பணத்தை தண்ணீராய் செலவழிக்கும் ராசிகள் இவை: உங்க ராசி என்ன

ஜோதிடமும் ராசிகளும்: வாழ்க்கை முழுவதும் செல்வச் செழிப்புடன் இருக்க வேண்டும், அதிக செல்வம் சேர்க்க வேண்டும் என்ற ஆசை இல்லாத மனிதர்கள் இருக்க மாட்டார்கள். எனினும், செல்வமும், புகழும் அதைப் போற்றுபவர்களிடம் தான் தங்கும் என்பது ஐதீகம். 

சிலர் கை போன போக்கில் பணத்தை யோசிக்காமல் செலவு செய்கிறார்கள். பணத்தை தண்ணீர் போல செலவிடும் இப்படிப்பட்ட 5 ராசிகள் பற்றி ஜோதிடத்தில் கூறப்பட்டுள்ளது. அன்னை லட்சுமியும் தன்னை மதித்து மரியாதை கொடுப்பவரிடம் தான் செல்வார் என்று ஜோதிட சாஸ்திரத்திலும் கூறப்பட்டுள்ளது. பணத்தை பற்றி கவலைப்படாமல் செலவு செய்யும் ராசிகள் பற்றி இந்த பதிவில் காணலாம். 

ரிஷபம்:

ஜோதிட சாஸ்திரப்படி ரிஷப ராசியின் அதிபதி சுக்கிரன். இந்த ராசிக்காரர்கள் ஆடம்பரமாக வாழவும், பொருள் இன்பங்களை அனுபவிக்கவும் விரும்புகிறார்கள். அதிக பணம் செலவழிப்பதால், அவர்களிடம் அதிக பணம் தங்குவதில்லை. 

எதையாவது வாங்க வேண்டும் என்று நினைத்தால் அதை வாங்யபின் தான் இவர்களால் அமைதியாய் இருக்க முடியும். அந்த நேரங்களில், அந்த பொருள் தமக்கு தேவையா, அதற்கான பணம் நம்மிடம் இருக்கிறதா என்றெல்லாம் இவர்கள் யோசிப்பதில்லை. அதை வாங்குவதிலேயே குறியாய் இருப்பார்கள். இந்த குணம் காரணமாக இவர்களிடம் பணம் தங்குவதில்லை. 

மிதுனம்:

மிதுன ராசிக்காரர்களுக்கு ஆசைகள் பொதுவாக அதிகமாக இருக்கும். இவர்கள் தங்கள் நண்பர்களுக்காக அதிக பணம் செலவழிக்கிறார்கள். பெருமைக்காக அதிக பணம் செலவழிக்கும் நபர்கள் இவர்கள். இதன் காரணமாக சேமிக்க முடியாமல் தவிப்பது இவர்களது வழக்கம்.

இந்த ராசிக்கு அதிபதியாக புதன் கிரகம் கருதப்படுகிறது. ஆகையால், இவர்கள் தங்கள் புத்திசாலித்தனத்தால் அதிக பணம் சம்பாதிக்கிறார்கள். ஆனால் இயற்கையாகவே அதிகம் செலவழிக்கும் குணம் கொண்டிருப்பதால், இவர்களால் எதையும் சேமிக்க முடிவதில்லை.

சிம்மம்:

ஜோதிட சாஸ்திரப்படி சிம்ம ராசிக்கு சூரிய பகவான் அருள்பாலிக்கிறார். அவர்கள் ஆடம்பர வாழ்க்கை முறையை விரும்புகிறார்கள். இது மட்டுமின்றி, இவர்களது பொழுதுபோக்குகளும் மிகவும் விலை உயர்ந்தவையாக இருக்கும். இவர்கள் தங்கள் வசதிக்காக பணத்தை தண்ணீரைப் போல செலவிடுகிறார்கள். விலை உயர்ந்த பொருட்களை வாங்குவதில் அதிக ஆர்வம் காட்டுவதால், இவர்களால் பணத்தை சேமிக்க முடிவதில்லை. 

துலாம்:

சுக்கிரன் துலா ராசியை ஆளும் கிரகமாக கருதப்படுகிறது. சுக்கிரனின் ஆசியால், ஒருபுறம் இந்த ராசிக்காரர்களுக்கு செல்வமும் செழிப்பும் வந்துகொண்டே இருக்கும். மறுபுறம் இவர்களது செலவழிக்கும் குணத்தால், பணம் தங்குவதில்லை. 

இந்த நபர்கள் தங்களை விட மற்றவர்களுக்காக அதிக பணத்தை செலவிடுகிறார்கள். அதனால்தான் இவர்களால் பணத்தைச் சேமிக்க முடிவதில்லை. இந்த ராசிக்காரர்கள் மகிழ்ச்சியாக வாழ்வதில் நம்பிக்கை கொண்டிருப்பார்கள். இவர்கள் எதிர்காலத்தைப் பற்றி சிறிதும் கவலைப்படுவதில்லை.

கும்பம்:

சனியின் தாக்கம் கும்ப ராசிக்காரர்களில் காணப்படும். தேவையற்ற போலி பெருமையைக் காட்டுவதில் இவர்கள் ஆர்வம் கொள்வதுண்டு. சமுதாயத்தில் தங்கள் பெருமையை உயர்த்தவும், கௌரவத்தை அதிகரிக்கவும் இவர்கள் பணத்தை தண்ணீரைப் போல செலவழிப்பதுண்டு. இவர்கள் கையில் கொஞ்சம் பணம் வந்தால் போதும், உடனே அதைச் செலவழிக்கத் தொடங்குவார்கள்.

(பொறுப்புத் துறப்பு: இங்கே கொடுக்கப்பட்டுள்ள தகவல்கள் பொதுவான அனுமானங்கள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR