத்தைக் கொடுப்பவராக கருதப்படுகிறார். அன்பு, இன்பம், ஆடம்பரம், மகிழ்ச்சி, செழிப்புக்கு சுக்கிரன் ஒருவரின் ஜாதகத்தில் எந்த வீட்டில் இருக்கிறார் என்பதைப் பொறுத்தே அமையும். ஜோதிடத்தில் சுக்கிரன் பெயர்ச்சி மிகவும் முக்கியமானது, அதிலும் மீனத்தில் சுக்கிரன் பெயர்ச்சி என்பது அதிக முக்கியத்துவம் பெற்றது.

வேகமாக நகரும் கிரகம் சுக்கிரன்

புதனுக்குப் பிறகு, வேகமாக நகரும் கிரகமாக சுக்கிரன் கருதப்படுகிறது, 23 நாட்களுக்கு ஒரு முறை சுக்கிரன் ஒரு ராசியில் இருந்து மற்றொரு ராசிக்கு பெயர்ச்சியாகிறார். தற்போது சூரியன் மற்றும் ராகு ஏற்கனவே குடியிருக்கும் மீன ராசிக்கு சுக்கிரன் பெயர்வதால் ஏற்படும் யோகங்கள் சில ராசியினருக்கு நன்மைகள் அதிகமாக ஏற்படும்.

சுக்கிரன் தனது உச்ச ராசியான மீனத்திற்கு செல்லும் போது (mercury transit in pisces) மாளவ்ய ராஜயோகம் உருவாகிறது. சுக்கிரனின் அருள் பெற்றவர்கள், மாளவ்ய யோகத்தில் பிறந்தவர்கள், கண்ணை கவரும் அழகுடன் இருப்பார்கள். கருப்பாக இருந்தாலும், களையாக காட்சியளிப்பார்கள். மனதை கிரங்க வைக்கின்ற அழகை வழங்குபவர்.

சுக்கிரனின் பெயர்ச்சியால் மாளவ்ய ராஜயோகம் உருவாகி அதன் பலன்களைப் பெறுபவர்களுக்கு எடுத்த காரியம் கைகூடும், தொட்டது துலங்கும் என்று சொல்வார்கள். அதே சமயத்தில், வாக்கு சாதுர்யம், வலிமை, தைரியம் போன்றவை அதிகமாகும் என்று கூறப்படுகிறது.  

மீன ராசியில் சுக்கிரன் பெயர்ச்சி 31 மார்ச் 2024 

ரிஷபம் மற்றும் துலாம் ராசியை ஆளும் கிரகம் சுக்கிரன். கன்னி ராசியில் பெரிதும் சோபிப்பதில்லை, ஆனால், மீனத்தில் உச்ச நிலையில் இருப்பதாகவும் கருதப்படுகிறது. சுக்கிரன் உச்ச நிலையில் இருக்கும் போது, ​​அனைத்து விதமான சுகபோகங்களையும் மகிழ்ச்சியுடன் வழங்குகிறார்.

குருவின் ராசியான மீன ராசியில் அசுரர்களின் குருவான சுக்கிரன் உச்சம் பெறுவது பல்வேறு நலன்களை வழங்கும். அதிலும், குறிப்பிட்ட சில ராசிகளுக்கு மீனத்தில் சுக்கிரன் வாழ்க்கையில் எல்லா வளங்களையும் பெற்றுத் தருவார்.  

மிதுனம்
மீனத்தில் சுக்கிரன் சஞ்சரிப்பதால் உருவாகும் மாளவ்ய ரோஜயோகம், மிதுன ராசிக்காரர்களுக்கு மங்களகரமான பலன்களைக் கொடுக்கும். மிதுன ராசிக்காரர்களுக்கு மார்ச் 31 முதல் நல்ல காலம் தொடங்கும். காரியத் தடைகள் நீங்கி வெற்றி கிட்டும். திடீர் தனலாபத்தால் பொருளாதார நிலை மேம்படும். தொழில் செய்பவர்கள் மர்றும் வியாபாரிகளுக்கும் நல்ல காலமாக இருக்கும். மாணவர்கள், தேர்வுகளில் நல்ல மதிப்பெண் பெறுவார்கள்.

கன்னி
கன்னி ராசிக்காரர்களுக்கு சுக்கிரனின் சஞ்சாரம் நன்மை தரும் என்பதோடு, அதிர்ஷ்டத்தையும் அள்ளிக் கொடுக்கும். உத்தியோகத்தில் இருப்பவர்களுக்கு பதவி உயர்வு கிடைக்கும், சம்பளம் அதிகரிக்கலாம். நீங்கள் செய்யும் வேலைக்கு பாராட்டுக்கள் வந்து குவியும். தொழிலில் வெற்றி பெற்று, சமூகத்தில் மரியாதை அதிகரிக்கும். மாளவ்ய ராஜயோகம், உங்கள் பொருளாதார நிலையையும் உயர்த்தும். ஆரோக்கியத்தில் மட்டும் சற்று கவனமாக இருக்கவும். வெளியில் உண்பதைத் தவிர்க்கவும்.

மீனம்

மீன ராசிக்காரர்களுக்கு மாளவ்ய ராஜயோகத்தால், மனதில் மகிழ்ச்சியும் வாழ்க்கையில் வெற்றியும் உண்டாகும். நீண்டகாலமாக எதிர்பார்த்து காத்திருந்த மங்களகரமான நிகழ்வுகள் நடைபெறும். முதலீடுகள் நல்ல லாபத்தைக் கொடுக்கும். குடும்பத்தில் உள்ளவர்களின் மனதில் நிம்மதியை ஏற்படுத்து செயல்களை மாளவ்ய ராஜயோகம் செய்ய வைக்கும்.

(பொறுப்புத் துறப்பு: இந்தக் கட்டுரையில் உள்ள எந்தவொரு தகவல், உள்ளடக்கம், கணிப்பு ஆகியவற்றின் துல்லியம் அல்லது நம்பகத்தன்மைக்கு உத்தரவாதம் இல்லை. இந்தத் தகவல் பல்வேறு ஊடகங்கள், ஜோதிடர்கள், பஞ்சாங்கம், உபதேசங்கள், நம்பிக்கைகள், ஆன்மீக நூல்கள் ஆகியவற்றிலிருந்து சேகரிக்கப்பட்டு உங்களுக்கு வழங்கப்பட்டுள்ளது. எங்கள் நோக்கம் தகவலை வழங்குவது மட்டுமே. ஜீ நியூஸ் - Zee News இதற்கு பொறுப்பேற்காது.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!