இங்கிலாந்து சென்றுள்ள இந்திய அணி 5 போட்டிகள் கொண்ட டெஸ்ட் தொடரில் விளையாடி வருகிறது.  நாட்டிங்காம் மைதானத்தில் நடைபெற்று வரும் முதலாவது டெஸ்ட் போட்டியில் டாஸ் வென்ற இங்கிலாந்து அணி முதலில் பேட்டிங்கை தேர்வு செய்தது. 


COMMERCIAL BREAK
SCROLL TO CONTINUE READING

இந்திய அணி (Team India) பவுலர்களின் சிறப்பான பந்துவீச்சால் இங்கிலாந்து பேட்ஸ்மேன்கள் அடுத்தடுத்து தனது விக்கெட்டை பறிகொடுத்தனர்.   நான்கு பேர் டக் அவுட்டாக, கேப்டன் ஜோ ரூட்  108 பந்துகளில் 64 ரன்கள் அடித்தார். 183 ரன்களுக்கு இங்கிலாந்து அணி ஆல் அவுட் ஆனது.  இந்திய அணி சார்பில் அதிகபட்சமாக பும்ரா 4 விக்கெட்டுகளையும், சமி 3 விக்கெட்டுகளையும் வீழ்த்தினர். 


பின் களமிறங்கிய இந்திய அணி தொடக்கத்தில் நல்ல ஆட்டத்தை வெளிப்படுத்தினார் அடுத்தடுத்து அந்த பேட்ஸ்மேன்கள் ரன்களை அடிக்க தவறினர்.  மிகவும் எதிர்பார்க்கப்பட்ட கேப்டன் விராட் கோலி (Virat Kohli) முதல் பந்திலேயே ஆட்டமிழந்து வெளியேறினார்.


தொடக்கத்திலிருந்து பொறுமையாக ஆடிய கே எல் ராகுல் 84 ரன்களில் ஆட்டமிழந்தார்.  பின்பு ரவீந்திர ஜடேஜா 56 ரன்கள் அடிக்க இந்திய அணி 278 ரன் குவித்து ஆல் அவுட் ஆனது. 


ALSO READ: MS Dhoni: ட்விட்டரில் தல தோனியின் ப்ளூடிக் நீக்கம்


95 ரன்கள் பின்தங்கிய நிலையில், இரண்டாவது இன்னிங்சில் களமிறங்கியது இங்கிலாந்து அணி.  11 ஓவர்களுக்கு 25 ரன்கள் எடுத்திருந்த நிலையில் மழையின் காரணமாக மூன்றாம் நாள் ஆட்டம் கைவிடப்பட்டது.  இன்று நடைபெறும் 4-வது நாள் ஆட்டத்தில் இந்திய பவுலர்கள் சிறப்பாக பந்து வீசி விக்கெட்களை வேகமாக எடுக்கும் பட்சத்தில் இந்த போட்டியில் இந்திய அணி எளிதாக வெல்ல முடியும். 


இன்றைய நான்காம் நாள் ஆட்டத்தில் இங்கிலாந்து அணி பேட்ஸ்மேன்கள் சிறப்பாக விளையாடினால் போட்டி டிராவில் முடிய அதிக வாய்ப்புள்ளது. எனவே இன்றைய நாளை எதிர்நோக்கி இரண்டு அணிகளும் களமிறங்குகின்றன.  இதற்கிடையில் மழை குறுக்கீடு போட்டி தாமதமானால் நிச்சயம் டிராவில் முடிய அதிக வாய்ப்புள்ளது.


ALSO READ: India vs England: தொடர்ந்து சொதப்பி வரும் புஜாரா, கடுப்பாகி கமெண்ட் போட்ட நெட்டிசன்கள்


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.


முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!


Android Link - https://bit.ly/3hDyh4G


Apple Link - https://apple.co/3loQYeR